Levítico 27:16 - Bible in Tzeltal de Oxchuc y Tenejapa

¹⁶ “Teme ay mach'a ya yac'bon jtsaluc te sq'uinale, te stojol te q'uinale ja' me ya yich' na'el te bila ya xloc' tey a, jich me ya yich' tojel lajuneb yoxwinic (50) ta jsejp plata ta jujun buluchwinic (220) litro cebada te yawalele.

Bible in Tzeltal Bachajón

¹⁶ Teme ay mach'a ya ya'be Jehová j'ohlil te sq'uinale, te stojole ha chican jayeb ya yich' ts'unel tey a: te jun homer cebada ts'unubil, ha lajuneb yoxwinic (50) siclo plata.

Levítico 27:16 Referans Kwoze

Hechos 5:4

Te c'alal ay to ta awenta a te q'uinale, ¿ma bal awu'unuc? Soc te c'alal la achone, ¿ma bal ja'ucat awu'un te stojole? ¿Bistuc jich la anop ta awo'tan? Ma ja'uc la apas ta lot te winique, ja' la apas ta lot te Diose —xi' te Pedroe.

Oseas 3:2

Jich yu'un la jman jtul ants swenta yu'un ya cu'unin, la jtoj jo'lajuneb ta jsejp plata soc lajuneb sjuclajunwinic (330) litro cebada.

Isaías 5:10

Te oxeb hectarea ts'unbil ts'usub, ja' nax me ya xloc' ta pits'el ya'lel jun ch'in barril. Te lajuneb coxtal ya yich' awel trigo, ja' nax me jun coxtal ya xloc' a —xi'.

Levítico 27:15

Pero teme ay bi ora ya sc'an ya sujt' xan ta stojol te sna te mach'a la yac' ta jtojol, ya sc'an te ya sc'ases jun xan ta yo'ebal a te bit'il te stojol albilixe, jich me ya xcha'sujt' ta swenta te snae.

Levítico 27:17

Teme ja' yorail ya yac'bon a ta sjajch'el te yorail ainel ta libre, jich nix me ya xjil te stojol te bit'il albilixe;