Levítico 26:9 - Bible in Tzeltal de Oxchuc y Tenejapa

⁹ Buen lequex me ta jsit, soc ya me cac' esmajuquex, ya me cac' c'otuc ta awentaic te trato cu'une.

Bible in Tzeltal Bachajón

⁹ yu'un ho'on ya suhton ta atojolic, ya cac' xp'ohluquex, ya cac' esmajuquex soc ya cac' c'ohtuc ta acuentahic te chapbil-c'op cu'une.

Levítico 26:9 Referans Kwoze

Salmos 107:38

Ya me x'ac'botic bendición yu'un Cajwaltic, ya me yac' esmajuc xan, soc ya yac' esmajuc xan te chambalametic yu'unique.

Ezequiel 16:62

Jo'on me ya cach'ubtes te trato cu'untique, ya me ana' xan te jo'on te Ajwalilone.

Nehemías 9:23

La awac' ayinuc bayal yal-snich'anic, jich yipal c'ot te bit'il eq'uetic ta ch'ulchane. La awic' bael ta yu'uninel te lumq'uinal awaloj ya awac'bey yu'unin te antiguo sme'-statique.

Isaías 55:3

La'ic ta jtojol, soc aiya awaiyic, aiybon awaiyic stojol te jc'ope, yu'un jich me ya xcuxinex. Te jo'one ya jpas trato ta sbajt'el q'uinal ta atojolic, jich me ya xc'ot ta pasel te bit'il caloj ta swenta xc'uxul co'tan ta stojol David.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Jeremías 33:3

Awtayawon, ya jac'bat. Soc jich ya calbat bitic muc' sc'oplal soc te bitic ma xju' ta na'el awu'une.

Deuteronomio 28:11

Te Cajwaltic ya me yac'bat awilbey yutsil yo'tan: Ja' me te ya yac'bat bayal awal-anich'nab, soc ya me xtojc' bayal yalatac te chambalametic awu'une, soc ya me x'esmaj sit awawal-ats'unub tey ta q'uinal te banti jc'axel la yalbey te antiguo ame'-atat te ya yac'bate.

San Lucas 1:72

Yaloj te ya xc'uxtay te namey q'uinal jme'-jtatique, soc te ma xch'ay ta yo'tan te ch'ul trato yaloje.

Salmos 89:3

La apas trato ta stojol te David, jc'axel jich la awalbey te tsabil abat awu'une:

Deuteronomio 28:4

Lec me ya xc'ot te awal-anich'nab soc te sit awawal-ats'unub, lec me te yalatac te wacaxetic awu'un, te yalatac te me' chijetic awu'une, soc te yalatac ta spisil te chambalametic awu'une.

Éxodo 6:4

La jpas trato soc, ja' te ya cac'bey sq'uinalinic te sq'uinal Canaán. Ja' nix te q'uinal te banti c'axic tel ta neelale.

Éxodo 2:25

Dios la yilbey swocolic te israeletic, soc la sna'bey yo'bolil sbaic.

Éxodo 1:7

Ja'uc me to, bayal esmajic te israeletique, c'axem to xan esmajic ta jyalel, mero bayal yipic a c'ot. Noj yu'unic te sq'uinal Egipto.

Génesis 28:14

Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.

Génesis 26:4

Ya me cac' esmajuc ats'umbal, jich yipal ya xc'otic te bit'il eq'uetic ta ch'ulchan. Soc ya me cac'bey sq'uinalin spisil in q'uinal to te ats'umbale. Ta swenta ats'umbal ya me x'ac'bot bendición ta spisil ta jchajp mach'atic ayic ta balumilal.

Génesis 17:20

Ja'uc me to, jich me ay sc'oplal cu'un stuquel te Ismael: Ya me cac'bey bendición uuc: ya me x'esmaj bayal. Te lajchaytul snich'nabe ajwaliletic ya xc'otic, buen muc'ul lum ya xc'ot cu'un.

Génesis 6:18

Yan te ja'ate jc'axel me ya xc'ot ta awenta te trato cu'une, soc ya me x'ochat ta barco, soc anich'nab soc awinam, soc yinamic te anich'nabe.

Hebreos 8:9

“Ma pajaluc soc te trato la jpas soc te neel me'il-tatiletic yu'unique, te c'alal bi ora la jnit loq'uel tel ta sc'abic ta sq'uinal Egipto. Melel ma jc'axeluc la yich'bonic ta muc' te trato la jpase, jich yu'un te jo'one la quijq'uitay ta co'tan”, xi' te Cajwaltique.

Nehemías 2:20

Pero jich la calbey: —Te Dios ta ch'ulchane lec me ya xc'ootic yu'un. Te jo'otique yabatotic, ya xjajch'otic ta xcha'pasel xan te Jerusalén. Te ja'exe ma'yuc awat'elic, soc ma awentauc, soc ma alumaluc te Jerusalén —la cut.

2 Reyes 13:23

Pero te Cajwaltic la sna'bey yo'bolil sbaic, soc tal xc'uxul ta yo'tan yu'un. Ta scaj te bi xchapoj soc Abraham, Isaac, Jacob te Cajwaltique, la sna' xan. Ma ba la sc'an slajin, soc ma ba la xch'ay ta yo'tan ta jc'axel. Jich nix ay yu'un Cajwaltic c'alal ora te Israel.

Génesis 1:28

Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Génesis 48:4

Jich la yalbon: “Ya me cac' esmajuc te ats'umbale, bayal ta jchajp nación ya xc'otic ta loq'uel. Soc ya me cac'bey yu'unin ats'umbal in q'uinal to. Ja' me yu'unic sbajt'el q'uinal”, la yuton te Diose.

Levítico 26:15

teme ya ach'ayic soc teme ma'yuc sc'oplal awu'unic te bitic chapal cu'une, soc teme ma ba la awaq'uic c'otuc ta pasel te mandaliletic cu'une, jich me ma'yuc ta wenta c'ot awu'unic a te trato cu'une.

Deuteronomio 7:13

Mero c'ux me ya yaiyex ta yo'tan, ya me yac'beyex bendición soc ya me yac' esmajanic. Ya me yac'bey bendición te awal-anich'nabic soc te awawal-ats'unubique: ja' te trigo, te vino soc te aceite, te yalatac te wacaxetic awu'unic, soc yalatac te achijique. Spisil ya me yac'beyex ta lumq'uinal te jc'axel la yalbey te antiguo ame'-atatic te ya yac'beyexe.

Ezequiel 36:9

Jo'on me ya jcanantay te witsetic, ya me cac' te ya yich' pasbeyel te slumile, soc te ya yich' ts'unel ts'unubiletic tey a.

1 Reyes 3:8

pero ayonix ta stojol te lum tsabil awu'une. Ja' te lum mero muc' te ma spas ta ajtayel yu'un yipale.

Jeremías 23:3

Jo'onix ya quic' tel te jayeb xan chijetic te bay la cac' anuc bael ta lumetique, ya jtsob tel, soc ya cac' sujt'uc tel ta bay te swe'elique, swenta yu'un ya me yac' bayal yalatac.

Jeremías 23:4

Ya cac'bey jcanantaywanej yu'un te ya scanantayic ta lec, swenta yu'un ma me ayuc xiwel ya yaiyic, ni ma me xch'ay jcojt'uc. Jo'on Ajwalilon, jich ya cal —xi'.