Levítico 26:45 - Bible in Tzeltal de Oxchuc y Tenejapa

⁴⁵ Melel ma ba ya xch'ay cu'un, ya me jna' te bila trato la jchap soc te antiguo ame'-atatique, te ja' la jchap soc te c'alal la quic' loq'uel tel ta Egipto ta comonsitil ta stojol te nacionetique, swenta yu'un jo'on Dioson yu'unic ya xc'oon. Jo'on te Ajwalilone.” Jich me ya xc'o awal ta stojolic —xi' te Cajwaltique.

Bible in Tzeltal Bachajón

⁴⁵ Ya me jna'ic ta scuenta te namey chapbil-c'op cu'un te c'alal la jloq'ues tal ta sq'uinal Egipto ta stojol sit te nacionetic, yu'un ho'on Dioson ya xc'ohon yu'unic. Ho'on, Jehovahon, xchi.

Levítico 26:45 Referans Kwoze

Levítico 25:38

Jo'on te Ajwalilon, Dioson awu'unic te la jloq'uesex tel ta Egipto swenta yu'un ya cac'beyex te slum-sq'uinal Canaán, soc swenta yu'un jo'on Dioson awu'unic.

Ezequiel 20:22

Pero la jcom jba, ta swenta yutsil jc'oplal, swenta yu'un jich ma xbolob jc'oplal ta stojolic a te nacionetic la yilic la jloq'ues tel ta Egipto.

Ezequiel 20:9

Pero ma jichuc la jpas, swenta yu'un jich ma xbolob yutsil jc'oplal ta stojol te nacionetic te banti nainemic ta yolilique. Melel ta yolilic te nacionetique, la cac' jba ta na'el ta swenta cat'el ta stojolic. La calbey te ya jloq'ues tel ta Egipto.

Levítico 22:33

soc te la jloq'uesex tel ta Egipto swenta yu'un Dios ya xc'oon awu'unic. Jo'on Ajwalilon”, uta me —xi' te Cajwaltique.

Romanos 11:12

Melel ta swenta bit'il la xc'axintayic mandal te judioetic, jich ay bendición c'ot ta stojol spisil te ants-winiquetic ta balumilal. Soc ta swenta bit'il la staic falta ta stojol te Diose, jich ay bendición c'ot ta stojol te mach'atic jyanlumetique. Ja'uc me to, c'axem to xan ay me yutsil te c'alal ya xcha'ic'otic xan te judioetique.

Ezequiel 20:14

Pero ma jichuc la jpas ta swenta yutsilal te jbiile, swenta yu'un jich ma xbolob jc'oplal ta stojol a te nacionetic te la yilic bit'il la jloq'ues tel ta Egipto.

Éxodo 20:2

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

Éxodo 6:8

Tey ya quiq'uex bael a ta q'uinal te la calbey Abraham, Isaac soc Jacob te ya cac'beye. Jich yu'un ja' me ya xc'ot ta awentaic cu'un. Jo'on te Ajwalilone —xi' te Diose.

Éxodo 2:24

Te Dios la yaiybey te sc'opique, jich la sna' xan te ay trato spasoj soc Abraham, Isaac soc Jacob.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

Génesis 9:15

Jich me ya jna' te trato la calbeyex soc spisil te chambalametique. Ma ba ya xtal xan pulemal te ya slajin xan spisil te bitic cuxajtique.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Levítico 11:45

Jo'on te Ajwalilon te la quiq'uex loq'uel tel ta Egipto swenta yu'un Dioson awu'unic jtuquel. Ja' yu'un te ja'exe, ch'ultesbiluquex me, melel ch'ul Dioson te jo'one.” Jich me ya xc'o awalic ta stojolic —xi' te Cajwaltique.

Deuteronomio 4:31

te bit'il mero lec yo'tan stuquel, ma me ba ya spijt'esex, soc ma me ba ya slajinex. Ma ba ya xch'ay ta yo'tan te trato la spas soc te antiguo ame'-atatic, te jc'axel yaloj te ya sc'otes ta pasele.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Deuteronomio 9:27

Na'a me te Abraham, Isaac soc Jacob, te abatetic awu'une. Ma me x'awich'bey ta wenta te stulanil yo'tanic ta atojol te lume, soc nix te sbolilic soc te smulique,

Salmos 106:45

te Diose la sna' xan te trato yu'un soque. Jich la sujt'es sc'op, melel te xc'uxul yo'tan c'ax muc' ta jyalel.