Levítico 26:42 - Bible in Tzeltal de Oxchuc y Tenejapa

⁴² Jich me ora ya jna' te trato cu'un soc Jacob, Isaac, Abraham, soc ya me jna' te lumq'uinal awu'unique.

Bible in Tzeltal Bachajón

⁴² hich ya jna' a te jc'op la jchahp soc Jacob, soc te jc'op la jchahp soc Isaac, soc te jc'op la jchahp soc Abraham, soc ya jna' te lumq'uinale.

Levítico 26:42 Referans Kwoze

Ezequiel 16:60

Pero te jo'one ya me jna' te bila trato la jpastic te c'alal ach'ixat to a, ya me jpastic trato swenta sbajt'el q'uinal.

Salmos 106:45

te Diose la sna' xan te trato yu'un soque. Jich la sujt'es sc'op, melel te xc'uxul yo'tan c'ax muc' ta jyalel.

Éxodo 6:5

Ora yo'tic jna'ojix te ay awocolic te ja'ex te israelex te bit'il yacalex ta sujel ta at'el yu'un te egipcioetique. Ja'uc me to, ay ta co'tan te trato cu'une.

Éxodo 2:24

Te Dios la yaiybey te sc'opique, jich la sna' xan te ay trato spasoj soc Abraham, Isaac soc Jacob.

San Lucas 1:72

Yaloj te ya xc'uxtay te namey q'uinal jme'-jtatique, soc te ma xch'ay ta yo'tan te ch'ul trato yaloje.

Joel 2:18

Te Cajwaltic jich la yac' ta ilel xc'uxul yo'tan ta stojol te lum yu'une, la sna'bey yo'bolil sba te lum yu'une.

Salmos 136:23

Ja' te ya sna'otic te c'alal ayotic ta wocol, sbajt'el q'uinal ay te xc'uxul yo'tane.

Deuteronomio 4:31

te bit'il mero lec yo'tan stuquel, ma me ba ya spijt'esex, soc ma me ba ya slajinex. Ma ba ya xch'ay ta yo'tan te trato la spas soc te antiguo ame'-atatic, te jc'axel yaloj te ya sc'otes ta pasele.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 26:5

Te melel la xch'uunbon jc'op te Abraham, soc la xch'uunbon jmandal, soc la xch'uun spasel spisil te bila la calbey —xi' sc'oplal yu'un te Cajwaltique.

Génesis 9:16

C'alal ya xchicnaj te arco iris ta yolil tocal, ya me quil soc jich me ya jna' te trato calojbey ta stojol spisil bitic cuxajtic te ayic ta balumilale.

Génesis 9:15

Jich me ya jna' te trato la calbeyex soc spisil te chambalametique. Ma ba ya xtal xan pulemal te ya slajin xan spisil te bitic cuxajtique.

Génesis 26:2

Te Cajwaltic la yac' sba ta ilel ta stojol Isaac, jich la yalbey: —Ma me xcoat bael ta Egipto, nainan te banti ya calbate.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Génesis 35:12

“Te q'uinal la cac'bey sq'uinalin te Abraham soc te Isaac, ja'at me ya cac'batix aq'uinalin, soc ja' me ya cac'bey sq'uinalin te ats'umbal ta patil baele —xi' sc'oplal.

Jueces 2:1

Te ch'ul abat yu'un Cajwaltic loc' ta Gilgal, bajt' ta Boquim. Jich la yalbey te israeletic: —Jo'on la jloq'uesex tel ta Egipto, la quiq'uex tel ta bay in q'uinal to te la calbey te antiguo ame'-atatique: “Ma'yuc bi ora ya jlajinbey sc'oplal te trato cu'un ta atojolic te ja'exe”, xoon.

Ester 4:14

Teme ma ba ya xc'opojat yo'tic, teme ma'yuc bi ya awale, te scoltayel te judioetic ya me xtal ta yan parte, pero te ja'at soc te mach'atic ay yu'un te atate ya me xlajex. Repente ja' swentail te ochat ta antsil-ajwalil yu'un te ya acoltayotic ta wocole”, xi'.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Deuteronomio 9:27

Na'a me te Abraham, Isaac soc Jacob, te abatetic awu'une. Ma me x'awich'bey ta wenta te stulanil yo'tanic ta atojol te lume, soc nix te sbolilic soc te smulique,

Isaías 14:1

Ta smelelil, te Cajwaltic ya me xc'uxtabey sts'umbal te Jacob. Jich me yach'il xan ya xc'ot ta tsael yan buelta te lum Israel, jich me ya yac' najc'ajuc ta sq'uinalic. Te jyanlumetic ya me xnoptsajic bael ta stojolic, jun me ya yac' sbaic soc te sts'umbal Jacob.