Levítico 26:4 - Bible in Tzeltal de Oxchuc y Tenejapa

⁴ jo'on me ya jticunbeyex tel ta yorail te ja'ale, te lumq'uinal ay me bitic ya yac' sit tey a, soc te te'etic ya me yac' sitic.

Bible in Tzeltal Bachajón

⁴ ya jticombeyex tal ha'al ta yorahil, soc te awal-ts'unubil soc te te'etic ya me yac'ticlan sit.

Levítico 26:4 Referans Kwoze

Zacarías 8:12

Melel te lamal q'uinal ya me yich' ts'unel ta yolilic. Ya me yac' sit te sts'usubilic, soc ya me sitin te bila ya yich' ts'unel a ta lumq'uinale, soc te ch'ulchan ya me yac' coel tel sts'ujulel. Ta spisil, jo'on me ya cac'bey yu'uninic te mach'atic lum cu'un te ya xjilique.

Salmos 67:6

La yac' sit te bitic la yich' ts'unel ta lumq'uinale; te Dios cu'untique la yac'botic bendición.

Ezequiel 36:30

Ya me cac' te bayal ya sitin te te'etic soc te awalts'unubiletique, swenta yu'un ma ba ya ataiquix q'uexlal a, soc ma ba ya yilbeyex awocolic ta wi'nal a te yantic nacionetique.

Isaías 30:23

Te Cajwaltic ya me yac'bat tel ja'al yu'un te awawal te ya awaj ta lumq'uinale, te lumq'uinal ya me yac' bayal trigo te lec ta tuuntesele. Jich c'aalil ya sta lec swe'elic ta c'axem to xan te chambalametic awu'unique.

Job 5:10

Ja' ya yac' tel ja'al ta lumq'uinal, ja' ya x'ajch' yu'un te lumq'uinaletique;

Deuteronomio 28:12

Ya me sjambat te yawil sc'ulejale, ja' te ch'ulchane, swenta yu'un ya me yac'bey tel ja'al ta stojol te alum-aq'uinale, ja' te ja'al ya sc'ane. Soc ya me yac' esmajuc ta spisil te bila at'elil ya apase. Ya me xju' ya awac'bey sbetan abiluc bayal nacionetic, pero te ja'ate ma me ayuc mach'a ya abetanbey sbiluc.

Deuteronomio 11:14

ya me yac' taluc ja'al ta yorail otoño, soc ta yorail primavera swenta yu'un jich me ya atsobeyic sit te atrigoic, soc jich me ay vino soc aceite awu'unic.

Levítico 25:21

Melel jo'on me ya cac'beyex bendición te ya xc'ax te swaquebal ja'wile, te bila ya xloc' awu'unic, tic' ya xc'ax oxeb ja'wil awu'unic a.

Hechos 14:17

Ja'uc me to, ma yu'unuc ma la yac' ta na'el te bit'il ay stuquel te Diose, melel lec te bi ya spase. Ya yac' taluc ja'al ta ch'ulchan soc ya yac' sitinuc te cawal-jts'unubtique. Jich ya xnoj te jch'ujt'ique soc ya xbujts'naj co'tantic ta lec yu'un —xiic ta aw.

San Mateo 5:45

Jich me yal-snich'an ya xc'oex te Jtatic te ay ta ch'ulchane, melel pajal ya yac' tiluc c'aal ta stojol te mach'atic ma tojuque soc te mach'atic tojique. Soc pajal ya yac' taluc ja'al ta stojol mach'atic tojic soc te mach'atic ma tojuque.

Salmos 85:12

Ja' me te Cajwaltic te ya yac' tel te ja'ale, swenta ay bi ya sitin ta lumq'uinal cu'untic.

Salmos 68:9

Dios cu'un, ja'at la awac' tel bayal ja'al, swenta yu'un la awac' xan lecubuc jajch'el te taquin lumq'uinal awu'une.

Apocalipsis 11:6

Te testigoetique ay me yu'elic ta smaquel te ch'ulchane, swenta yu'un ma ba ya xtal ja'al te jayeb c'aal ya xc'opojic ta j'alwaneje. Soc ya xju' yu'unic te ya sc'atp'unic ta ch'ich' te ja'e, soc ya xju' yu'unic te ya yac' c'axuc spisil ta jchajp swocol te balumilale, chican jayeb buelta ya sc'an yo'tanic te ya spasique.

Santiago 5:7

Jich yu'un, quermanotac, junuc awo'tanic ts'ijc'uc awu'unic te awocolique, ja' to teme chicnaj tel te Cajwaltique. Jich bit'il te mach'a yat'elinej sc'altayel te q'uinale te ya smaliybey yutsil sit te sc'ale, ya sc'an te jun nax yo'tan ya smaliy te bi ora ya xtal te ja'ale.

Jeremías 14:22

¿Ay laj bal ta yolilic te lotil diosetic te ay jtuluc te ya xju' yu'un yaq'uel tel te ja'ale? ¿Stuquel nax laj bal ya sticun tel chawuquil ja'al te ch'ulchane? Ma jichuc, Cajwal, Dios cu'untic. Ja'at nax atuquel te ya aticun tele, ja'at nax atuquel te ya apas ta spisile; jich yu'un ya jmaliytic te bi ora ya awac'botique.

Isaías 5:6

ya jpijt'es jilel. Ma ba ya yich' c'abuyel, ni ma ba ya yich' aq'uentayel; ya me xnoj ta ch'ixtiquil soc ta wanc'altic. Ya me jpas ta mandal te tocaletic te ma me xyaq'uic ja'al ta stojol —xi.

Salmos 104:13

Ja'at nix ya awac'bey tel ya'lel te witstiquile, c'alal to ta ana, ta toyol ya xtal awu'un; te tulan ya xtal ta ch'ulchan te ja'ale, jich ya sbujts'antesbey yo'tan te lumq'uinale.

1 Reyes 17:1

Te j'alwanej yu'un Dios Elías, te talem ta Tisbe te ay ta sq'uinal Galaad, jich la yalbey te Acab: —¡Ya calbat ta jamal ta stojol Cajwaltic Dios yu'un Israel, te yacon ta abatinel yu'une, te ma ba ya xtal ja'al che'oxeb ja'wil baele, soc ni yacuc xyal tel ts'ujul, ja' to teme jo'on ya cale! —la yut.

Levítico 25:19

te lumq'uinal ay me bitic ya yac' sit tey a, te ja'ex bin nax me awo'tanic ya x'ainex tey a, ya me awe'ic te bitic ya xloq'ue, buen me ya xnoj ach'ujt'ic yu'un.

Deuteronomio 11:13

“Teme spisil awo'tanic ya ach'uunic spasel te mandaliletic yacon ta yalel ta atojolic, teme mero c'ux ya awaiy ta awo'tanic te Cajwaltic te Dios cu'untique, teme mero spisil awo'tanic soc teme spisil acuxlejalic ya ach'uunique,

Salmos 67:7

Ac'a yac'botic bendición te Diose. Ac'a ich'otuc ta muc' yu'un te ants-winiquetic ta spamal balumilal.

Salmos 85:13

Te toj-o'tanil ya me xneelaj bael ta stojol, ya me xchajbanbey sbe te Cajwaltique.

Joel 2:22

Ma me xiwex, ja'ex ja'mal chambalametic, melel ya me xyaxubiquix xan te aquiltique. Ya me xcha'yac' xan sit te te'etique, ay me bayal higueraetic soc ts'usubetic.