Levítico 26:39 - Bible in Tzeltal de Oxchuc y Tenejapa

³⁹ Te mach'atic cuxulic ya xjil ta sq'uinal acontroique, ya me xlajic ta scaj te smul spasojique. Pajal me ya xlajic soc sme'-static ta swenta te smulique.

Bible in Tzeltal Bachajón

³⁹ Te mach'atic hilem awu'unic ya xlaj bahel yipic ta sq'uinal acontrahic ta scaj smulic; soc pajal ya xlaj bahel yipic soc sme'static ta scaj te smulique.

Levítico 26:39 Referans Kwoze

Ezequiel 4:17

Ma me xwejt' bayal ja' soc we'elil yu'unic, soc talel c'axel me ya yil sbaic te ay swocolic yu'un xiwele. Ta scaj smulic, cuxulic me a ya xjajch'ic ta c'a'el —xi'.

Ezequiel 33:10

La yal xan te Cajwaltique: —Ja'at winic, albeya te lum Israel: “Te ja'exe jich ya awalic: ‘Mero bayal falta cu'untic soc bayal jmultic. Ja' yu'un, cuxulotic a yacotic ta c'a'el. ¿Bit'il ya xcuxinotic jiche?’ xaex.

Ezequiel 24:23

Ma me xju' te ya aloq'ues sbejch'il ajol, soc ma me xju' te ya aloq'ues axanabe. Ma me ba ya amel awo'tanic soc ni yacuc x'oq'uex. Ma me ayuc awipic ya xjilex ta scaj te amenexe. Talel c'axel me ya xjajch'ex ta yalel te bila ay awocolic yu'une.

Ezequiel 6:9

Te mach'atic colic jilel ta lajele, ya me sna'onic te c'alal pujq'uemic ta nacionetique. Ya me xtal ta yo'tanic te bit'il la cac'bey swocolic ta scaj te ma junuc yo'tanic ta jtojole, soc ta scaj te la yijq'uitayon ta yo'tanique, te jajch' xch'uunic te lotil diosetique. Ja'ic ni me ya xjajch' yilayic ta patil te amen yat'elic la spasique, soc ta spisil te bitic ilaybil sba la spasique.

Deuteronomio 28:65

Te jayeb c'aal ya xcuxinat ta bay te nacionetique, ayat me ta mel-o'tan soc ma me ayuc cux-o'tan ta atojol, melel te Cajwaltic ya me yac'bat xiwel spisil ora, ay me mel-o'tan ta asit-awelaw soc bayal yo'bolil aba.

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Zacarías 10:9

Jo'on la jpuc bael ta yantic nacionetic; pero te c'alal c'ubul ayic a, ya me sna'onic. Ya me sta yorail te ya sujt'ic xan tel soc te yal-snich'nabique.

Oseas 5:15

“Ora ya sujt'on bael ta bay cawil, ja' to me c'alal ya sna'ic te smulique. Jich me ya xtal sleonic. Ja' me ya yalbonic wocol a te c'alal ayiquix ta woclajele —xi'.

Ezequiel 36:31

Te c'alal ya ana'ic te amen atalelic, soc te bi yilel te amen awat'elic, ja'ex ni me ya xq'uexawex yu'un, ja' yu'un te amulic soc te amen awat'elique.

Ezequiel 20:43

Tey me ya xc'o ana'ic ta spisil a te bitic amen la apasic, te ja' la aboltes abaic a, ja'ex ni me ya xjajch' awilayic ta patil te bitic mero amenic la apasique.

Ezequiel 18:19

Te ja'exe ya wan ajojc'oyic: “¿Bi yu'un te ma ba ya stojbey uuc te smul stat te nich'anile?”, teme xaexe. Melel ja' la spas te bila yich'oj swentaile, te bila stojil soc spisil te bila ya yal te mandaliletic cu'une, ja' yu'un ya me xcuxin ta mero melel stuquel.

Lamentaciones 4:9

Ja' lec xan c'otic ta loq'uel stuquelic a te mach'atic lajic ta guerra, ma jichuc te mach'atic yacalic ta lajel ta wi'nale; melel c'unc'un yacalic ta lajel, ta scaj te ma'yuc awalts'unubil ta lumq'uinal.

Jeremías 31:29

“Te bi ora ya xc'ote, ma ba ya yalic xan: “Te sme'-statique la slo'ic pajal ts'usub; te yal-snich'anic ya stsic'bot yeic yu'un uuc”, te xi' ta alele.

Jeremías 29:12

Jich yu'un te ja'exe ya me xtal ac'opononic, te jo'one ya me caiybeyex stojol.

Jeremías 3:25

Ac'a me jpejc'an jbatic yu'un q'uexlal jiche, ac'a me spotsotic te jq'uexlaltique. Melel ja' to ta calaliltic soc asta c'alal ora yo'tic, te jo'otic soc te jme'-jtatic jtaoj jmultic ta stojol Cajwaltic te Dios cu'untique, soc ma ba jch'uunejbeytic sc'op —xiic ta yalel.

Nehemías 1:9

Pero teme ya sujt'otic ta atojole, soc teme ya cac'tic c'otuc ta pasel te mandaliletic awu'une, soc teme ya x'och jpastic xan spisil orae, melel awaloj te ya atsobotic tel tey a, soc awaloj te ya awac'otic xan tey ta banti tsabil awu'un te ch'ultesbil yu'un te abiile, manchuc me la quich'tic puquel bael c'alal ta xujc' sti'il te balumilale.

Deuteronomio 30:1

“Ya me sta yorail te ya xtal ta atojolic te bitic la calbeyexix awaiyique, te bitic swenta bendición soc te bitic swenta castigo te la cac'beyex atsaique. Pero teme la asujt'es awo'tanic tey a ta bay nacionetic te banti ya xch'ojex bael te Cajwaltic Diose,

Deuteronomio 5:9

Ma me xaquejan aba ta stojolic, ma me xach'uunic. Melel jo'on Ajwalilon, Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Números 14:18

Awaloj te ma orauc nax ya x'ilinat, te mero muc' ta jyalel te xc'uxul awo'tan, soc te ya apasbey perdón yu'un smulic soc te stoybailique. Ya jna' te ma xch'ay castigo ta stojol te mach'a ay smul, te ya awac'bey castigo soc snich'nab smamatac c'alal ta xchancajal.

Éxodo 34:7

Ma xch'ay xc'uxul co'tan ta stojol jmil ta caj awal-anich'an. Ya jpasbey perdón yu'un te stoybailic, te xc'axintayel jmandal, soc spisil te smulique. Ja'uc me to, ma xch'ay castigo ta stojol te mach'a ay bila smulineje. Ya me cac'bey castigo yu'un stoybailic te sme'-static, te snich'nabic soc te snich'nabic uuc te snich'nabe, c'alal ta yoxcajal, xchancajal te yal-snich'nabe —xi' te Cajwaltique.

Isaías 14:21

Chajbana abaic ta smilel te alnich'anetic ta scaj te la spasic te bitic amen te sme'-statique, swenta yu'un ma me snopic te ya swentain te lumq'uinale, ni ma xju' xan ya snojes ta lumetic te balumilal —xaex me ta slabanel.

Isaías 24:16

C'alal ta sti'il balumilal ya caiytic stojol c'ayoj te jich ya yale: “¡Ay ta ich'el ta muc' te mach'a toj yo'tane!” xi'. Ja'uc me to, la cal: “¡Ay, obol nax me jba! Te mach'atic ya x'ac'awan ta c'abale, muquen ya spasic”, la cut.

Lamentaciones 1:3

Manchuc me c'axix swocol ta tulan at'el ta mosoinel te Judá, yo'tic c'axem to xan ay ta woclajel yu'un te ma'yuc ta slumale. Ainem ta yolil jyanlumetic, ta ora yo'tic ma staix te bay ya xcux yo'tane. Te mach'atic nutswanique taot yu'unic, la steniquix ta uts'inel.

Deuteronomio 8:20

Jich te bit'il ya slajin Cajwaltic te nacionetic ya ataic ta banti ya xc'axexe, ja' ni me jich ya awich'ic lajinel, teme ma ba ya ach'uunic te Cajwaltic te Dios cu'untique.

2 Crónicas 34:24

te jich ya cale: Jo'on Awajwalon, ya me cac' tel tulan woclajel ta stojol te lum soc ta stojol te mach'atic nainemic tey a, jich bit'il te sc'oplal castigo te ts'ibubil jilel ta libro, te la yich' ilel ta stojol te muc' ajwalil yu'un Judá.

Esdras 9:7

Nameyix soc c'alal ora ayotic ta mero tulan mulil. Ta scaj te bila amen la jpastique, soc nix te muc' ajwaliletic soc sacerdoteetic cu'untique, ta jpisiltic ochotic ta sc'ab muc' ajwaliletic ta yantic nacionetic. La quich'tic ejch'entesel, la quijq'uitay jlumaltic, elc'anot jbiluctic soc la quich'tic ilayel, soc jich nix ayotic c'alal ora in to.