Levítico 26:37 - Bible in Tzeltal de Oxchuc y Tenejapa

³⁷ Atenten me abaic ta anel, jich te bit'il yacalex ta anel ta guerra, manchuc teme ma'yuc mach'a yacal snutsbelex. Ma me ayuc jtuluquex te ya xju' awu'unic te ya atsac abaic soc te acontroique.

Bible in Tzeltal Bachajón

³⁷ Ya syahlteslan sbahic hich te bin ut'il yacalic ta ahnel yu'un espada, aunque mayuc mach'a nutsbilic yu'un. Ma xhu' awu'unic te yac atehc'an abahic ta stojol te acontrahique.

Levítico 26:37 Referans Kwoze

Jueces 2:14

Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Jeremías 37:10

Manchuc me ya atsalic spisil te soldado-caldeoetic te yac ta yaq'uel guerra, jtul cheb xanix ya xjil ta ejch'en stuquelic ta scampamentoic; ja'uc me to, te soldado-caldeoetic ya me sjajch'ic tel, soc ya me xchiq'uic jilel te lume —xi'.

Isaías 10:4

Teme ma x'awich'ic pejc'anel soc teme ma x'awich'ic chuquel baele, pajal ya xlajex bael soc te mach'atic ya yich'ic milele. Ja'uc me to, ma to xlamaj yilimba a te Cajwaltique; ya to xtoy xan bael ac'oplalic yu'un.

Jueces 7:22

Pero yacalic ta yoq'uesinel xulubil te jo'lajunwinic (300) ta jtul israeletique. Te Cajwaltic ja' nix la yac'bey smil sbaic te madianetic, soc te ya xloq'uic bael ta anel c'alal ta Bet-sita ta sbelal Zerera, soc ja' to ta sti'il sq'uinal Abel-mehola ta nopol Tabat.

Números 14:42

Ma me xbaex xan, melel ma ba ya sjoinex bael te Cajwaltique. Te acontro ya me stsalex.

Levítico 26:17

Jo'on me ya jcontroinex, ya me stsalex te acontroique, ya me yabatinex te mach'atic ay slab yo'tan awu'unique, ya me xloq'uex ta anel manchuc ma'yuc mach'a ya snutsex.

Jeremías 6:21

Jich yu'un te Cajwaltic jich ya yal: —Te lume ya cac'bey sc'ojch'in yacan, soc ya cac' xyalic. Tatiletic soc nich'aniletic, spat-xujq'uic soc te mach'a jun yo'tanic sbaic soque, pajal me ya xlajic —xi' te Cajwaltique.

Jeremías 46:16

Te soldadoetic awu'un ja' nix ya sc'ojch'in sbaic soc ya xyalic, soc juju-jtul jich ya yalbey sbaic: “Loc'ucotic bael li'to, sujt'ucotic bael ta jlumaltic, ja' te lum bay ayinotique. Anucotic bael yu'un te tulan guerra”, xiic me.

Nahúm 3:3

Pajal nax ya xbeen ta tulan te caballoetique. Ya xtil puñaletic, ya xojobaj lanzaetic. Bayal ta jmil j'ejch'enetic, bayal ta jbus te mach'a ya xlajique. Ma xju' ta ajtayel te mach'a lajemique. Te ants-winiquetic tey ya sc'ojch'in sbaic a.

1 Samuel 4:2

La xchajban sbaic jajch'el, ba staic te israeletique. Jich jajch' te guerra yu'unique. Ja' ju' yu'unic te filisteoetique, ja' tsalotic te israeletic, chanmil (4,000) ta jtul laj te swinic ta campo te banti la stsac sbaic ta guerra.