Levítico 26:36 - Bible in Tzeltal de Oxchuc y Tenejapa

³⁶ “Te ja'exe, teme ay to cuxulex jilel tey ta slumal te acontroique, ya me cac' taluc xiwel ta awo'tanic. Manchuc me jun nax yabenal te' xchajlujet ya xc'ot ta lum te c'alal ya xyal coele, ya me axi'ic. Ya me xloq'uex ta anel, jich te bit'il tenbilex ta puñal ya awaiyique.

Bible in Tzeltal Bachajón

³⁶ Te mach'atic hilem awu'unic, ya cac' taluc xiwel ta yo'tanic tey ta sq'uinalic te scontrahique; nutsbil ya ya'iy yu'un teme ya ya'iybe sc'op ya'binal te' tembil ta ic', ya me xloq'uic ta ahnel hich te bin ut'il tembilic ta espada ya ya'iyic, soc ya xyahlic aunque mayuc mach'a nutsbilic yu'un.

Levítico 26:36 Referans Kwoze

Ezequiel 21:7

Teme ay ya sjojc'obat bi yu'un te ya x'oc'ate, albeya te yu'un ay bila awaiyoj sc'oplal te nopol ya xc'ot ta pasele. Ta spisil yajwal lum ya me xch'ay q'uinal ya yaiyic yu'un. Ya me saybuj yoc sc'abic, ma'yuc mach'a ma xtal xiwel ta yo'tan. Ta spisilic me ya xnijc' yacanic yu'un xiwel. Ya xc'otix yorail, ya xjajch'ix ta pasel. Jo'on Ajwalilon te jich caloje —xi'.

Isaías 30:17

Jmil ta jtul ya x'anex bael ta swenta jtul nax winic te ya xiwtesexe, soc apisilic ya x'anex bael ta swenta jo'tul nax winiquetic, ja' to me chican jteb xanix ya xjilex jich bit'il te' ya xjil ta sba wits, o jich bit'il bandera teq'uel ya xjil ta bujul wits.

Levítico 26:17

Jo'on me ya jcontroinex, ya me stsalex te acontroique, ya me yabatinex te mach'atic ay slab yo'tan awu'unique, ya me xloq'uex ta anel manchuc ma'yuc mach'a ya snutsex.

Ezequiel 21:15

Ya me x'ac'bot bayal xiwelic yu'un, ya me yac' bayal milaw. Ta spisil te nanatic yu'un la caq'uix ochel te jmilawal puñale. Ja' te puñal la yich' juxel ta leque, xlemet me xojobil ya yac' tey a, yich'oj juxel ye yu'un milaw.

Ezequiel 21:12

Ja'at winic, awunan, queletan ta aw. Melel chapalix, yu'un ya yich' milel te lum cu'un, ta spisilic te mach'atic yich'oj yat'elic ta Israel. Chapal te ya xlajic soc te lum cu'une, ja' yu'un majulaya awo'tan yu'un xc'uxul.

Isaías 7:4

Jich me ya awalbey: “Tsajtaya me aba, ma me xiwat; mero ma me xiwat, ni ma me xnijc' awo'tan yu'un te cheb xutunte'etic xtomet xch'ailique, ja' te Rezín soc te soldado-siriaetic yu'une, soc te snich'an Remalías, te yac ta tilel sc'ajc'al yo'tanique.

Isaías 7:2

Jich yu'un c'ot c'op ta stojol te muc' ajwalil Acaz soc te mach'atic ay yu'une: “Te siriaetic xchapojix sc'op soc Efraín”, xi'. Ja' yu'un te muc' ajwalil soc te lume jajch'ic ta nijq'uel, jich bit'il te'etic ta ja'mal yu'un te iq'ue.

Proverbios 28:1

Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.

2 Crónicas 14:14

Soc la yac'bey guerra spisilic te lumetic ta sjoyobal Gerar, spisilic bayal och xiwel ta yo'tanic ta stojol te Cajwaltique. Te soldadoetic yu'un Judá la spojbeyic bayal sbiluc, yu'un ay bayal sc'ulejalic te lumetique.

1 Samuel 17:24

Jich te israeletic, te c'alal la yilic te winique, la xi'ic, soc jijts'ic loq'uel ta stojol ta ora.

Josué 5:1

Spisil te muc' ajwaliletic yu'un te amorreoetic te ayic ta swenta smalib c'aal yu'un Jordán, soc te muc' ajwaliletic yu'un te cananeoetic te nopol ayic ta Mar Mediterráneo, la yaiyic stojol te taquinaj ya'lel te Jordán, te c'axic tel tey a te israeletique. Jich och bayal xiwel ta yo'tanic, jich ma'yuc bila la yalbeyic ta stojol te israeletique.

Deuteronomio 1:44

Jich te amorreoetic, te nainemic ta witstiquile, loq'uic tel ta atojolic, jich la snutsex te bit'il xchanul xux. La stsalex ta Seir c'alal ta Horma.

Génesis 35:5

Jajch'ic ta beel. Te jaychajp lum ta banti ayique, ma ba nutsotic yu'un, melel ac'bot xiwel ta yo'tanic yu'un Dios, jich ma ba nutsotic.

Génesis 4:12

Te c'alal ya awaiy awal ta lumq'uinal, ma me xyac' sit. Melmonel ya xc'axat ta q'uinal, soc ma xwejt' bay ya x'ainat —xi' sc'oplal yu'un te Diose.

Levítico 26:35

Te jayeb c'aal ay awocolique, te lumq'uinal ya me xcux yo'tan, melel te c'alal tey ayex a, ma ba la xcux yo'tan.

Josué 7:5

Ay la yich'ic milel waclajuneb xcha'winic (36) ta jtul. Te yantique la yich'ic nutsel bael c'alal ta yochibal te lume, ja' to c'alal ta bay sloq'uesjibal tonetic, ta bay coel tey la yich'ic milel a. Ja' swentail te pejc'aj yo'tanic te israeletique, ch'ay yip te yo'tanique.

Job 13:25

Jichon bit'il yabenal te' te ya xlicot yu'un te iq'ue. ¿Bi yu'un ya ac'an ya alajinon? Ja' nax pajalon soc te taquin ac. ¿Bi yu'un te ya anutsone?

Salmos 53:5

Manchuc me ma'yuc bila chican ta xi'el tey a te ya yac' nijq'uele, pero jajch'ic ta nijq'uel yu'un xiwel; melel Dios la spucbey sbaquel te controetique. Jilic ta q'uexlal melel ch'ayotic jilel yu'un te Diose.

Jeremías 37:10

Manchuc me ya atsalic spisil te soldado-caldeoetic te yac ta yaq'uel guerra, jtul cheb xanix ya xjil ta ejch'en stuquelic ta scampamentoic; ja'uc me to, te soldado-caldeoetic ya me sjajch'ic tel, soc ya me xchiq'uic jilel te lume —xi'.

Jeremías 46:16

Te soldadoetic awu'un ja' nix ya sc'ojch'in sbaic soc ya xyalic, soc juju-jtul jich ya yalbey sbaic: “Loc'ucotic bael li'to, sujt'ucotic bael ta jlumaltic, ja' te lum bay ayinotique. Anucotic bael yu'un te tulan guerra”, xiic me.

Lamentaciones 1:3

Manchuc me c'axix swocol ta tulan at'el ta mosoinel te Judá, yo'tic c'axem to xan ay ta woclajel yu'un te ma'yuc ta slumale. Ainem ta yolil jyanlumetic, ta ora yo'tic ma staix te bay ya xcux yo'tane. Te mach'atic nutswanique taot yu'unic, la steniquix ta uts'inel.

Lamentaciones 1:6

Ch'ay ta jc'axel spisil st'ujbilal Sión; te jtsobwanejetic yu'une, jichic bit'il ja'mal chijetic, yacalic ta sleel swe'elic. Stasojix yacanic ta beel yu'un lubel, yo'tanuc ya x'anic bael ta stojol te jnutsawetic yu'unique.

Lamentaciones 4:19

C'ax jich ya x'animajic te bit'il áquila ta ch'ulchan te jnutswanej cu'untique; ya snutsotic ta witstiquil, ya yac'botic yaquiltic ta bay jochol taquin q'uinal.

Salmos 53:6

Ja'uc ta wits Sión ya xtal scolel te lum Israel. Te bi ora ya stam jajch'el te lum yu'un te Cajwaltique, bin nax me yo'tanic ya xc'otic yu'un te sts'umbal Jacob, ja' ta spisil te lum Israele.

Salmos 89:43

La alajinbey ye te spuñale; ma ba la awac' ta tsalaw ta guerra.

Oseas 8:3

Ja'uc me to, te Israel la xch'oj bael te bila leque; jich yu'un ya me xnutsot yu'un te scontrotaque.