Levítico 26:34 - Bible in Tzeltal de Oxchuc y Tenejapa

³⁴ Jich te lumq'uinale bin nax me yo'tan ya xjil ta cux-o'tan te jayeb c'aal ay te awocolique, ja' te c'alal ayex ta slum-sq'uinal a te acontrotaque. Jich me ya xcux yo'tan te alum-aq'uinal te jayeb c'aal ma ba la xcux yo'tane.

Bible in Tzeltal Bachajón

³⁴ Hich te lumq'uinal tse'el yo'tan ya scux yo'tan te jayeb c'ahc'al jimbil ya xhil, te c'alal ayex ta sq'uinal a te acontrahique; hich ya scux yo'tan te lumq'uinal soc buen tse'el yo'tan yu'un te jayeb c'ahc'al ya scux yo'tan.

Levítico 26:34 Referans Kwoze

2 Crónicas 36:21

swenta yu'un ya me xc'ot ta pasel te bila yaloj Dios ta swenta j'alwanej Jeremías. Jich yu'un te slum-sq'uinalique bin nax yo'tan c'oem, yu'un te la xcux yo'tan, melel xcuxoj bael yo'tan ta spisil te jayeb c'aal jineme, ja' to c'alal c'ax te lajuneb xchanwinic (70) ja'wile.

Levítico 26:43

Ja' me ya xjil ta libre awu'unic, bayal me yutsil ya x'ain te jayeb c'aal te ya xcux yo'tan awu'unic, te bit'il ma ba ya xnainex tey a. Ya me atojic te amulique, melel la awilaybonic te bitic chapal cu'un soc te mandaliletic te la ac'axintaybonique.

Levítico 25:10

Ta slajunebal yoxwinic (50) ja'wil ya me awalic ta jamal te ja' te ch'ul ja'wil swenta ainel ta libre. Ya me apuquic ta alel ta stojol spisil te yajwal lumq'uinal te ja' yorail ainel ta libre. Spisil winiquetic ya me xcha'sujt' xan bael ta yolil mach'atic ay yu'un, soc ya me sujt' xan bael ta yich'el te sq'uinalique.

Levítico 26:35

Te jayeb c'aal ay awocolique, te lumq'uinal ya me xcux yo'tan, melel te c'alal tey ayex a, ma ba la xcux yo'tan.

1 Reyes 8:46

“Te c'alal ya sta smulic ta atojole, melel ma'yuc mach'a ma sta smul, teme ilinat ta stojolique, soc teme la awac' ta sc'ab te scontro swenta yu'un ya yic' bael ta chuquel ta slumalic ta c'ubul o ta nopole,

Jeremías 34:17

Ja' yu'un yo'tic, jo'on Ajwalilon ya cal: Ja'ex ma la ach'uunbonic jc'op, ma la awaq'uic ta libre te alumalic te ayic ta mosoile. Ta ora yo'tic, ja' ya caq'uex ta libre te ja' ya x'at'ej ta atojolic te guerra, chamel soc wi'nal, swenta yu'un ya me spas ta atojolic bila te ya xjajch' ta nijq'uel yo'tanic yu'un spisilic te mach'atic ya xmandalajic ta balumilal. Jo'on Ajwalilon, jich ya cal.