Levítico 26:33 - Bible in Tzeltal de Oxchuc y Tenejapa

³³ Yan te ja'exe, ya me jpuquex bael ta yantic nacionetic, jloq'uesej me jpuñal a ya jnutsex bael. Te alum-aq'uinalic ya xc'atp'uj ta jochol q'uinal, jich nix te lumetic awu'unic ya xc'atp'ujic ta jinem ts'ajq'uetic.

Bible in Tzeltal Bachajón

³³ Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Levítico 26:33 Referans Kwoze

Zacarías 7:14

Ja' yu'un jich te bit'il sutu-ic' la jpuc bael ta stojol te nacionetic te ma'yuc xyilique. Te c'alal jil yu'unic te slum-sq'uinalique, c'atp'uj ta jochol taquin q'uinal, ma'yuc mach'a ju' nainix tey a. La yaq'uic bolobuc te buen t'ujbil lumq'uinale —xi'.

Ezequiel 20:23

Ta jochol taquin q'uinal jc'axel la calbey te ya jpuc bael ta yantic nacionetic ta balumilal,

Deuteronomio 4:27

Te Cajwaltic ya me spuquex bael ta yantic nacionetic, ma me ayuquix bayal cuxul ya xjilex.

Ezequiel 22:15

Ya me jpuquex bael ta spisil yantic nacionetic, ya me jpuquex bael ta yantic lumq'uinal. Jc'axel me ya jlecubtesex te bit'il bolobenexe.

Salmos 44:11

La awac'otiquix ta c'abal jich bit'il chijetic te ya yich' milele; la apuc bael te lum awu'un ta stojol te mach'atic ma ba xch'uunejate;

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

Lamentaciones 4:15

“¡Q'ueja abaic, q'ueja abaic, ja'ic te mach'atic bolobenic, ma x'apiquic!” xi' sc'oplalic ta awtayel. “J'aneletic, ma xju' x'ainex li'to”, xiic te mach'atic ma'yuc ta stojol te Diose.

Jeremías 9:16

Ya jpuc bael ta nacionetic te ma yilojuque, soc te ma yilojuc te sme'-statique; ya me cac' te ya yich'ic nutsel ta puñal, asta ma'yuc ya xjil jtuluc —xi' te Cajwaltique.

Lamentaciones 1:3

Manchuc me c'axix swocol ta tulan at'el ta mosoinel te Judá, yo'tic c'axem to xan ay ta woclajel yu'un te ma'yuc ta slumale. Ainem ta yolil jyanlumetic, ta ora yo'tic ma staix te bay ya xcux yo'tane. Te mach'atic nutswanique taot yu'unic, la steniquix ta uts'inel.

Santiago 1:1

Jo'on Santiagoon, yabaton te Diose soc uuc te Cajwaltic Jesucristoe. Ya jpatbeyex awo'tanic ja'ex te lajchaychajbex te sts'umbalex Israel te pujq'uemex ta spamal balumilale.

2 Crónicas 7:19

Yan teme ya apit aba ta jtojol, teme ma xach'uun spisil te mandaliletic cac'ojbeyexe, teme ya awac' abaic ta abatinel yu'un yantic diosetic soc ya xbaex ta yalel wocol ta stojolic,

Nehemías 1:8

Na'a me te la awalbey te Moisés, teme ya jle jmultic ta atojole, ya me apucotic bael ta spamal te balumilale.

Salmos 106:27

soc ya yac' lajuquic jilel te sts'umbalic, soc te ya spuc bael ta nacionetic te ma'yuquic ta stojol te Diose.

Isaías 1:7

Te alumale jochol taquin q'uinal jilel, yaquix ta tilel ta c'ajq'uel te lumetic awu'unique. Ta mero asit-awelawic te ja'exe ya swe'elinbat acontroic te bitic ats'unojique. Spisil c'atp'ujix jilel ta jochol taquin q'uinal, jich bit'il lum Sodoma te c'alal la yich' jinele.

Jeremías 7:34

Ya cac' ch'ayuc ta jc'axel te c'ayojetic yu'un q'uin soc sbujts-o'tanil, soc te c'ayojetic yu'un nujbinel, ta lumetic ta sq'uinal Judá soc ta calleetic ta Jerusalén. Spamal te lum ya xc'atp'uj jilel ta jochol taquin q'uinal —xi' te Cajwaltique.

Jeremías 13:24

Jich yu'un ya me jpuquex bael jich bit'il taquin ac te ya xlicot bael yu'un tulan ic' ta jochol taquin q'uinal.

Jeremías 15:4

Te nacionetic ya cac'bey xiwel ta yo'tanic yu'un te bila ya jpas ta stojolique, ta scaj yat'el te muc' ajwalil yu'un Judá, te Manasés te snich'an Ezequías, te bila spasoj ta Jerusalén.

Jeremías 31:10

“Nacionetic, aiybeya awaiyic sc'op te Cajwaltique; soc albeyaic sc'oplal ta c'ubul ta bay sti'il mar: “Te Cajwaltic la spuc bael Israel; ja'uc me to, ya me stsob soc ya me scanantay jich bit'il ya scanantay chijetic te jcanan-chije”, xaex me.

Ezequiel 5:2

Te bi ora ya xlaj te guerra ta stojol te lume, chic'a jtomuc te stsotsil ajol ta yolil te lume. Patil ya me atsac jun cuchillo, set'a xan jtomuc te stsotsil ajol ta sjoyobal sti'il te lume. Te jtom xan ya xjile, puca bael ta ic'. Te jo'one ya me xboon ta spat ta smilel ta puñal te winiquetic ta lume.

Amós 9:4

Teme ya xtsacot loq'uel ta slumal yu'un te scontrotaque, ya jticun bael puñal, ya xba smil. Ya cac'bey spisil ora te bila ma lecuc, ma ja'uc te bila leque —xi' te Cajwaltique.

1 Reyes 8:46

“Te c'alal ya sta smulic ta atojole, melel ma'yuc mach'a ma sta smul, teme ilinat ta stojolique, soc teme la awac' ta sc'ab te scontro swenta yu'un ya yic' bael ta chuquel ta slumalic ta c'ubul o ta nopole,

2 Reyes 25:9

La yac'bey sc'aal te templo, te sna muc' ajwalil, soc spisil te naetic ta lum, ja' mero tojlinotic te snaic te mach'atic ich'bilic ta muq'ue.

Nehemías 1:3

Jich la yalbonic: —Te mach'atic sujt'emic loq'uel tel ta sq'uinal Babilonia, mero wocol ayic soc mero ayic ta q'uexlal. Jich nix te Jerusalén, jinbil te sjoyob ts'ajc'ule, soc chic'bil ta c'ajc' te spuertail te muc'ul ts'ajq'ue —xi'.

Ester 3:8

Ja' yu'un te Amán jich la yalbey te muc' ajwalil Asuero: —Ta spisil te lumetic te smacoj te juju-jpam q'uinal awu'uninej ta mandalteswanej, ja'at te muc' ajwalilate, ay jtsob te parte yac'oj sba ta stojol te yantique. Ay leyetic yu'un te ma pajaluc soc te yu'un te yantic lumetique, soc ma sc'an spas te bila mandal awaloj te ja'at te muc' ajwalilate. Ma lecuc te ya x'ainic xan ta atojol tey ta banti ya spasawanat ta mandale.

Salmos 44:12

mero peq'uel stojol la achon te lum awu'une te ma'yuc bi loc' awu'un a te la achone.

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

Jeremías 4:7

Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.

Jeremías 8:3

Te ants-winiquetic te cuxulic xan ya xjilic, te c'ax amen te yo'tanique, ta bayuc ya x'ainic te c'alal ya jpuc baele, ma ba ya sc'an yo'tanic te ya xcuxinique, ja' ya sc'aniquix te ya xlajique. Jich ya cal, jo'on Ajwalilon te Spisil ya xju' cu'une —xi'.

Lamentaciones 1:1

Mero stuquel xanix jilem te lum te nojel yu'un ants-winiquetic ta sbabial. Pajalix yilel soc me'ba ants, te c'ax muc' ta neelal yu'un te yantic lumetique. Sujbilix ta spasel tulanil at'el te antsil ajwalil te cajal yutsilal ta sbabial.

Lamentaciones 4:16

Ja' nix te Cajwaltic la spuc bael, ma ba la yilix. Ma'yuc mach'a la yich' ta muc' te sacerdoteetic, ni ma'yuc la sna'beyic yo'bolil sba te mamaletique.

Ezequiel 12:20

Spisil te lumetic ay yajwal, ya me yich'ic lajinel. Te lumq'uinal ya me xc'atp'uj ta jochol taquin q'uinal. Jich me ya ana'ic te jo'on Ajwalilone’, xi' te Cajwaltic”, uta me —xi'.

Oseas 9:6

Ja'ic anic bael yu'un te jinele; ja' ya x'ic'otic yu'un Egipto, ta lum Menfis ya me yich'ic muquel. Ta bay te yawil plata yu'unique ya me xchicnaj jot'awal-ch'ix, soc ta bay campamento yu'unic ay me ch'ixetic.