Levítico 26:32 - Bible in Tzeltal de Oxchuc y Tenejapa

³² “Ya me jlajinbeyex te alum-aq'uinalic, te acontroic te ya xtalic ta nainel tey a, yan nax q'uinal ya yaiyic yu'un.

Bible in Tzeltal Bachajón

³² Ya jin te lumq'uinal, mero xcham yo'tanic yu'un te acontratac te ya xnahinic tey a.

Levítico 26:32 Referans Kwoze

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Jeremías 25:11

Spisil te lum ya xjin jilel, ya xc'atp'uj ta jinem ts'ajq'uetic. Lajuneb me xchanwinic (70) ja'wil ja' in nacionetic to ya me yac' sbaic ta xch'uunel smandal te muc' ajwalil yu'un Babilonia.

Jeremías 19:8

Ya jc'atp'un ta jochol taquin q'uinal in lum to, jich me ya xc'ot te bila ya yac' xiwele. Spisil mach'atic ya xc'axic tey a, cham nax me ya yaiyic soc ya me xiwic te c'alal ya yilic te jc'axel jinbilix ta jyalele.

Jeremías 18:16

Jich me sc'atp'unej ta jochol taquin q'uinal te slumale, jchajp nax me yo'tan ya yaiyic yu'un ta spisil ora. Spisil mach'a ya xc'ax tey a, ya nax me sjimulay sjolic yu'un.

Ezequiel 5:15

Te bi ora ya cac' c'otuc ta pasel ta atojol te sc'ajc'al co'tane, tulan castigo me ya xc'ot ta atojol, mach'auc nax me ya sbalat ta utel soc ya yil-o'tantayat, soc ya me xtal tulan xiwel ta yo'tan uuc te lumetic ayic ta ajoyobale, ta scaj te ya yilbeyex awocolique. Jo'on Ajwalilon te jich caloje.

Jeremías 25:18

La cac'bey yuch' te Jerusalén, te lumetic yu'un Judá, te muc' ajwaliletic yu'une, soc te jtsobwanejetique, ta swenta sjinelic soc te ya xc'atp'ujic jilel ta jinem ts'ajq'uetic te ya yac' xiwel soc nijq'uel. Ja' me seña te boloben sc'oplalic asta ora to.

1 Reyes 9:8

Te templo ya xc'atp'uj ta jinem na, ya me sbusaj sts'ubil. Spisil te mach'a ya xc'ax ta sts'eele, jchajp nax me q'uinal ya yaiy yu'un. Ya me slaban soc ya me sjojc'o bi yu'un te jich la spas te Yajwalic ta stojol te nacione, soc bi yu'un te jich la spasbey te templo.

Deuteronomio 28:37

Ilaybil aba ya x'ilotat tey a. Spisil ta jchajp labanwanej-c'op ya me yalic ta awenta ta spisil ta jchajp te lumetic te banti ya yic'at bael te Cajwaltique.

San Lucas 21:20

“Te c'alal ya awilic te joytaybilix yu'un soldadoetic te Jerusalene, na'aic me stojol te yu'un yorailix ya yich' jinele.

Habacuc 3:17

“Jich yu'un, ya me xnoj sbujts' co'tan yu'un ta scaj te Cajwaltic te jcoltaywanej cu'une. Ya me calbey yutsilal, manchuc me ma xnichin te higueraetic, manchuc me ma xyac' sit te ts'usubiletic soc te olivoetic, manchuc me ma'yuc bila ya jtsobtiquix loq'uel ta lumq'uinal, soc manchuc me ma'yuquix wacaxetic ta snaique.

Daniel 9:18

Ich'bon ta wenta te jc'ope, Dios cu'un, aiybon awaiy te jc'ope. Ac'a asit ta yilel te bitic jinem cu'untique, soc te lum te banti ya yich' alel wocol ta atojole. Ma yu'unuc lec cat'eltic te ya caltic wocol ta atojole; ja' nax smuc'ulinej co'tantic te smuc'ul xc'uxul awo'tan te ja'ate.

Daniel 9:2

Ta sbabial ja'wil yich'bel yat'el ta mandalteswanej a, jo'on Danielon yacon ta snopel te sjun j'alwanej yu'un Dios te Jeremías sbiile, te banti ay sc'oplal te lajuneb xchanwinic (70) ja'wil ya xc'ax a, te ya sts'acaj te jayeb c'aal jinem te Jerusalén, jich nix te bit'il albot yu'un Cajwaltic te j'alwaneje.

Lamentaciones 5:18

Te wits Sión ja' jinem ts'ajq'uetic c'oem; xtal xbajt'ic tey a te waxetique.

Lamentaciones 4:12

Te muc' ajwaliletic ta bayuc, spisilic te jmandalteswanejetic ta balumilale mero ma la xch'uun yo'tanic te ya x'ochic ta Jerusalén te scontrotaque.

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Jeremías 44:2

—Te Cajwaltic te Spisil ya xju' yu'un, te Dios yu'un Israel, ya yal: “Awilojic ja'ex ta spisil te bila woclajel la cac' taluc ta stojolic ta Jerusalén soc ta yantic lumetic ta Judá. Ta ora yo'tic jiniquix ta jyalel, ma'yuquix mach'a nainemic tey a

Jeremías 25:38

Jich loc' tel te bit'il león-choj ta bay xch'en; te slumalic c'atp'uj jilel ta jinem ts'ajq'uetic. Yu'un til jichuc c'ajc' te yilimba Cajwaltic, jich la sticun tel guerra te xiweltic nax sbae.

Isaías 64:10

Te ch'ul lumetic awu'une, c'atp'ujiquix ta jochol taquin q'uinal; te lum Jerusalén jc'axel bolobix, jinbilix ta jyalel.

Isaías 24:1

Aiya awaiy stojol, te Cajwaltic jochol me ya yijq'uitay jilel te lumq'uinale, ya me sjin jilel, soc sojc'oltic nax me ya yijq'uitay jilel, soc ya me spuc bael te ants-winiquetique.

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

Isaías 5:9

Te Cajwaltic te Spisil ya xju' yu'une, yalojbonix ta jamal: —Bayal me naetic ya yich'ic jinel; manchuc teme muc' yutsilalic ta jyalel, xujt' ma'yuc yajwal ya xjil.

Isaías 5:6

ya jpijt'es jilel. Ma ba ya yich' c'abuyel, ni ma ba ya yich' aq'uentayel; ya me xnoj ta ch'ixtiquil soc ta wanc'altic. Ya me jpas ta mandal te tocaletic te ma me xyaq'uic ja'al ta stojol —xi.

Jeremías 12:11

Jochol taquin q'uinal la yijq'uitaybonic, soc t'axal a jil, oq'ueltic sba ya quil. Spamal te lumq'uinale, jochaj jilel ta jyalel, ma'yuc mach'a ya xc'opoj yo'tan yu'un.

Jeremías 33:10

Te Cajwaltic ya yal: —Te ja'ex ya awalic te jocholix jilel ta jyalel in q'uinal to, te ma'yuc ants-winiquetic ni chambalametic ta ac'opique; te calleetic ta Jerusalén soc te lumetic yu'un Judá te jojch'ajiquix ta jyalele, te ni ma'yuc bi ya x'ain tey a, ni ants-winiquetic, ni chambalametic cuxulic tey ae, te xaexe. Lec ay, ya me awaiy xan stojol