Levítico 26:31 - Bible in Tzeltal de Oxchuc y Tenejapa

³¹ Ya me jlajinbeyex te lumetic awu'unique, ya me jlajinbeyex te toyol ch'uunjibaletic awu'unic, soc ma me ba ya jmulanix te sbujts' perfume awu'unique.

Bible in Tzeltal Bachajón

³¹ Jc'axel jochol ya xhil cu'un te pueblohetic awu'unic, ya jimbeyex te ch'ul awilaletic awu'unic soc ma ba ya jsic'be sumumal yic' te lequil perfume awu'unique.

Levítico 26:31 Referans Kwoze

Nehemías 2:3

Jich la calbey te muc' ajwalile: —¡Stalel cuxul te awat'el, muc' ajwalil! ¿Pero bit'il ma ba ya jmel co'tan? Melel jinemix te lum te banti muculic te jme'-jtate, soc lajem ta chiq'uel te spuertaile —la cut.

Hebreos 10:26

Melel teme spasemal co'tantic ya jleulay xan jmultic te bit'il quich'ojtiquix te smelelil c'ope, ma'yuquix yan milbil smajt'an Dios yu'un xch'ayel te mulile.

Lamentaciones 2:7

Te Cajwaltic ma'yuc sc'oplal c'ot ta yo'tan te scajtijib smajt'ane; la yilay te ch'ul templo yu'une. La yac'bey ta sc'ab scontro te ts'ajq'uetic ya scoltay sbaic a te lume. Ay awetic ta templo yu'un Cajwaltic, jich bit'il sc'aalelal q'uin yaiyel.

Lamentaciones 1:10

Te scontro la yu'uninbeyix sc'ulejal te Jerusalén. Te lum la yil te bit'il jelawic ochel ta ch'ul templo te mach'atic ma'yuquic ta stojol Dios; ja' te la awal mandal Cajwal te ma me x'och ta templo awu'une.

Jeremías 4:7

Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.

Hechos 6:14

Soc caiyojtic stojol te la yal te ja' ya sjin in templo to te Jesús te Nazarete, soc ya syantesbotic te costumbreetic cu'untic te la yalbotic jilel te Moisese —xiic.

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Ezequiel 24:21

“Albeya te lum Israel: ‘Jich ya yal te Cajwaltique: “Ya me jinbey sc'oplal te templo cu'une, te mero bayal ya amulanic soc c'ux ta awo'tanique, te ja' ya atoy q'uinal awaiyic a, soc te ja' yip awo'tanique. Te aquerem-nich'nabic soc te awantsil-nich'nabic, te jilem awu'unic ta Jerusalén, ya me xlajic ta milel”, xi' me’, uta me.

Ezequiel 21:15

Ya me x'ac'bot bayal xiwelic yu'un, ya me yac' bayal milaw. Ta spisil te nanatic yu'un la caq'uix ochel te jmilawal puñale. Ja' te puñal la yich' juxel ta leque, xlemet me xojobil ya yac' tey a, yich'oj juxel ye yu'un milaw.

Ezequiel 21:7

Teme ay ya sjojc'obat bi yu'un te ya x'oc'ate, albeya te yu'un ay bila awaiyoj sc'oplal te nopol ya xc'ot ta pasele. Ta spisil yajwal lum ya me xch'ay q'uinal ya yaiyic yu'un. Ya me saybuj yoc sc'abic, ma'yuc mach'a ma xtal xiwel ta yo'tan. Ta spisilic me ya xnijc' yacanic yu'un xiwel. Ya xc'otix yorail, ya xjajch'ix ta pasel. Jo'on Ajwalilon te jich caloje —xi'.

Ezequiel 6:6

Ta spisil te banti nainemexe, te lumetic ya me yich'ic lajinel, soc te toyol ch'uunjibaletic ya me yich'ic busanel ta jinel. Te scajtijib ta chic'beyel smajt'an awu'unic jc'axel me ya yich'ic jinel ta spisil, soc ya me yich'ic wuyel ta jc'axel te loc'ombaetic awu'unique, soc te scajtijib ta chic'beyel spom awu'unique ya me yich'ic wuyel. Ta spisil te bila apasojique, ya me yich'ic lajinel ta jc'axel.

Lamentaciones 1:1

Mero stuquel xanix jilem te lum te nojel yu'un ants-winiquetic ta sbabial. Pajalix yilel soc me'ba ants, te c'ax muc' ta neelal yu'un te yantic lumetique. Sujbilix ta spasel tulanil at'el te antsil ajwalil te cajal yutsilal ta sbabial.

Jeremías 52:13

La xchic' te templo, te muc'ul na yu'un te muc' ajwalile, soc spisil te nanatic ta lume, ja' nix snaic spisilic te mach'atic muc' sc'oplalique.

Jeremías 26:9

¿Bi yu'un ya xjelawat ta yalel c'op ta swenta Cajwaltic ta templo? ¿Bi yu'un ya awal te jich me ya xjil te bit'il Silo te lume, soc te ya me yich' jinel soc ma'yuquix yajwal ya xjil, te xaate? —la yutic. Ta spisil lum la stsob sbaic tel ta templo, la sjoytayic te Jeremiase.

Jeremías 26:6

ja' yu'un jich me ya jpasbey te templo te bit'il la jpasbey te templo ta Silo. Ja' in lum to te boloben sc'oplale, ja' seña ya xc'ot cu'un ta stojol spisil nacionetic ta balumilal, uta me —xi'.

Jeremías 22:5

Yan teme ma x'awich'ic ta muc' te sjultesjibal awo'tanic cu'une, ja' in palacio to ya xc'atp'uj ta jinem ts'ajq'uetic. Jo'on Ajwalilon, jich ya cal”, uta me —xi' te Cajwaltique.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Isaías 66:3

Ja'uc me to, ay mach'atic ya smilbonic jcojt' wacax, soc ya smilic jtul winic; ya sbojbeyic snuc' jcojt' me' chij soc ya sts'otbeyic snuc' jcojt' ts'i'; ya yac'bonic trigo soc xan xch'ich'el chitam; ya xchic'bonic pom, soc ya xch'uunic loc'omba. Te mach'atic ya stsaic ta pasel te bila ilaybile, toyol yo'tan yu'un ta spisil.

Isaías 1:7

Te alumale jochol taquin q'uinal jilel, yaquix ta tilel ta c'ajq'uel te lumetic awu'unique. Ta mero asit-awelawic te ja'exe ya swe'elinbat acontroic te bitic ats'unojique. Spisil c'atp'ujix jilel ta jochol taquin q'uinal, jich bit'il lum Sodoma te c'alal la yich' jinele.

Nehemías 2:17

Ja' yu'un jich la calbey: —Ja'ex ana'ojic ta lec te ayotic ta wocol ta mero melel. Te Jerusalén mero jinem te sjoyob ts'ajc'ule, soc c'ajq'uemic te sti' ts'ajc'ule. La', jyom jbajtic, la', jpastic te sjoyob ts'ajc'ul te Jerusalén, swenta yu'un ma ba ya quich'tiquix labanel a —xoon.

2 Crónicas 36:19

La xchiq'uic jilel te templo yu'un Dios, la sjinic jilel sts'ajc'ul te Jerusalén, la xchiq'uic jilel te palacioetic yu'unic, soc la sjin jilel spisil te bitic bayal sc'oplale.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

2 Reyes 22:19

soc te la amel awo'tan yu'une, soc te la apejc'an aba ta jtojol yu'un te c'alal la awaiy te bi la cal ta jamal ta stojol te lume soc te mach'atic nainemic tey ae te ya xtal tulan wocol ta stojolic soc c'ax boloben sc'oplalic ya xc'otic, soc te la ach'i' ac'u'e, soc te oc'at ta jtojole, ja' yu'un te jo'one la caiybat te ac'ope’. Jo'on Ajwalilon te ya calbate.

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

Isaías 63:18

Te ch'ul lum awu'une ma ba jal c'aal la yu'unin te slumale. Te jcontrotic la spech'bat ta teq'uel te templo awu'une.

Jeremías 44:2

—Te Cajwaltic te Spisil ya xju' yu'un, te Dios yu'un Israel, ya yal: “Awilojic ja'ex ta spisil te bila woclajel la cac' taluc ta stojolic ta Jerusalén soc ta yantic lumetic ta Judá. Ta ora yo'tic jiniquix ta jyalel, ma'yuquix mach'a nainemic tey a

Jeremías 44:6

Jich yu'un, te quilimba til jajch'el jichuc c'ajc' ta lumetic ta Judá soc ta calleetic ta Jerusalén. Jinic jilel, jojch'ajic ta jc'axel asta c'alal ora yo'tic.

Daniel 2:46

Te muc' ajwalil Nabucodonosor la squejan sba ta stojol Daniel, la stinan coel sjol c'alal ta lum, soc la yal mandal te ya yac'beyic milbil smajt'ane, soc ya xchic'beyic pom.

Amós 7:9

Te toyol ch'uunjibaletic yu'un sts'umbal Isaac ya me yich'ic jinel, soc te temploetic yu'un Israel ya me yich'ic jinel. Ya me cac' puñal ta scontroinel te mach'atic ay yu'un Jeroboam —xi'.

Sofonías 3:6

Ya yal te Cajwaltique: —Jinojix te nacionetique; la jinbeyix coel te ts'ajq'uetic yu'un. Jochol la quijq'uitayix te calleetic yu'une; ma'yuquix ants-winiquetic ya xc'axic tey a. Jc'axel ma'yuquix bila ay ta lumetic; ma'yuquix, ni jtuluc yajwal.

Nehemías 1:3

Jich la yalbonic: —Te mach'atic sujt'emic loq'uel tel ta sq'uinal Babilonia, mero wocol ayic soc mero ayic ta q'uexlal. Jich nix te Jerusalén, jinbil te sjoyob ts'ajc'ule, soc chic'bil ta c'ajc' te spuertail te muc'ul ts'ajq'ue —xi'.

Isaías 64:9

Cajwal, ma me x'ilinat ta c'axem to xan; ma me x'ana'botic spisil ora te mulil cu'untique. Ila me awil te jo'otique, melel lumotic awu'un.

Jeremías 4:26

La quil soc la jta ta ilel te yaxal q'uinale, c'atp'ujem ta jochol taquin q'uinal, soc spisil te lumetic jinemiquix. Te yilimba Cajwaltic te xiweltic nax sba jich me c'ot ta loq'uel yu'un spisil.

Jeremías 4:27

Te Cajwaltic jich ya yal: —Te lumq'uinale jochol ya xc'ot; ja'uc me to, ma ba ya jin ta jc'axel.

Lamentaciones 2:6

Jich bit'il elec', jelaw ochel ta ch'ul templo, la sjinbey te awilal yu'unique. Te Cajwaltic la yac' ch'ayuc ta o'tanil ta Sión te q'uinetic soc te sc'aalelal cux-o'tane. Swenta sc'aal yilimba, la sloq'ues a te muc' ajwalil soc te sacerdotee.

Ezequiel 12:20

Spisil te lumetic ay yajwal, ya me yich'ic lajinel. Te lumq'uinal ya me xc'atp'uj ta jochol taquin q'uinal. Jich me ya ana'ic te jo'on Ajwalilone’, xi' te Cajwaltic”, uta me —xi'.