Levítico 26:30 - Bible in Tzeltal de Oxchuc y Tenejapa

³⁰ Jo'on me ya jlajinbeyex te toyol ch'uunjibaletic stuquelique, ya me jxet'beyex ta olil te scajtijib ta chiq'uel majt'anil pom awu'unique. Ya me jbusanbeyex abaq'uetalic te ma ba cuxulix ta sba te loc'ombaetic awu'unique. Ya me cac'beyex awilic te ilaybilex cu'une.

Bible in Tzeltal Bachajón

³⁰ Ya jlajimbeyex te toyol awilaletic awu'unic, ya jimbeyex te scajtajib ta chiq'uel pom awu'unic soc ya jbusambeyex te chamen-abaq'uetalic ta sba te chamen-sbaq'uetal loc'ombahetic awu'unic; ihlaybil ya xc'ohex ta co'tan.

Levítico 26:30 Referans Kwoze

2 Reyes 23:20

Patil la smil ta sba te scajtijib ta chiq'uel smajt'an te lotil diosetic ta spisil te sacerdoteetic yu'un te toyol ch'uunjibaletic te tey ayic a. La xchic'bey sbaquel te mach'atic lajemic ta sba. Patil sujt' xan bael ta Jerusalén.

Isaías 27:9

Ja'uc me to, ya spasbey perdón yu'un smul te Jacob, ya yich' ch'ayel faltaetic yu'un teme ya spas in to: Ac'a swuy ta spisil te scajtijib smajt'an te lotil diose, jich bit'il tan ya xbajt' ta loq'uel; soc ma me ayuc sloc'omba Asera ya xjil tey a, ni scajtijib xchic'jibal pom te yich'jibal ta muc' te lotil diosetic yu'unique.

Ezequiel 6:13

Te bi ora ya yilbeyic te sbaq'uetalic te ants-winiquetic te tixajtic ta banti ayic te loc'ombaetic yu'unique, soc ta sjoyobal te scajtijib ta chiq'uel majt'anil yu'unic, ta toyol tseletic, ta ba witsetic, ta ye'tal te'etic te buen yaxique, ta ye'tal jijte'etic te bayal yaxinale, soc ta yawil te banti la yac'beyic smajt'anin buen lequil perfume te lotil diosetique, jich me ya sna'ic te jo'on Ajwalilone.

Jeremías 14:19

Cajwal, ¿jc'axel bal la ach'oj bael ta spisil te Judá? ¿Lubat balix yu'un te lum Sión? ¿Bi yu'un la awejch'entesotic te ma'yuc ta poxtayele? La jmaliytic te ya x'esmajotique; ja'uc me to, ma'yuc bila lec la jtatic. La jmaliytic te ay yutsil q'uinal caiytic ta poxtayele; ja'uc me to, ja' nax ay xiwtesel.

Salmos 89:38

Pero la ach'ayix soc la awilayix te muc' ajwalil atsaoje; ilinatix ta stojol.

2 Crónicas 31:1

C'alal ju' ta pasel spisil, te israeletic te tey ayic a, bajt'ic ta lumetic yu'un Judá, ba swuyic te tonetic te ch'ulajem ta sc'op te ants-winiquetique, la swuyic te sloc'omba Asera, soc la sjinic te toyol ch'uunjibaletic, ja' to chican ju' yu'unic sloq'uesel ta spisil te bitic ay ta sq'uinal Judá soc ta Benjamín, soc nix ta sq'uinal Efraín soc ta Manasés. Te israeletic sujt'ic bael ta slumalic, juju-jtul ta sq'uinalic.

2 Crónicas 23:17

Jich bajt'ic spisilic ta templo yu'un te lotil dios Baal. La swuyic, la sjinic te scajtijib majt'aniletic yu'un, soc te loc'ombailetique. Te Matán, te ja' sacerdote yu'un Baal, la smilic ta puñal ta stojol te scajtijib majt'aniletique.

2 Reyes 23:16

C'alal sujt' tel te Josías, la yil te muquenaletic ayic ta ch'in witse, jich la sticun ta loq'uesel te jayeb baquetic ayic tey a. La xchic' ta sba te scajtijib ta chiq'uel majt'anile, jich boloben sc'oplal jil a te scajtijibe. Jich c'ot ta pasel a te bi la yal Cajwaltic, te ja' la sc'ases ta aiyel te j'alwanej yu'un Dios te c'opoj ta neelal toe.

2 Reyes 23:8

Patil la yal mandal te ya xtal spisil te sacerdoteetic ta lumetic yu'un Judá. La slajinbey sc'oplal spisil te toyol ch'uunjibaletic, jajch'ic tel ta Geba c'alal ta Beerseba, tey ta banti la xchiq'uic pom te sacerdoteetic. Soc la sjin te scajtijib ta chiq'uel smajt'an pucujetic te ayic ta ti'nail yu'un Josué, ja' te jwentainwanej yu'un te lume, ja' te scajtijib te ay ta yochibal te lum ta xq'uexen jc'abtic.

1 Reyes 13:2

Ta swenta smandal te Cajwaltic, tulan c'opoj ta swenta scontroinel te scajtijib majt'anil yu'un loc'omba, jich la yal: —Ja'at scajtijib ta chiq'uel majt'anil, ja'at scajtijib ta chiq'uel majt'anil, jich ya yalbat te Cajwaltique: “Ta swenta sts'umbal te David ya x'ayin jtul alalquerem, Josías sbiil ya xc'ot, ja' me ya smilbat ta aba te sacerdoteetic ta toyol ch'uunjibaletic, te yacal xchic'belic pom ta aba, soc ta aba ya me xchic' sbaquel mach'atic lajemic”, xi' te Cajwaltique —xi'.

Levítico 26:15

teme ya ach'ayic soc teme ma'yuc sc'oplal awu'unic te bitic chapal cu'une, soc teme ma ba la awaq'uic c'otuc ta pasel te mandaliletic cu'une, jich me ma'yuc ta wenta c'ot awu'unic a te trato cu'une.

Levítico 26:11

“Jo'on me ya xnainon ta awolilic, ma ba ya jch'ayex ta co'tan.

Levítico 20:23

Ma me xanopbeyic yat'el te mach'atic ya jloq'uesbeyex bael ta atojolique; ja'ic stuquelic la spasic spisil, ja' yu'un ma ba cujch'ix cu'un te smulique.

Génesis 19:13

Yu'un ya me cac'tic lajuc te lume, melel c'otix ta stojol Cajwaltic te smulique. Jich yu'un te Cajwaltic la sticunotiquix tel ta slajinel —xiic.

Deuteronomio 32:19

Dios ilin yo'tan yu'un te jich la spasic la yile, la yilaybey te squerem-nich'nabic, la yilaybey te yantsil-nich'nabique.

1 Reyes 13:32

Melel puersa me ya xc'ot ta pasel te bi la yal ta swenta smandal te Cajwaltic, ta swenta scontroinel te scajtijib ta chiq'uel majt'anil ta Betel, soc nix te toyol ch'uunjibaletic te ayic ta lumetic ta sq'uinal Samaria —xi'.

Salmos 106:40

Te Cajwaltic jajch' sc'ajc'al yo'tan ta stojol te lum yu'un; la spijt'es jilel manchuc me mero yu'un.

Ezequiel 43:7

jich la yal: —Ja' yawil jmuc'ul jnactijib in to, ja' yawil te banti ya cac' cacan. Li' me ya xnainon ta yolil israeletic sbajt'el q'uinal. Ni ja'uquic soc te muc' ajwaliletic yu'unic te ya xju' ya sboltesbonic sc'oplal te jch'ul-biile, ta scaj te ma junuc yo'tanic ya yac' sbaic ta jtojole. Ma me ba ya spasbeyiquix sna'jibal ts'ajc'ul te muc' ajwaliletic yu'un te c'alal lajemiquix ae,

Amós 6:8

Te Cajwaltic ja' yaloj ta jamal stuquel; te Cajwaltic, te Dios Spisil ya xju' yu'un, tulan ya yal: —Ya quilay te bit'il ya stoy sba te sts'umbal Jacob; ma jmulan te muc'ul naetic yu'unique. Te lume ya cac'bey ta sc'ab scontro, soc spisil te bitic ay yu'un tey ae —xi'.

Amós 7:9

Te toyol ch'uunjibaletic yu'un sts'umbal Isaac ya me yich'ic jinel, soc te temploetic yu'un Israel ya me yich'ic jinel. Ya me cac' puñal ta scontroinel te mach'atic ay yu'un Jeroboam —xi'.

Jeremías 16:18

Sbabial ya cac'bey stojic cheb buelta te bila amen soc te smulique, melel la sboltesbonic sc'oplal te lumq'uinal ta scaj te yajcananic te ma cuxuluc soc te ilaybilique; soc ta spamal te lumq'uinal te la cac'bey yu'unin, la spasic te bitic ya quilaye —xi' te Cajwaltique.

Ezequiel 16:39

Ya me cac'at ta sc'abic, swenta yu'un ya me slajinic te bitic chapal awu'un ta banti ya apas te mulile, soc te banti la ach'uun te loc'ombaetic awu'une. Ya me stuch'bat loq'uel te ac'u'-apaq'ue, soc nix te ach'alil te t'ujbile, jc'axel me t'analat ya yijq'uitayat.

Oseas 10:2

Chebajem yo'tan te Israele, ta ora yo'tic ya me stoj te smule. Te Cajwaltic ya sjinbey te scajtijib majt'aniletic yu'une, soc ya me sjinbey te tonetic yac ta xch'uunele.