Levítico 26:26 - Bible in Tzeltal de Oxchuc y Tenejapa

²⁶ “Te c'alal ya jlajinbeyex te bila awe'elinejique, lajuneb meix antsetic ya stac'ajtesbeyex awe'elic ta jun nax horno, p'isbil me ya spucbeyex, ya me awe'ic, pero ma ba ya xnoj ach'ujt'ic yu'un.

Bible in Tzeltal Bachajón

²⁶ Te c'alal ya jlajimbeyex awe'elic, lajuntuhl antsetic ya spaybeyex spisil awe'elic ta junax horno, p'isbil ya spucbeyex awe'elic, ma ba ya xnoj ach'uhtic yu'un.

Levítico 26:26 Referans Kwoze

Miqueas 6:14

Ya xwe'at, ja'uc me to, ma xnoj ach'ujt' yu'un; stalel ay awocol yu'un wi'nal ya xjilat. Ya ale te bitic ya xtuun awu'une, ja'uc me to, ma'yuc bila ya xju' awu'un; teme ay bila ju' awu'un jtebuque, ya me cac' sjinbat guerra.

Isaías 3:1

¡Ilawilic ta lec! Te Cajwaltic te Spisil ya xju' yu'un ya me sloq'ues ta Jerusalén soc ta Judá spisil te mach'atic ya sle te bitic ya xtuun, spisil ta jchajp we'eliletic soc te ja'e.

Ezequiel 5:16

Jo'on me ya cac' tel wi'nal ta atojolic, pajal me soc te buen tulan yat'ejibalul t'imalte', te mero tulan yip ya xlajinwane. Jc'axel me ya cac' taluc ta atojolic te lajele, ya me xtal wi'nal, soc ma me xwejt' te bila ya awe'ique.

Salmos 105:16

Tey ta q'uinal la yac' taluc wi'nal, la spojbey spisil swe'elic.

Hageo 1:6

Te ja'exe bayal ya xts'unbajex, pero ma'yuc bayal ya aset'beyic sit. Ya xwe'ex, pero ma ba ya xnoj ach'ujt'ic. Ya x'uch'ex, pero ma ba ya xquejch'aj te ataquinti'ilique. Ay ac'u'-apaq'uic ya alapic, pero ma ba ya xq'uixnajex yu'un. Te mach'a ya yaiy ganar, ya yac' ochel ta lomen coxtal c'oem te stojole.

Ezequiel 14:13

—Ja'at winic, teme ay yajwal jsejp lumq'uinal te ya sta smul ta jtojole, soc teme ma junuc yo'tan ta jtojole, ya me jtoy jc'ab ta yaq'uel castigo, ya me jpojbey te swe'el-yuch'elique. Ya me jticunbey wi'nal ta stojolic, soc ya me cac' te ya xlajic te ants-winiquetic, soc te ya xlaj chambalametique.

Ezequiel 4:16

Patil jich la yalbon: —Ya me cac' bael wi'nal, ma me ayuc bayal we'elil ta Jerusalén ya xc'ot. Te we'elil yu'un juju-jtul p'isbil nax me, te ants-winiquetic ay me swocolic a ya xwe'ic. Te ja'e p'isbil me ya yuch'ic, soc ay me swocolic ta xiwel a ya yuch'ic.

Oseas 4:10

Melel la yijq'uitayic te abatinel cu'un te Ajwalilone. Jich yu'un ya xwe'ic, ja'uc me to, ma xnoj xch'ujt'ic yu'un; te ya spasic mulweje, ma ba ya xnich'najic yu'un.

Ezequiel 4:10

Ya me ap'isbey yorail te ya xwe'ate, jun cuarto kilo te ya xju' ya awe' ta jujun c'aale.

Jeremías 14:12

Manchuc teme bayal ya spas ayuno yu'un, ma ba ya quich'bey ta wenta te ya sc'anbonic coltayele. Manchuc me bayal chic'bil majt'anil ta scojt'ol soc te ya yac'bonic majt'anil harina ya yich'bonic tel, ma ba ya jtsacbey sc'op yu'un. Ya me jin ta guerra, ta wi'nal soc te chamel ya xmilawane —xi' te Cajwaltique.

Levítico 26:27

“Pero teme jc'axel ma la ach'uunbon te jmandale, teme tulan la awac' abaic ta jtojole,

2 Reyes 6:25

Jich jajch' bayal wi'nal ta Samaria, scaj te mero sjoyobal macale. Toy stojol asta chanwinic (80) ta jsejp plata c'ot stojol te jun jol burro, soc jun cuarto litro stsa' stsumut ta jo'sejp plata.

Isaías 5:10

Te oxeb hectarea ts'unbil ts'usub, ja' nax me ya xloc' ta pits'el ya'lel jun ch'in barril. Te lajuneb coxtal ya yich' awel trigo, ja' nax me jun coxtal ya xloc' a —xi'.

Ezequiel 4:17

Ma me xwejt' bayal ja' soc we'elil yu'unic, soc talel c'axel me ya yil sbaic te ay swocolic yu'un xiwele. Ta scaj smulic, cuxulic me a ya xjajch'ic ta c'a'el —xi'.

Isaías 9:19

Ta swenta yilimba te Cajwaltic te Spisil ya xju' yu'une, te lumq'uinal yaquix ta tilel sc'aal. Te c'ajc' ya me sjin te ants-winiquetique, ya me sti'beyic sbaq'uetal te mero yal-snich'anique, soc ma me ayuc ya sna'beyic yo'bolil sba te yermanotaque. Ay me li'to te mach'a ya sbic' coel te we'elile, pero stalel me ay ta wi'nal ya xjil, ay me xan yan lum to te ya xwe', xujt' ma xnoj xch'ujt' ya yaiy yu'un.