Levítico 26:25 - Bible in Tzeltal de Oxchuc y Tenejapa

²⁵ Ya me cac' taluc ta atojolic puñal, swenta yu'un ja' me spacol te trato cu'une. Te ja'ex ya me xba ale awanjibic ta lumetic awu'unic, pero jo'on me ya jticunbeyex ta atojolic chameletic, soc ya me x'ochex ta sc'ab te acontroique.

Bible in Tzeltal Bachajón

²⁵ Ya cac' taluc espada ta atojolic scuenta spacol sc'axuntayel te chapbil-c'op. Teme yac ale awahnibic ta apueblohic, ya jticon tal jmilawal-chamel ta atojolic soc ya x'ochex ta sc'ab te acontrahique.

Levítico 26:25 Referans Kwoze

Números 14:12

Ya me jticunbey chamel swenta lajel. Jich me ma xc'ot ta swentaic yich'el te q'uinale. Yan te ja'ate muc'ul lum ya xc'oat cu'un, soc mero tulan me ya xc'oat atuquel —xi' te Cajwaltique.

Ezequiel 5:17

Jc'axel me ya cac' tel wi'nal ta atojolic, chamel soc lajel, soc jti'awal chambalametic te ya slajinbeyex awal-anich'nabique. Ya me cac' te bayal ya xlajex ta guerra. Jo'on Ajwalilon te jich caloje —xi'.

Ezequiel 33:2

—Ja'at winic, c'opona te alumale, jich xawalbey: “Te c'alal ya jticun guerra ta stojol jpam lum, te yajwal te lum ya me stsa jtul slumal yu'un ya yac'bey yat'el ta j'il-q'uinal.

Ezequiel 29:8

‘Ja' yu'un jo'on Ajwalilon, jich ya cal: Ja'at Egipto, ya me awich' ac'beyel guerra ta puñal, ac'a yich'ic milel te awinictac soc te chambalametic awu'une.

Ezequiel 20:37

Jo'on me ya cajtayex ta lec, jich te bit'il jcanan-chij ya yajtay te xchije. Ya me cac'beyex at'unic te trato chapale.

Ezequiel 14:17

“Teme ya cac' taluc guerra ta stojol te lumq'uinale, teme ya cal mandal te ya xlajic ants-winiquetic soc te chambalametique,

Ezequiel 6:3

jich xawalbey: “Aiya awaiyic, witsetic yu'un Israel, te bila ya yalbeyex te Cajwaltique, ja'ex witsetic, tseletic, muc'ja'etic soc spamlejetic: Ya me cac' taluc ta atojolic guerra, ya me yich'ic lajinel te toyol ch'uunjibaletic awu'un.

Jeremías 24:10

Ya jticunbey guerra ta stojolic, wi'nal soc chamel te ya xmilawane, ja' to me te ma'yuc jtuluc ya xjil ta slumalic te la cac'bey yu'uninic soc te antiguo sme'-statique —xi' te Cajwaltique.

Deuteronomio 32:25

Te yal-snich'nab ya me xlajic tamilel ta puñalta calleetic; ya me x'u'uninotic yu'un xiwel te nanatique. Ya me xlajic queremetic, ya me xlajic ach'ixetic, ya me xlajic me'el-mamaletic, soc ya me xlajic chu'ul alaletic.

Deuteronomio 28:21

Te Cajwaltic ya sticunbat tel ta atojol c'ajc'al chamel, te ya slajinat tey ta lumq'uinal ya awich'e.

San Lucas 21:11

Ya me xchicnaj tulan nijq'uel, wi'nal ta bayuc, tulan chamel, bayal xiwel soc muc' señailetic ta yolil ch'ulchan.

Amós 4:10

—La jticunbeyex tel te bila la yac'beyex awocolic, jich bit'il la jticunbey tel ta stojol te egipcioetic. La cac' te ya xlajic ta guerra te queremetic awu'unic; soc la cac'bey yu'uninbeyex acaballoic te acontroique. La cac'beyex awaiybeyic stuil te mach'atic lajem awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Lamentaciones 2:21

Limilic ta calleetic ya quil, muc'-biq'uitetic; lajic ta milel ta puñal, queremetic soc ach'ixetic cu'un. Ta sc'aalelal awilimba la awejch'entes yu'un lajel; ma la ana'bey yo'bolil sba ta milel.

Jeremías 9:16

Ya jpuc bael ta nacionetic te ma yilojuque, soc te ma yilojuc te sme'-statique; ya me cac' te ya yich'ic nutsel ta puñal, asta ma'yuc ya xjil jtuluc —xi' te Cajwaltique.

Salmos 94:1

Cajwal, ac'a aba ta ilel, ja'at Diosat te ya awac'bey spacol.

2 Samuel 24:15

Ja' yu'un te Cajwaltic la sticun tel chamel ta stojol Israel. Ja' nix ta yorail a jajch' te chamele, ja' to c'alal ts'acaj te yorail albile. Ta spamal sq'uinalic, c'alal ta Dan soc c'alal ta Beerseba, lajic lajuneb xchanwinic ta jmil (70,000) swinquilel te q'uinale.

Deuteronomio 32:41

Ja' yu'un te c'alal ya juxbey ye te jpuñal te mero xlemet naxe, c'alal ya xjajch'on ta stojil chajbanwanej, ya me jsujt'esbey spacol ta stojolic te jcontrotaque. Ya me cac'bey c'otuc ta swentaic te bila sleojic te mach'atic ya yilayonique.

Deuteronomio 32:35

yu'un ya xtuun te c'alal ya jsujt'esbey spacole, te ya cac'bey te bila lebil yu'unique; ja' te c'alal ya xc'ot yorail te ya x'ochic ta c'abale. ¡Nopolix yorail te ya yich'ic lajinel, nopolix yorail te ya xlajique!’, xi' te Cajwaltique.

Números 16:49

Ja'uc me to lajemiquix chanlajun jmil soc jo'lajunwinic xcha'bajc' (14,700) ta jtul. Ma ba la yich' ajtayel stuquel te mach'atic neel lajic te bi ora la stoy sba te Coré.

Levítico 26:6

Ya me cac' lamajuc q'uinal ta atojolic ta alum-aq'uinalic, soc jun me awo'tanic ya xwayex, ma me ayuc mach'a ya xiwtesex, ya me cac' loc'uc ta aq'uinalic te jti'awal ja'mal chambalametic, soc ma me ayuc guerraetic ya xtal ta atojolic.

Números 31:3

Jich yu'un te Moisés la yalbey te lume: —Ya me achajban abaic soc awat'ejibic, yu'un ya xba awac'beyic guerra te madianetic, yu'un ya cac'beytic spacol ta swenta te Cajwaltique.

Jueces 15:11

C'alal la yaiyic stojol te judioetic, bajt'ic ta nailch'en ta Etam oxmil (3,000) ta jtul winiquetic te sts'umbal Judá. Jich la yalbeyic te Sansón: —¿Yu'un bal ma x'ana' te ja' c'axem to xan tulanic cu'untic te filisteoetique? ¿Bistuc tal ajach c'op ta jtojoltic? —xiic. Te Sansón la sjac': —Ma'yuc yan bi yacon ta spasel ta stojolic, ja' nax ya cac'bey stojic te bi la spasbonique —xi'.

1 Reyes 8:33

“Te c'alal ya stsalot yu'un scontro te lum Israel awu'un ta scaj smul ta atojole, pero teme ya sujt'es yo'tan ta atojole, teme ya yalbat yutsil abiil te ya sc'oponate, teme ya xbic'taj ta atojol ta bay templo,

1 Reyes 8:37

“Teme ay wi'nal li' ta nación cu'untique, teme chamel, teme ja' ay ya xtaquej yu'un c'aal te ts'unubiletique, teme ya xtaot ta uch, c'ulubetic, o ch'ac chanetic, teme joytabil yu'un scontro a te lumetic cu'untic te ya yac'botic guerra, o yan bitic wocolil o chamel te ya xtal ta jtojoltique,

Jeremías 50:28

(Te ants-winiquetic colemic loq'uel ta Babilonia, ya xc'o yalic ta Sión te bit'il te Cajwaltic Dios la yac'bey stoj Babilonia te bila la spasbey te templo.)

Jeremías 51:11

Te Cajwaltic ya sc'an sjin te Babilonia, soc la stijbeyix yo'tanic muc' ajwaliletic ta Media, jich nix ay ta yo'tanic. Ja'ix te spacol yu'un Cajwaltic te bila la spasbey te templo yu'une. Chajbanaic te yat'ejibal at'imique, soc chuca me ta ac'abic te amajq'uilique.

Éxodo 5:3

La sjaq'uic: —Ja' te Dios cu'untic te jo'otic hebreootic, tal staotiquix bael. Jich yu'un ya me xbootic ta muc'ul jochol taquin q'uinal, te ay oxeb c'aal ya xbeenotic ochele. Ya xba cac'bey milbil smajt'an te Cajwal te Dios cu'un, soc te jlumale. Teme repente ya yac'on ta lajel li'to soc te jlumale, ta swenta tulan chamel o milel ya caiytic li'to —xiic.

2 Reyes 17:3

Te Salmanasar, muc' ajwalil yu'un Asiria, ba yac'bey guerra te Oseas. Te Oseas och ta abatinel soc bayal buelta c'anbot spatan yu'un te muc' ajwalil yu'un Asiria.

2 Crónicas 24:24

Manchuc me jteb nax yajtalul te soldadoetic yu'un Siria, pero ja' la yac'bey ta sc'abic te Cajwaltic te bayal soldadoetic yu'un Judá, ta scaj te la yijq'uitay ta yo'tanic te Cajwaltic Dios yu'un te antiguo sme'-statique. Jich woclaj ta castigo te Joás yu'un te smule.

Isaías 1:20

Yan teme ja' nax ya awat'elinic spasel toybail, ma me ayuc xpoxil, ora me ya xlajex ta guerra —xi'. Ja' nix te Cajwaltic te la yal loq'uel ta ye.

Isaías 65:12

Ja'uc me to, ma lequil yutsil q'uinaluc ya awich'ic; ya caq'uex ta lajel ta puñal. Melel la quiq'uex, ja'ex ma la ac'anic; la jc'oponex, ma la awaiybonic stojol. Ja' la apasic ta bay ma jichuc co'tan; ja' la atsaic spasel te bila ma la smulan co'tane —xi' te Cajwaltique.

Jeremías 19:7

Tey ta bay lum to ya jinbey ta jc'axel te bila xchapoj te Judá soc te Jerusalén. Ya me cac' tsalotuc yu'un te scontrotac soc te ya xmilotic yu'une. Te sbaq'uetalic ya me xti'ot yu'un te xulemetic soc te jti'awal chambalametique.

Oseas 11:6

Te puñal ya me xmilawan ta yolil te lumetic yu'unique, soc ya me yich' jinel ta jc'axel te tulanil ts'ajq'uetic yu'unique, ya me yich' jinel te bitic xchapojic spasele.

Habacuc 3:5

Ta stojol ya xjulic te muc'ul milawal chameletique; soc ta spat ya xtal te tulan c'ajc' te ora ya xchic'awane.