Levítico 26:22 - Bible in Tzeltal de Oxchuc y Tenejapa

²² Ya me jticunbeyex ta atojolic jti'awal ja'mal chambalametic te ya slajinbeyex spisil awal-anich'nabic. Ya me smilbeyex te chambalametic awu'unic, soc ya me spejc'anbeyex awajtalulic, asta ma'yuquix mach'a ya xbeenix ta beetic.

Bible in Tzeltal Bachajón

²² Soc ya jticombeyex tal ta atojolic ti'awal chambahlametic te ya slajimbeyex awal-anich'nabic, te ya smilbeyex awacaxic soc te ya spehc'ambeyex awahtalulic, hich jochol ya xhil te behetic awu'unique.

Levítico 26:22 Referans Kwoze

Ezequiel 14:15

“Teme ya jticun jti'awal chambalametic ta lumq'uinal, te yu'un ya smilbey te yajwal soc ya sc'atp'un ta jochol taquin q'uinale te banti ma'yuc mach'a ya sc'an ya xc'ax ta scaj xi'el te jti'awal chambalametique,

Deuteronomio 32:24

Ya me xlajic yu'un wi'nal, ya me xlajic yu'un lajinwanej c'ajc' soc tulan chamel. Ya me jticun ta stojolic jti'awal ja'mal chambalametic, soc ya me xlajinot yu'un svenenoil ye chanetic.

Jueces 5:6

Te c'alal ay ta q'uinal te Samgar snich'an Anat, soc te c'alal ay ta q'uinal te Jael, te jbeometic la yijq'uitayic jilel te bebetique, beenic ta ch'in beetic te chujc'ulique.

Zacarías 7:14

Ja' yu'un jich te bit'il sutu-ic' la jpuc bael ta stojol te nacionetic te ma'yuc xyilique. Te c'alal jil yu'unic te slum-sq'uinalique, c'atp'uj ta jochol taquin q'uinal, ma'yuc mach'a ju' nainix tey a. La yaq'uic bolobuc te buen t'ujbil lumq'uinale —xi'.

Lamentaciones 1:4

Mel-o'tantic nax sba te beetic yu'un Sión, ma'yuc mach'a ya xtal ta q'uinetic. Te yochibal te lume jocholiquix; te sacerdoteetic ya x'oq'uic. Ma'yuc ta q'uinal ya yaiyic te ach'ixetique; te Jerusalén ch'auben yo'tanic.

Isaías 33:8

Te bebetic jocholic ta jyalel, ma'yuc mach'a ya xc'axic tey a. Ya xch'ayic te bila xchapojic soc te bila yalojbey sbaique; ma'yuc mach'a ya x'ich'awan ta muc'.

2 Reyes 17:25

Pero ma ba la xch'uunic te Cajwaltic te ants-winiquetic te ochic ta nainele, ja' yu'un te Cajwaltic ticunbotic tel león-chojetic, ay milotic yu'un.

Levítico 26:6

Ya me cac' lamajuc q'uinal ta atojolic ta alum-aq'uinalic, soc jun me awo'tanic ya xwayex, ma me ayuc mach'a ya xiwtesex, ya me cac' loc'uc ta aq'uinalic te jti'awal ja'mal chambalametic, soc ma me ayuc guerraetic ya xtal ta atojolic.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Ezequiel 33:28

Te lumq'uinal jochol me ya xjil cu'un soc jinem ya xjil. Ya me jlajinbey te yip te mero stoyoj sba yu'une. Te witsetic yu'un Israel jochol taquin q'uinal me ya xjilic, ma me ayuc mach'a ya xc'ax xan ta witsetic.

Ezequiel 14:21

“Jo'on Ajwalilon, jich ya cal: Ja' me c'ax tulan xan wocol a, teme la jticun bael ta stojol Jerusalén te chaneb castigoetic cu'une, te mero xiweltic sbae: ja'ic te guerra, te wi'nal, te jti'awal chambalametic soc te chamele, te ya jmil ants-winiquetic soc te chambalametique.

Ezequiel 5:17

Jc'axel me ya cac' tel wi'nal ta atojolic, chamel soc lajel, soc jti'awal chambalametic te ya slajinbeyex awal-anich'nabique. Ya me cac' te bayal ya xlajex ta guerra. Jo'on Ajwalilon te jich caloje —xi'.

Jeremías 15:3

“Jo'on Ajwalilon, jich ya cal: Ya jticunbey tel chanchajp castigo: Ay ya xmilotic ta guerra, ay me ya yich'ic tasel bael yu'un ts'i'etic, ay me ya xti'otic yu'un te xulemetic soc ay me ya xbic'otic yu'un te jti'awal chambalametique.

Isaías 24:6

Ja' swentail te bolob sc'oplal, tic' laj a te balumilale; jich yu'un te mach'atic nainemic tey a, ya xc'ax swocolic yu'un te castigo. Ja' swentail te mach'atic nainemic ta balumilal peq'uelix yajtalul, jteb xanix cuxulic jilel te ants-winiquetique.

2 Crónicas 15:5

Te jayeb tel c'aal, ma'yuc mach'a lamal nax q'uinal la yaiyic, ja' nax bayal woclajel la yaiyic te yajwal lumetic te bayuc nax aye.

2 Reyes 2:24

Te Eliseo la sut sba ta stojolic, la yil bael: —Yo'tic ya me yac'bat castigo te Cajwaltique —la yut. Ora loc' tel ta ja'mal cha'cojt' osoetic, milotic yu'un cheb yoxwinic (42) ta jtul queremetic.

Jeremías 42:2

ta stojol te j'alwanej Jeremías, jich la yalbeyic: —Ay bila ya jc'antic ta atojol, pasbotic a: Albotic wocol a te Cajwaltic Dios, jo'otic te ch'in jteb xanix te jilemotique. Ta neelal mero bayalotic, ta ora yo'tic jteb xanix jilemotic, jich bit'il ya awil in to.