Levítico 26:19 - Bible in Tzeltal de Oxchuc y Tenejapa

¹⁹ Ya me jlajinbey te abol toybailique. Ya me cal mandal te ma ba ya xtal ja'al ta ch'ulchan, soc te ma ba ya yac' sit te bila ya yich' ts'unel ta lumq'uinale.

Bible in Tzeltal Bachajón

¹⁹ Ya jlajimbe te yip atoybahilic, ya cac' te taq'uin ya xc'oht te ch'ulchan soc bronce ya xc'oht te aq'uinale.

Levítico 26:19 Referans Kwoze

Deuteronomio 28:23

Ta ch'ulchan ma ba ya yac'bat tel ja'al, ta balumilal ma ba ya yac'bat sitinuc awawal-ats'unub.

1 Reyes 17:1

Te j'alwanej yu'un Dios Elías, te talem ta Tisbe te ay ta sq'uinal Galaad, jich la yalbey te Acab: —¡Ya calbat ta jamal ta stojol Cajwaltic Dios yu'un Israel, te yacon ta abatinel yu'une, te ma ba ya xtal ja'al che'oxeb ja'wil baele, soc ni yacuc xyal tel ts'ujul, ja' to teme jo'on ya cale! —la yut.

San Lucas 4:25

Melel xcalbeyex, te c'alal ay ta j'alwanej ta namey te Eliase, ay tsobol me'ba antsetic ta bay smaquen-q'uinal Israel. Te c'alal ma ba la yac' ja'al olil xchaneb ja'wil, jich tal bayal wi'nal ta spamal q'uinal.

Sofonías 3:11

Te bi ora ya xc'ote, lum cu'un, ma ba ya xq'uexawatix yu'un ni jchajbuc te at'eliletic te la atoy aba ta jtojol yu'une. Melel ya me jloq'uesbat bael ta atojol te jtoybaetic soc te mach'atic muc' yac'oj sbaique; soc ma ba ya awac' xan ta ilel te muc' ya awac' abaic ta bay ch'ul wits cu'un.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

Ezequiel 30:6

‘Jich ya yal te Cajwaltic: Te mach'atic ya scoltayic te Egipto ya me xlajic ta guerra, ya xjajch' ta lum Migdol c'alal ta lum Asuán. Manchuc me stoyoj sba yu'un yip te Egipto, pero ya me yich' pejc'anel. Jo'on Ajwalilon ya me cal te jc'ope’, xi' me te Cajwaltic”, xaat me.

Jeremías 13:9

jich la yalbon: —Jich me ya xc'ot te ya jinbey stoybail te Judá soc Jerusalén.

Isaías 25:11

Te Moab ya me sjimulay sc'ab, jich bit'il ya sjimulay sc'ab te mach'a ya yaiy nuxele; ja'uc me to, te jujun buelta ya stij sba, yanyan ta ch'ayel bael te stoybaile.

1 Samuel 4:11

Soc la spojic bael te scajonil trato yu'un Dios, soc laj ta milel yu'unic xchebal te snich'nab Elí, ja' te Ofni soc Finees.

Ezequiel 7:24

Ya me cac' taluc te mach'atic mero amen yo'tanique, ya xtalic ta pojbeyel te naetic yu'un te yajwal lume. Ya me cac' ch'ayuc te stoybail te mach'atic muq'uique. Ya me cac' bolobuc te ch'ul awilaletic yu'unique.

Isaías 26:5

Ja' ya yac' yaluc te mach'atic toybaetic; soc ya spejc'an te lum toyol ya yac' sbae. Ya me sjin coel c'alal ta lum,

Isaías 2:12

Ja' te bi c'aalil ya x'at'ej te Cajwaltic te Spisil ya xju' yu'un, ta yilbeyel yo'tan spisil mach'a jtoybaetic te muc' yac'oj sbaic soc yixtailique; ta yilbeyel yo'tan spisil mach'atic te toyol yac'oj sbaique, swenta yu'un ya me yich'ic pejc'anel;

1 Samuel 4:3

Te c'alal c'otic ta scampamentoic te israeletic, jich la yal te mamaletic yich'oj yat'el yu'unique: —¿Bi yu'un te la yac'otic ta tsalel yu'un filisteoetic te Cajwaltique? Ya xba quich'tic tel te scajonil trato yu'un Cajwaltic te ay ta Silo, swenta yu'un ya me sjoinotic ta beel ta coliltic, soc jich me ya scoltayotic ta sc'ab a te jcontrotique —xiic.

1 Reyes 8:35

“Te c'alal taquin te q'uinale, teme ma ba la yac' ja'al ta scaj smul ta atojol te lume, teme ya xc'opoj ta atojol li'to, teme ya yalbat yutsil ach'ul-biile, soc teme ya sujt'es yo'tanic yu'un te smul ta scaj te castigo awu'une,

Isaías 28:1

¡Ya me yil swocol te Samaria! Toyol nax q'uinal ya yaiyic yu'un te mach'atic ay ta Efraín, scoronainej ta yo'tanic, ja'ic te mach'atic baem yo'tanic ta yacubele. Te Samaria, ja' yutsilal xch'alilic c'oem; ja'uc me to, nichim te taquejeme. Ay ta toyol ta bay slajibal moel te lequil stenlej xatal q'uinale; ja' lum yu'un te ants-winiquetic te u'uninbilic yu'un te yacubele.

Jeremías 3:3

Ja' swentail te comenix ja'al ta yorail invierno soc ta yorail primavera. Jich awelaw te bit'il jmulawil antse; ya sc'an yacuc xq'uexawat yu'un.

Ezequiel 24:21

“Albeya te lum Israel: ‘Jich ya yal te Cajwaltique: “Ya me jinbey sc'oplal te templo cu'une, te mero bayal ya amulanic soc c'ux ta awo'tanique, te ja' ya atoy q'uinal awaiyic a, soc te ja' yip awo'tanique. Te aquerem-nich'nabic soc te awantsil-nich'nabic, te jilem awu'unic ta Jerusalén, ya me xlajic ta milel”, xi' me’, uta me.

Deuteronomio 11:17

Teme jich ya apasique, ya me x'ilin ta atojolic te Cajwaltic, jich me ma ba ya yac' tel ja'al ta atojolic. Jich me ma ba ya yaq'uix sit a te bitic ya ats'unic ta lumq'uinale. Ora me ya xlajex tey a, ta buen lequil q'uinal ya yac'beyex te Cajwaltique.

Ezequiel 33:28

Te lumq'uinal jochol me ya xjil cu'un soc jinem ya xjil. Ya me jlajinbey te yip te mero stoyoj sba yu'une. Te witsetic yu'un Israel jochol taquin q'uinal me ya xjilic, ma me ayuc mach'a ya xc'ax xan ta witsetic.