Levítico 26:17 - Bible in Tzeltal de Oxchuc y Tenejapa

¹⁷ Jo'on me ya jcontroinex, ya me stsalex te acontroique, ya me yabatinex te mach'atic ay slab yo'tan awu'unique, ya me xloq'uex ta anel manchuc ma'yuc mach'a ya snutsex.

Bible in Tzeltal Bachajón

¹⁷ Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Levítico 26:17 Referans Kwoze

Proverbios 28:1

Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.

Levítico 17:10

“Jo'on me ya cac'bey smulin mach'auc israelil o jyanlumil te ay ta awolilic, teme ya slo' ch'ich', chican bila ya yut ya slo', ya me jloq'ues ta yolil te yajwal lume.

Salmos 53:5

Manchuc me ma'yuc bila chican ta xi'el tey a te ya yac' nijq'uele, pero jajch'ic ta nijq'uel yu'un xiwel; melel Dios la spucbey sbaquel te controetique. Jilic ta q'uexlal melel ch'ayotic jilel yu'un te Diose.

Deuteronomio 28:25

soc teme jc'axel la stenat te acontrotaque. Ya x'ochex bael ta stojolic, buen lec me ya achol ochel abaic, pero ya me xpujq'uex bael ta anel ta stojolic, ya me awac'bey xiwel yantic ajwaliletic ta q'uinal.

Jeremías 19:7

Tey ta bay lum to ya jinbey ta jc'axel te bila xchapoj te Judá soc te Jerusalén. Ya me cac' tsalotuc yu'un te scontrotac soc te ya xmilotic yu'une. Te sbaq'uetalic ya me xti'ot yu'un te xulemetic soc te jti'awal chambalametique.

Jueces 2:14

Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Lamentaciones 1:5

Te scontrotac ya xmandaltesot yu'un, ya xmuc'ubic stuquelic. Ja' te Cajwaltic la yac'beyix swocol yu'un te bayal sleoj smule. Te snich'nabe ic'otic bael ta mosoil yu'un te scontroe.

1 Samuel 31:1

Te filisteoetic la yac'beyic guerra te Israele. Te israeletic loq'uic ta anel ta stojol, mero bayal mach'atic lajic ta wits Gilboa.

1 Samuel 4:10

Jich bajt'ic te filisteoetic, ba yac'beyic xan guerra te israeletique. La stsalic, loc' ta anel te israeletic, bajt' ta scampamentoic. Te milaw la yaq'uic te filisteoetic, mero c'axix a, melel lajic lajuneb xcha'winic ta jmil (30,000) te soldado-israeletic te ya xbeen ta yacanique.

Génesis 4:12

Te c'alal ya awaiy awal ta lumq'uinal, ma me xyac' sit. Melmonel ya xc'axat ta q'uinal, soc ma xwejt' bay ya x'ainat —xi' sc'oplal yu'un te Diose.

Josué 7:4

Ja' yu'un moic bael ja' niwan oxmil (3,000) winiquetic bajt'ic ta stsalel te Hai. Ja'uc me to te yajwal Hai, ja' la yaiyic tsalaw, soc la stenic bael te israeletique.

1 Reyes 8:33

“Te c'alal ya stsalot yu'un scontro te lum Israel awu'un ta scaj smul ta atojole, pero teme ya sujt'es yo'tan ta atojole, teme ya yalbat yutsil abiil te ya sc'oponate, teme ya xbic'taj ta atojol ta bay templo,

Salmos 44:10

La awac' sujt'ucotic ta anel ta stojol te jcontrotique; ya yelc'anbotic jbiluctic te mach'atic xti'ton slab yo'tanic ta jtojoltique, chican yo'tanic bila ya sc'an yich'ic bael.

Jeremías 44:11

“Ja' swentail te jo'on Ajwalilon te Spisil ya xju' cu'un, te Dioson yu'un Israel, ya calbeyex: Jnopoj te ya cac' tel bila amen ta atojolic te ya sjinex ja'ex te sts'umbalex Judá.

Ezequiel 15:7

Ya me cal ta jamal te jcontroinej ta spisilique. Manchuc me ya xcolic ta c'ajc', pero ya me xlajinot yu'un yan c'ajc'. Te c'alal ya cal jba ta jamal te jo'on jcontroique, ja' me ya ana'ic a te jo'on Ajwalilone.

Jueces 3:8

Ja' ilin Cajwaltic ta stojolic yu'un. Jich la yac'bey ta sc'ab Cusan-risataim te muc' ajwalil ta Mesopotamia. Waxaqueb ja'wil ochic ta abatinel yu'un Cusan-risataim,

Jueces 3:14

Waxaclajuneb ja'wil la yac' sbaic ta abatinel te israeletic yu'un Eglón,

Jueces 6:2

Te madianetic la yac'beyic c'axuc swocol te israeletic, squechcon nax ta toyel jajch'el te swocolique. Te bit'il och bayal xiwel ta yo'tanic te israeletic yu'un te madianetic, la spasic yanjibic ta witstiquil, ta nailch'entiquil, soc ta bay chujc'ul q'uinal ta bay wocol ya xtaotiquixe.

1 Samuel 12:15

Yan teme ma ba ya ach'uunbeyic smandal, teme ya ac'axintaybey smandal, ya me yac'beyex castigo te ja'exe, soc ya me yac'bey castigo te muc' ajwalil awu'unique.

2 Reyes 13:3

Ja' yu'un ilin yo'tan ta stojol Israel te Cajwaltique. Bayal ja'wil la yac' ta sc'ab Hazael muc' ajwalil yu'un Siria, soc nix ta sc'ab Ben-adad te ja' nix snich'ane.

2 Reyes 13:7

Te soldadoetic yu'un te Joacaz, ja' xanix jil yu'un lajuneb yoxwinic (50) soldadoetic te ayic ta caballo, soc lajuneb carretaetic yu'un guerra, soc lajunmil (10,000) soldadoetic te ya xbeenic ta yacanic, scaj te jc'axel lajinot yu'un te muc' ajwalil yu'un Siria.

Salmos 53:6

Ja'uc ta wits Sión ya xtal scolel te lum Israel. Te bi ora ya stam jajch'el te lum yu'un te Cajwaltique, bin nax me yo'tanic ya xc'otic yu'un te sts'umbal Jacob, ja' ta spisil te lum Israele.

Isaías 30:17

Jmil ta jtul ya x'anex bael ta swenta jtul nax winic te ya xiwtesexe, soc apisilic ya x'anex bael ta swenta jo'tul nax winiquetic, ja' to me chican jteb xanix ya xjilex jich bit'il te' ya xjil ta sba wits, o jich bit'il bandera teq'uel ya xjil ta bujul wits.

Isaías 63:10

Ja'uc me to, la stoy sbaic ta scontroinel te Cajwaltique, soc la yac'bey smel yo'tan te ch'ul espíritu yu'une. Jich yu'un te Cajwaltic la scontroin, jich ac'botic guerra yu'un.

Lamentaciones 2:4

Te Cajwaltic la snit te st'ime, jich bit'il jcontro yilel, toj la yac' bael te yat'ejibale. Pajal soc jcontro, la sjin te bila lec ta ilele; wil bael jichuc c'ajc' te yilimba ta sba scampamento te t'ujbil Sión.