Levítico 26:14 - Bible in Tzeltal de Oxchuc y Tenejapa

¹⁴ “Pero teme ja'ex ma x'ac'anic ya ach'uunbonic te jc'ope, soc teme ma ba ya awaq'uic c'otuc ta pasel spisil te mandaliletic cu'une,

Bible in Tzeltal Bachajón

¹⁴ Pero teme ma ba yac awa'iybonic te jc'op soc teme ma ba yac apasic spisil te mandariletic cu'un,

Levítico 26:14 Referans Kwoze

Lamentaciones 2:17

Te Cajwaltic la sc'otes ta pasel te bi chapal yu'une, la sc'otes te sc'ope. Ma la sna'bey yo'bolil sba ta sjinel te namey la xchajbanbey sc'oplale. La yac' stse'luyat te acontro, soc ja' la yac'bey bayal yip stuquel.

Jeremías 17:27

Yan teme ma xach'uunbonic jmandal te ja'exe, te ma xawac'bonic cu'unin te bi c'aalil yu'un cux-o'tanil, soc te ya awaq'uic ochel bael ijc'atsil a ta ochibaletic yu'un sts'ajc'ul Jerusalén, jich yu'un ya me cac'bey c'ajc' te ochibaletic yu'un te lume, ja' te c'ajc' te ya sjin spisil te palacioetic yu'un Jerusalén, soc ma'yuc mach'a ya xju' yu'un stup'el’, xi' te Cajwaltique”, uta me —xi'.

Levítico 26:18

“Manchuc jich ya jpasbeyex, pero teme ma ba ya ach'uunbonic te jmandale, ya me jtoy xan juqueb buelta castigo yu'un te amulique.

Hebreos 12:25

Jich yu'un tsajtaya me abaic, ma me xap'ajic te mach'a yac ta c'ope. Melel teme ma ba colic te mach'atic la sp'ajic te c'alal c'oponotic ta tulan yu'un Dios li'to ta balumilale, ¿bit'il c'an colucotic jo'otic teme ya jp'ajtic ta comel yu'un te Mach'a yac ta c'op ta jtojoltic c'alal to ta ch'ulchane?

Hechos 3:23

Spisil mach'a ma xyaiybey stojol te sc'ope, ya me yich' bulel loq'uel ta slumal”, te xie.

Malaquías 2:2

Ja'ex ay ta awentaic te ya ach'uunbonic te jc'ope; soc ja' ya sc'an te ayuc sc'oplal ta awo'tanic te ya awich'onic ta muq'ue. Teme ma xapasic, ya me jch'ayex ta co'tan. Teme ma'yuc jc'oplal ta awo'tanic te ya awich'onic ta muq'ue, ya me jch'aybeyex te bila ya ataic ta awat'elic ta sacerdoteile —xi' te Cajwaltic te Spisil ya xju' yu'une.

Lamentaciones 1:18

Te Cajwaltic stojil la spas, melel la jtoy jba ta stojol te mandaliletic yu'une. Aiya awaiy ta apisilic, lumetic; ila awilic te jwocole. Te queremetic ach'ixetic cu'une, ic'otic bael ta mosoil.

Josué 23:15

Ja'uc me to, jich bit'il c'otix ta pasel spisil te bila lec la yalbeyex te Cajwaltique, jich nix me ya xtal ta atojolic yu'un spisil ta jchajp woclajel, ja' to ma'yuc jtuluc ya xjilex ta bay te lequil q'uinal te la yac'beyex,

Jueces 2:15

Jujun buelta te ya xbajt'ic ta guerra, ma'yuc ta coltayel yu'un te Cajwaltique. Squechconic ta bolobel, melel jich nix albot sc'oplalic ta neelal. Manchuc me ac'botiquix tulan swocolic te israeletic yu'un te Cajwaltic,

1 Samuel 12:15

Yan teme ma ba ya ach'uunbeyic smandal, teme ya ac'axintaybey smandal, ya me yac'beyex castigo te ja'exe, soc ya me yac'bey castigo te muc' ajwalil awu'unique.

2 Crónicas 7:19

Yan teme ya apit aba ta jtojol, teme ma xach'uun spisil te mandaliletic cac'ojbeyexe, teme ya awac' abaic ta abatinel yu'un yantic diosetic soc ya xbaex ta yalel wocol ta stojolic,

Proverbios 3:33

Amen sc'oplal yu'un Cajwaltic te sna te mach'a amen yo'tane, yan te sna te mach'a toj yo'tane, lec sc'oplal yu'un Cajwaltic stuquel.

Jeremías 11:8

Ma ba la yich'bonic ta muc' jc'op, ni ma la xch'uunbonic, tulan la yac' sbaic te bit'il amen te yo'tanique. Ma la sc'an xch'uunbon te mandaliletic calojbeye, jich la cac' taluc castigoetic te yalojbey sc'oplal te tratoe”, uta me —xi'.

Jeremías 26:4

Albeya te jo'on Ajwalilon, te jich ya cale: “Teme ma x'awich'onic ta muc' soc teme ma xach'uunic te p'ijubtesel la cac'beyexe,

Jeremías 28:8

Te mach'atic neel j'alwanejetic cu'untic ta namey, te c'alal ma to x'ayinotic a, la yalbeyic sc'oplal guerra, woclajel soc chamel te ya xmilawane ta stojol bayal ta jchajp nacionetic soc tulanil ajwaliletic.

Jeremías 40:2

Te comandante yu'un jcanantaywanej la yic' bael ta stuquel te Jeremías, jich la yalbey: —Te Cajwaltic te Dios awu'une la xchajbanbey sc'oplal te lumq'uinal, te ya sticunbey tel woclajel ta stojole.

Daniel 9:13

Ta spisil te bitic amen julem tel ta jtojoltic, ja' yac ta c'oel ta pasel te bila ts'ibubil ta mandaliletic yu'un Moisés. Pero te jo'otique, ma ba ya jleticat, Cajwal Dios cu'untic, ma ba quijq'uitayejtic te bila amen ya jpastique, ni ma ba t'unbil cu'untic te smelelil c'op awu'une.

Oseas 7:12

Ja'uc me to, te c'alal ya xbajt'ique, ya me jlich' bael chojac' ta stojolic; ma xcac' te ya xwilic baele, tey me ya jtsac a ta scaj te smulique.

2 Reyes 22:13

—Baan jojc'obeyaic bi xi' cu'un te Cajwaltique, soc bi xi' yu'un uuc te yajwal te lume, soc ta spisil Judá ta swenta te bit'il la yich' tael te libro. Te ya cale, ilinem yo'tan cu'untic te Cajwaltic, melel te antiguo jme'-jtatic tele, ma ba la yac' ta yo'tanic te bila ya yal te libro in to. Ma ba la spasic te bitic ts'ibubil ta libro —xi'.

2 Crónicas 34:24

te jich ya cale: Jo'on Awajwalon, ya me cac' tel tulan woclajel ta stojol te lum soc ta stojol te mach'atic nainemic tey a, jich bit'il te sc'oplal castigo te ts'ibubil jilel ta libro, te la yich' ilel ta stojol te muc' ajwalil yu'un Judá.

Salmos 81:12

Ja' yu'un la cac' te ja' nix la spasic te bila swenta toybail; soc jich ainic ta spisil ora te bit'il la smulan te yo'tanique.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.