Levítico 26:13 - Bible in Tzeltal de Oxchuc y Tenejapa

¹³ Jo'on me te Ajwalilon te Dioson awu'unic, te la quiq'uex loq'uel tel ta Egipto, te ja' la quiq'uex loq'uel tel yu'un te ma ba ya smozoinexix a te egipcioetique. Jo'on la jin te yugo te ay awocolic yu'une, buen atoyoj ajolic ya xbeenex cu'un.

Bible in Tzeltal Bachajón

¹³ Ho'on Jehovahon, te Dioson awu'unic, te la jloq'uesex tal ta sq'uinal Egipto scuenta yu'un ma ba ya smosohinex; la jtuch'be schuhquil te yugo awu'unic soc la jcac' te atoyoj ajolic a ya xbehenex.

Levítico 26:13 Referans Kwoze

Ezequiel 34:27

Te te'etic ta lumq'uinal ya me yac' sitic; te bila ya yich' ts'unel ta lume, ya me yich' tulel sit. Bin nax me yo'tanic ya xnainic ta mero sq'uinalic nix. Te c'alal ya jcoltaybey loq'uel ta sc'abic te mach'atic smozoinejic te lum cu'une, jich me ya sna'ic te jo'on Ajwalilon.

Salmos 116:16

Cajwal, jo'on awabaton; jo'on yalon te awabat-antse. Ja'at la atuch'bon te lazoetic te chujc'ulon ae.

Levítico 25:38

Jo'on te Ajwalilon, Dioson awu'unic te la jloq'uesex tel ta Egipto swenta yu'un ya cac'beyex te slum-sq'uinal Canaán, soc swenta yu'un jo'on Dioson awu'unic.

Éxodo 20:2

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

Jeremías 2:20

“Mero bayalix tel c'aal te la atoy aba ta jtojole, ma la ac'an ach'uunbonic jmandal. La awal: “Ma jc'an abatinel”, xaat. Ja' nax la awat'elin spasel mulwej ta bay toyol witsetic soc ta spisil yet'al pimil sc'ab te'etic.

Levítico 25:55

Melel te israeletic abatetic cu'un, mero abatetic cu'un; jo'on la jloq'ues tel ta Egipto. Jo'on Ajwalilon soc Dioson yu'unic jtuquel.

Isaías 51:23

Ja' ya cac'beyix te mach'atic la yac'bat c'axuc awocole, ja' te mach'atic jich la yalbate: “Pajc'ana aba ta lum, ya me xc'axotic ta aba”, la yutat. Jich la apajc'an aba ta lum swenta yu'un jich la stec'at jichuc tan —xi' te Cajwaltique.

Levítico 25:42

Melel jo'on abatetic cu'un te la jloq'ues tel ta Egipto, ja' yu'un ma xju' teme ya yich'ic chonel ta abatil.

Éxodo 6:7

Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Ezequiel 30:18

Te c'alal ya jlajinbey yip te Egipto, soc ya jlajinbey te yip stoyoj sba yu'une, te c'aal ya x'ijc'ub ta stojol lum Tafnes, soc ya me xmacot yu'un tocal te Egipto, te yajwal te lumetic yu'un ya me x'ic'otic bael ta mosoil.

Oseas 11:4

La jnit ta swenta te t'ujbil yutsil co'tan, la jtsac ta swenta xc'uxul co'tan, jich la quic' ta jtojol. La jpet jichuc chu'ul alaletic; jich jajch'on ta yac'beyel swe'elic.

Éxodo 14:8

Te Cajwaltic la stulantesbey yo'tan te faraón swenta yu'un ya snuts te israeletique. Ma tic'uc la yaiyic a te smuc'ul yu'el Cajwaltic te la sloq'ues tel tey a.

Isaías 9:3

Cajwal, la awac'beyix smuc'ul sbujts' q'uinal ya yaiyic; mero muc' sbujts' yo'tanic. Spisilic ya xbujts'naj yo'tanic ta atojol jich bit'il ta yorail te c'ajoje, soc jich bit'il te mach'atic ya spucbey sbaic te muc'ul c'ulejalile.

Jeremías 28:2

—Te Cajwaltic te Spisil ya xju' yu'une, te Dios yu'un Israel, jich la yal: “Ya jwuy te yugo c'oem te yac'oj te muc' ajwalil yu'un Babilonia.

Jeremías 28:4

Soc ya cac' sujt'el tel li' ta lum to te Jeconías snich'an Joacim, te muc' ajwalil yu'un Judá, soc te yantic ants-winiquetic te loq'uic bael ta Judá te ic'otic bael ta mosoil ta Babilonia. Jo'on Ajwalilon, jich ya cal”, xi' ta yalel te Cajwaltique —xi' te Hananías.

Nahúm 1:13

Ya jwuybat te yugo acuchoj soc ya jtuch'bat te cadenaetic chucbilat a —xi'.