Levítico 25:41 - Bible in Tzeltal de Oxchuc y Tenejapa

⁴¹ Ta patil ya me xju' ya yijq'uitaybat te ana, ya me xbajt' spisil soc yal-snich'nab, ya me sujt' bael ta stojol te sts'umbal soc ta banti ay te biluc yu'un.

Bible in Tzeltal Bachajón

⁴¹ Ta hich ora libre ya xloc' bahel ta ana soc snich'nab, ya suht bahel ta stojol te mach'atic ay yu'un soc ta sq'uinal te me'iltatiletic yu'une,

Levítico 25:41 Referans Kwoze

Levítico 25:28

Pero teme ma ba ju' yu'un stsobel jich yipal ya xtuun yu'un, te ya xcha'man xan sujt'el ta stojol te bila ja' yu'un ta neelal toe, ya me xjil ta stojol te mach'a la smane, ja' to teme la sta yorail te ja'wil swenta ainel ta libre, ja' me ta yorail a te ya xjil ta libre te bila chonbile. Te mach'a la xchon, ya xcha'sujt' xan ta stojol.

Éxodo 21:3

Teme stuquel tale, stuquel me ya xbajt'. O ay yinam ya xtal, soc me yinam ya xjil ta libre.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Romanos 6:14

Melel ma xju'ix te ya yu'uninex xan te mulile, yu'un ma'yuquex ta swenta te mandalile. Ja' ayex ta swenta yutsil yo'tan te Diose.

San Juan 8:32

Jich me ya ana'ic te bila melele. In te bila melele, ja' ya yaq'uex ta libre —xi'.

Levítico 25:10

Ta slajunebal yoxwinic (50) ja'wil ya me awalic ta jamal te ja' te ch'ul ja'wil swenta ainel ta libre. Ya me apuquic ta alel ta stojol spisil te yajwal lumq'uinal te ja' yorail ainel ta libre. Spisil winiquetic ya me xcha'sujt' xan bael ta yolil mach'atic ay yu'un, soc ya me sujt' xan bael ta yich'el te sq'uinalique.

Levítico 25:40

Jichuc nax me ta awo'tan te bit'il jle-at'el, o jmajan-na. Ya me x'at'ej bael ta atojol, ja' to c'alal ta yorail te ja'wil swenta ainel ta libre.

Levítico 25:42

Melel jo'on abatetic cu'un te la jloq'ues tel ta Egipto, ja' yu'un ma xju' teme ya yich'ic chonel ta abatil.