Levítico 25:4 - Bible in Tzeltal de Oxchuc y Tenejapa

⁴ pero ta sjuquebal ja'wil, mero ts'acal me ya awac'beyic xcux yo'tan te lumq'uinal, swenta quich'jibal ta muc' jo'on te Ajwalilone. Ja' yu'un ma me ayuc bila xats'unic ta aq'uinalic te ja'wil in to, soc ma me xaloq'uesbey staquin c'ab te ats'usubilique.

Bible in Tzeltal Bachajón

⁴ Pero ta shuquebal ha'bil ya me scux yo'tan te lumq'uinal, ha cux-o'tan ta scuenta Jehová; ma me xawa'iy ts'umbajel ta aq'uinal soc ma me xaloq'uesbe staquin c'ab te ats'usubile.

Levítico 25:4 Referans Kwoze

2 Crónicas 36:21

swenta yu'un ya me xc'ot ta pasel te bila yaloj Dios ta swenta j'alwanej Jeremías. Jich yu'un te slum-sq'uinalique bin nax yo'tan c'oem, yu'un te la xcux yo'tan, melel xcuxoj bael yo'tan ta spisil te jayeb c'aal jineme, ja' to c'alal c'ax te lajuneb xchanwinic (70) ja'wile.

Levítico 26:43

Ja' me ya xjil ta libre awu'unic, bayal me yutsil ya x'ain te jayeb c'aal te ya xcux yo'tan awu'unic, te bit'il ma ba ya xnainex tey a. Ya me atojic te amulique, melel la awilaybonic te bitic chapal cu'un soc te mandaliletic te la ac'axintaybonique.

Levítico 25:5

Soc ma me xju' ya aset'ic te trigo ya xch'i ta stuquel te c'alal la aset'ix swenta slajibal buelta te atrigoe, ma me jichuc ya aset'ic te bit'il stalel ya aset'ic ta jujun ja'wile. Soc ma me xatulbeyic sit ats'usubilic te ma ba yich'ojix loq'uesel staquin c'abe. Te lumq'uinal ts'acal me ya yich' aq'uel xcux yo'tan.