Levítico 25:21 - Bible in Tzeltal de Oxchuc y Tenejapa

²¹ Melel jo'on me ya cac'beyex bendición te ya xc'ax te swaquebal ja'wile, te bila ya xloc' awu'unic, tic' ya xc'ax oxeb ja'wil awu'unic a.

Bible in Tzeltal Bachajón

²¹ Ya ca'beyex bendición ta swaquebal ha'bil, te jayeb ya yac' tic' ya xtuhun awu'unic scuenta oxeb ha'bil.

Levítico 25:21 Referans Kwoze

Deuteronomio 28:8

“Te Cajwaltic ya me yac'bat bendición ta snail te sit awawal-ats'unub, soc nix ta spisil te bitic ya apase, soc mero bin nax awo'tan ya yac' nainucat ta lumq'uinal te ya yac'bate.

Proverbios 10:22

Te bendición yu'un Cajwaltic ya yac' jc'ulejaltic, te ma'yuc mel-o'tan yu'une.

2 Corintios 9:10

Dios ya yac'bey yawal te mach'a ya yaiy awale, soc ya yac'bey waj swe'. Ja' nanix jich ya me yac'beyex spisil te bila ya sc'an awel awu'unique, soc ya me yesmantesbeyex te sit awawal-ats'unubique, swenta yu'un jich me ya xju' awu'unic te bayal ya awaiy coltaywanej ta stojol te yantique.

Salmos 133:3

Pajal soc yutsil sts'ujulel wits Hermón te ya xjul tel ta witstiquil yu'un Sión. Tey me ya yac' tel bendición Cajwaltic swenta jcuxlejaltic te ma'yuc slajibale.

Deuteronomio 28:3

Ya me awich' bendición ta alumal, soc lec me ya xc'oat ta aq'uinal.

Éxodo 16:29

Ac'a c'otuc ta awo'tanic te jo'on Ajwalilon awu'unic te la cac'beyex jun c'aal yu'un cux-o'tan. Ja' swentail ta swaquebal c'aal ya cac'beyex we'elil ta swenta cheb c'aal. Jich yu'un ta sjuquebal c'aal ya me x'ainex ta anaic, ma me xloq'uex a —xi' te Diose.

Génesis 41:47

Juqueb ja'wil te c'axem to xan sitin ta lec te yawal-sts'unubique.

Génesis 26:12

Te Isaac la sts'un yawal-sts'unub tey a. Lec a sitin c'ax ja'wil, yu'un bayal ac'bot bendición yu'un te Cajwaltique.

Levítico 25:4

pero ta sjuquebal ja'wil, mero ts'acal me ya awac'beyic xcux yo'tan te lumq'uinal, swenta quich'jibal ta muc' jo'on te Ajwalilone. Ja' yu'un ma me ayuc bila xats'unic ta aq'uinalic te ja'wil in to, soc ma me xaloq'uesbey staquin c'ab te ats'usubilique.

Levítico 25:6

Te bila ya yac' sit ta stuquel ta lumq'uinal te c'alal yac ta cux-o'tan ae, tic' me ya xwe'ex a te ja'exe, soc te amanbil abatetic, acriadaic, te j'at'eletic awu'unic, soc te jyanlumetic te ajoinejic ta nainele,

Ezequiel 34:26

“Te chijetic cu'un ya me cac' ta sjoyobal te ch'ul wits cu'une, buen lec me sc'oplalic cu'un. Ya me jticunbey tel bayal bendición ta yorail, jich yipal ya xtal te bit'il te ja'ale.

Éxodo 16:5

Yan te swaquebal c'aal te c'alal ya stsobic bael ta snaique, cheb me buelta ya yich'bey swentail stuquel a te bit'il ya stamic jujun c'aale —xi' te Cajwaltique.