Levítico 25:16 - Bible in Tzeltal de Oxchuc y Tenejapa

¹⁶ chican te jayeb xan ja'wil ya xloc' sit te bila ya xch'i ta q'uinal; teme bayal to, bayal me stojol ya xloc', teme ma'yuquix bayal ja'wil, ja' nix jich ma'yuc bayal stojol, melel te bila ya yich' chonel, ja' te jich yipal te sit ya yac' ta jujun ja'wile.

Bible in Tzeltal Bachajón

¹⁶ Teme bayel to xan ha'bil, bayel stojol ya xloc', teme mayuquix bayel ha'bil, mayuc bayel stojol; como ha ya schombat te jayeb xan buelta ya sitin.

Levítico 25:16 Referans Kwoze

Levítico 25:51

Pero teme ay to bayal ja'wil ya sc'an ma ba ya sta yorail te ja'wil swenta ainel ta libre, ac'a yajtayic te jayeb ya xloc' jujun ja'wile, ya me yac' swenta scolel ta libre oliluc te taq'uin la yich' te c'alal la xchon sbae;

Levítico 25:27

ya me yajtay yil te jayebix c'aal te la xchone, ya me sujt'esbey te mach'a la sman te jayeb xan te taq'uin ya xloc' ta ajtayel te stojole. Jich me ya xju' ya xcha'sujt' xan ta stojol te sq'uinale.

Levítico 25:15

Te mach'a ya smane, ja' me ya yich' ajtayel te jayebix ja'wil xc'axel te ja'wil swenta ainel ta libre. Jich nix te mach'a ya xchone, ja' me ya sc'anbey stojol te jayeb xan ja'wil te bila ya xloc' tey a te q'uinale:

Levítico 27:18

pero teme patilixe, teme c'axemix a te yorail ainel ta libre te ya yac'bon, te sacerdote ya me yajtay te jayeb te plata ya xju' ta aq'uele, te ya yich' ts'ujtesel a te stojol albilix te jayeb te ya xc'ot te jujun ja'wil te jayeb xan ja'wil te ma ba staoj te ja'wil aq'uel ta libre.