Levítico 24:8 - Bible in Tzeltal de Oxchuc y Tenejapa

⁸ Ya me yich' aq'uel ta jtojol, ma me ayuc bi ora ya squejch'aj ta aq'uel ta jujun c'aal ta yorail cux-o'tan, sbajt'el me q'uinal chapal te ya spasic spisil ora te israeletique.

Bible in Tzeltal Bachajón

⁸ Ta jujun sc'ahc'alel cux-o'tan ya me yich' chahpanel ta stojol Jehová, ta scuenta sbihil te snich'nab Israel, scuenta chapbil-c'op te stalel ay.

Levítico 24:8 Referans Kwoze

2 Crónicas 2:4

Yu'un ya jpas templo yu'un Cajwal te Dios cu'une, swenta yu'un ya me cac'bey yu'unin. Tey me ya yich' chiq'uel perfumeetic ta swenta yich'el ta muc', soc ya me yich' cholel ta mesa ta stojol te wajetic, ya me yich' chiq'uel majt'anil ta sab soc ta malc'aalil, soc te bi c'aalil swenta cux-o'tan, soc te bi ora ya yich' pasel q'uinetic yu'un te yach'il u, soc te bi ora te ay yantic q'uinetic te yich'jibal ta muc' te Cajwaltic Diose, te ya yich' pasel spisil ora cu'untic te jo'otic israelotique.

Números 4:7

Ja' nix me jich, ya smuquic bael ta morada pac' te mesa ay ta jtojole. Ta sba te paq'ue tey me ya spajch'an bael a te platoetic, te muc'ul cucharaetic, te tazaetic soc te oxometic te yawil majt'anil vino, soc nix te waj te ay ta aq'uel spisil ora.

1 Crónicas 9:32

Ay te sts'umbal Coat te ya xchajbanic te waj ch'ultesbilic, te ya yich' cholel ta jujun semana ta sc'aalelal te cux-o'tane.

Nehemías 10:33

ja' bi ja' te waj ya yich' aq'uel ta stojol Dios, te harina pasbil ta trigo soc ta cebada te ya yich' aq'uel jujun c'aal te Diose, te chic'bil majt'anil jujun c'aal soc ta sc'aalelal cux-o'tanil soc ta yach'il u, soc nix majt'aniletic yu'un te yantic q'uinetic cu'untic swenta xch'uunel Dios, soc swenta smajt'an ta spisil, milbil majt'anil swenta stael perdón yu'un smul Israel, soc ta spisil te bila ya yich' pasel ta swenta yich'el ta muc' ta templo yu'un te Dios cu'untique —xiic.

1 Crónicas 23:29

Ay ta swentaic xchajbanel te waj ch'ultesbil te ya yich' cholel ta mesa; te harina swenta majt'anil, te juch'bil trigo soc juch'bil cebada; te jayal waj te ma ba yich'oj levadura; te majt'anil waj ya yich' ch'ilel ta sartén; soc spisil te bit'il ya yich' wots'el, soc spisil te bi ya yich' liquel yalal a, soc te p'isjibale.

Éxodo 25:30

Tey me ya awac' ta mesa spisil ora te ch'ul waj cu'une.

1 Samuel 21:7

Jich ora te ay jtul abat yu'un a te Saúl, jilem ta ch'ul awilal ta scaj te ay bi jalajtesbil yu'une. Edom-winic stuquel, Doeg sbiil, ja' swentainej te jcanan-chijetic yu'un Saúl.

2 Crónicas 13:11

Ja'ic ya yaq'uic milbil majt'anil ta sab soc ta xmalc'aal, ja' te scojt'ol ya yich' chiq'uele, soc te pom te bujts'an yiq'ue, soc ya yaq'uic ta lequil mesa te waj te ch'ultesbil ta stojol Dios. Soc ta jujun xmalc'aal ya stsumic te c'ajq'uetic te ya yaq'uic ta yawil te pasbil ta oro. Melel te jo'otic jch'uunejbeytic smandal te Cajwaltic te Dios cu'untique, yan te ja'exe la awijq'uitayiquix ta awo'tanic.