Levítico 24:7 - Bible in Tzeltal de Oxchuc y Tenejapa

⁷ Ya me awac'bey lequil pom ta juju-jchol, ya me xtuun soc ta swenta majt'anil yu'un jna'jibal. Te pom ya yich' chiq'uel swenta quich'jibal ta muc' jo'on te Ajwalilone.

Bible in Tzeltal Bachajón

⁷ Soc yac awa'be lequil pom ta jujuchohl, te ha ya sjoquin te pan scuenta sna'ojibal yu'un mahtanil ya yich' chiq'uel ta stojol Jehová.

Levítico 24:7 Referans Kwoze

Levítico 2:2

Ya me yich'beyic bael ta stojol snich'nab Aarón, ja' te sacerdoteetique. Ay me jtul te ya sjop ta sc'ab te harina capal soc aceite, soc nix spisil te pome. Ya me xchic' ta sba te scajtijib jmajt'an swenta chic'bil jmajt'an te buen bujts'an yic' ta jtojol jo'on te Ajwalilon, ta swenta sc'anel xc'uxtayel te mach'a la yaq'ue.

Hebreos 7:25

Jich ya xju' ya scoltay sbajt'el q'uinal te mach'atic ya xnoptsajic ta stojol Dios ta swentae, melel ya xju' ya xc'opoj yu'unic spisil ora stuquel te bit'il cuxul ay sbajt'el q'uinal.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

Hechos 10:31

te jich la yalbone: “Cornelio, Dios la yaiybat stojol te bit'il ya ac'opone, soc la sna'atix te bit'il ya aq'ueban ataq'uine.

Hechos 10:4

Te Cornelio la stojlinbey ta ilel sit te ch'ul abate soc bayal xiw yu'un: —¿Bila a, Cajwal? —xi' te Cornelioe. La yal te ch'ul abate: —Dios la sna'atix te bit'il ya ac'opone soc te bit'il ya aq'ueban ataq'uine.

San Juan 6:51

Jo'on te waj te cuxule te coemon tel ta ch'ulchane. Te mach'a ya swe' in waj to, ya me xcuxin sbajt'el q'uinal. Te waj te ya caq'ue, ja' te jbaq'uetale, ya me cac' ta lajel swenta yu'un jich me ay xcuxlejalic ta balumilal —xi' te Jesuse.

San Juan 6:35

Jesús jich la yalbey: —Jo'on wajon yu'un te cuxlejale. Te mach'a ya xtal ta jtojole xujt' ma xwi'naj yo'tan; soc te mach'a ya xch'uunone, xujt' ma xtaquej yo'tan.

Éxodo 17:14

Te Cajwaltic la yalbey te Moisés: —Ts'ibuya ta libro swenta yu'un ya me yich' na'el. Albeya te Josué, ya me jtup'bey ta jc'axel sna'jibal te amalequetique —xi'.

Éxodo 13:9

Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto.

Éxodo 12:14

Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic.

Génesis 9:16

C'alal ya xchicnaj te arco iris ta yolil tocal, ya me quil soc jich me ya jna' te trato calojbey ta stojol spisil bitic cuxajtic te ayic ta balumilale.

Éxodo 28:12

Ac'a ta snejq'uelul te efod, melel te tonetique, swenta sna'jibal yu'unic te yal-snich'nab israeletique. Ja' swentail te ya yac' bael ta snejq'uel Aarón te sbiilic ta stojol te Cajwaltique.

Levítico 2:9

Tey me ya yich' jtebuc a te jmajt'an te sacerdote, swenta yu'un ya xchic' ta scajtijib jmajt'an, ja' me jmajt'an te ya yich' chiq'uel swenta jna'jibal te bujts'an yic' ta jtojol jo'on te Ajwalilone.

Isaías 43:23

Ma la awac'bon chic'bil jmajt'an chijetic; ma la awich'on ta muc' soc milbil majt'anil. Ma ba lubat cu'un te la jc'anbat majt'anil; soc ma la cuts'inat yu'un sujbelat ta sc'anel pom.

Levítico 2:1

“Teme ay mach'a ya yich'bon tel jmajt'anin harina jo'on te Ajwalilon, ya me sc'an te ja' ya yich' tel harina te mero lec, soc ya me yac'bey aceite soc pom ta sba.