Levítico 24:6 - Bible in Tzeltal de Oxchuc y Tenejapa

⁶ Ac'a ta ba mesa te pasbil ta puro oro ay ta jtojol jo'on te Ajwalilone, cha'chol me xawac', wacwacpejch' ya awac' ta juju-jmejch'.

Bible in Tzeltal Bachajón

⁶ Yac awac' ta cha'chohl, wacpehch ta jujuchohl, ta ba mesa pasbil ta puro oro ta stojol te Jehová.

Levítico 24:6 Referans Kwoze

1 Reyes 7:48

Te Salomón la sticun ta pasel ta spisil te yantic bitic tuun ta templo yu'un Cajwaltic: ja' te scajtijib ta chiq'uel pom pasbil ta oro; mesa pasbil ta oro te banti ya yich' aq'uel te ch'ul pan yu'un Cajwaltic;

Hebreos 9:2

Ta yutil te nailpac' temploe, Ch'ul Awilal sbiil te sba tsalale, ta banti ay te scajtijib c'ajq'uetique soc ay mesa tey a ta bay pachal ta stojol Dios te waje.

2 Crónicas 13:11

Ja'ic ya yaq'uic milbil majt'anil ta sab soc ta xmalc'aal, ja' te scojt'ol ya yich' chiq'uele, soc te pom te bujts'an yiq'ue, soc ya yaq'uic ta lequil mesa te waj te ch'ultesbil ta stojol Dios. Soc ta jujun xmalc'aal ya stsumic te c'ajq'uetic te ya yaq'uic ta yawil te pasbil ta oro. Melel te jo'otic jch'uunejbeytic smandal te Cajwaltic te Dios cu'untique, yan te ja'exe la awijq'uitayiquix ta awo'tanic.

2 Crónicas 4:19

Te Salomón la yal mandal ta pasel spisil te yantic ya xtuun ta templo yu'un te Diose: ja' te scajtijib ta chiq'uel pom te pasbil ta oro; te mesaetic te la xcholic waj tey a te ya yich' ch'ultesel yu'un te Cajwaltique;

1 Corintios 14:40

Ja'uc me to, yich'ojuc me swentail ta pasel awu'unic ta spisil.

Éxodo 39:36

te mesa soc spisil te bitic ya xtuun yu'un; te ch'ul waj ya x'ac'ot ta stojol Dios;

Nehemías 10:33

ja' bi ja' te waj ya yich' aq'uel ta stojol Dios, te harina pasbil ta trigo soc ta cebada te ya yich' aq'uel jujun c'aal te Diose, te chic'bil majt'anil jujun c'aal soc ta sc'aalelal cux-o'tanil soc ta yach'il u, soc nix majt'aniletic yu'un te yantic q'uinetic cu'untic swenta xch'uunel Dios, soc swenta smajt'an ta spisil, milbil majt'anil swenta stael perdón yu'un smul Israel, soc ta spisil te bila ya yich' pasel ta swenta yich'el ta muc' ta templo yu'un te Dios cu'untique —xiic.

Ezequiel 41:22

scajtijib smajt'an Dios yilel pasbil ta te'. Ay jujun metro ta juju-jejch', olil xcheb metro stoyolil. Ay xulubil ta jujun xujc'. Te yacane soc ta juju-jejch', pasbil ta te'. La yalbon te winique: —Ja' te mesa ay ta stojol Cajwaltic in to —xi'.

Éxodo 25:30

Tey me ya awac' ta mesa spisil ora te ch'ul waj cu'une.

Nehemías 10:34

Soc yan xan, te sacerdoteetic, te levitaetic soc ta spisil te yajwal lume, chican te mach'a a te jun jnatic soque, la yich' pasel snúmeroil te mach'a ya xc'ot ta swenta yich'el bael ta templo yu'un te Dios cu'untic te si' albil ta swenta jujun ja'wil te c'alal ya sta yoraile, swenta yu'un ya yich' chiq'uel majt'aniletic ta scajtijib smajt'an Cajwaltic, ja' te Dios cu'untique, jich nix te bit'il ts'ibubil ta mandaliletique.