Levítico 24:5 - Bible in Tzeltal de Oxchuc y Tenejapa

⁵ “Tsaca mero lequil harina, tac'ajtesa lajchaypejch' waj, olil yo'eb kilo te juju-jpejch'e.

Bible in Tzeltal Bachajón

⁵ Ya me atsac lequil harina soc yac ata'ajtes lahchaypehch pan, cheb ta slajunebal efa te jujupehche.

Levítico 24:5 Referans Kwoze

Éxodo 25:30

Tey me ya awac' ta mesa spisil ora te ch'ul waj cu'une.

Éxodo 40:23

Ta sba te mesa la spajch'an tey a te ch'ul waj ta stojol te Cajwaltique, jich te bit'il yaloj mandale.

1 Reyes 18:31

La stsac lajchayeb tonetic jich te bit'il yajtalul te jayeb ta jchajp te snich'nab Jacob, te la yal te Cajwaltic te Israel sbiil ya xc'ote.

Santiago 1:1

Jo'on Santiagoon, yabaton te Diose soc uuc te Cajwaltic Jesucristoe. Ya jpatbeyex awo'tanic ja'ex te lajchaychajbex te sts'umbalex Israel te pujq'uemex ta spamal balumilale.

Hechos 26:7

Ta jpisiltic te lajchaychajp sts'umbalotic Israel yacotic ta smaliyel te bi ora ya xc'ot ta pasel te bila yaloj te Diose. Ja' swentail te c'aal ajc'ubal ya jlajin jbatic ta stojol te Diose. Muc' ajwalil Agripa, ma'yuc yan swentail te sleojbonic jmul te judioetic ta Jerusalén, ja' nax te bit'il ay smuc'ul co'tan ta smaliyel te bila yaloj te Diose.

San Mateo 12:4

Te c'alal och ta sna Dios, la swe'ic te ch'ul waj te pachal ta stojol te Diose te ma xju' ya swe'ic soc te sjo'taque. Ja' nax ya xju' ya swe'ic stuquel te sacerdoteetique.

Hebreos 9:2

Ta yutil te nailpac' temploe, Ch'ul Awilal sbiil te sba tsalale, ta banti ay te scajtijib c'ajq'uetique soc ay mesa tey a ta bay pachal ta stojol Dios te waje.

Éxodo 39:36

te mesa soc spisil te bitic ya xtuun yu'un; te ch'ul waj ya x'ac'ot ta stojol Dios;

Números 4:7

Ja' nix me jich, ya smuquic bael ta morada pac' te mesa ay ta jtojole. Ta sba te paq'ue tey me ya spajch'an bael a te platoetic, te muc'ul cucharaetic, te tazaetic soc te oxometic te yawil majt'anil vino, soc nix te waj te ay ta aq'uel spisil ora.

1 Samuel 21:6

Jich te sacerdote la yac'bey te ch'ul waj te David, melel ja' nax ay tey a te ch'ul waj yu'un te Cajwaltique. Ja' yorail te ya yich' loq'uesel ta ch'ul mesa ta stojol Dios, swenta yu'un ya yich' aq'uel q'uixin pan tey a.

1 Crónicas 9:32

Ay te sts'umbal Coat te ya xchajbanic te waj ch'ultesbilic, te ya yich' cholel ta jujun semana ta sc'aalelal te cux-o'tane.

1 Crónicas 23:29

Ay ta swentaic xchajbanel te waj ch'ultesbil te ya yich' cholel ta mesa; te harina swenta majt'anil, te juch'bil trigo soc juch'bil cebada; te jayal waj te ma ba yich'oj levadura; te majt'anil waj ya yich' ch'ilel ta sartén; soc spisil te bit'il ya yich' wots'el, soc spisil te bi ya yich' liquel yalal a, soc te p'isjibale.

2 Crónicas 13:11

Ja'ic ya yaq'uic milbil majt'anil ta sab soc ta xmalc'aal, ja' te scojt'ol ya yich' chiq'uele, soc te pom te bujts'an yiq'ue, soc ya yaq'uic ta lequil mesa te waj te ch'ultesbil ta stojol Dios. Soc ta jujun xmalc'aal ya stsumic te c'ajq'uetic te ya yaq'uic ta yawil te pasbil ta oro. Melel te jo'otic jch'uunejbeytic smandal te Cajwaltic te Dios cu'untique, yan te ja'exe la awijq'uitayiquix ta awo'tanic.

Nehemías 10:33

ja' bi ja' te waj ya yich' aq'uel ta stojol Dios, te harina pasbil ta trigo soc ta cebada te ya yich' aq'uel jujun c'aal te Diose, te chic'bil majt'anil jujun c'aal soc ta sc'aalelal cux-o'tanil soc ta yach'il u, soc nix majt'aniletic yu'un te yantic q'uinetic cu'untic swenta xch'uunel Dios, soc swenta smajt'an ta spisil, milbil majt'anil swenta stael perdón yu'un smul Israel, soc ta spisil te bila ya yich' pasel ta swenta yich'el ta muc' ta templo yu'un te Dios cu'untique —xiic.

Éxodo 40:4

Ac'a me ta yutil te ch'ul awilal te mesa soc te scajtijib c'ajq'uetique. Chajbana me ta lec te mesa, soc cajanlaya me te c'ajq'uetic ta scajtijib.

1 Samuel 21:7

Jich ora te ay jtul abat yu'un a te Saúl, jilem ta ch'ul awilal ta scaj te ay bi jalajtesbil yu'une. Edom-winic stuquel, Doeg sbiil, ja' swentainej te jcanan-chijetic yu'un Saúl.

Nehemías 10:34

Soc yan xan, te sacerdoteetic, te levitaetic soc ta spisil te yajwal lume, chican te mach'a a te jun jnatic soque, la yich' pasel snúmeroil te mach'a ya xc'ot ta swenta yich'el bael ta templo yu'un te Dios cu'untic te si' albil ta swenta jujun ja'wil te c'alal ya sta yoraile, swenta yu'un ya yich' chiq'uel majt'aniletic ta scajtijib smajt'an Cajwaltic, ja' te Dios cu'untique, jich nix te bit'il ts'ibubil ta mandaliletique.