Levítico 24:4 - Bible in Tzeltal de Oxchuc y Tenejapa

⁴ Te stsumjibal c'ajq'uetic ya me yich' chajbanel ta scajtijib, ja' te pasbil ta puro oro, swenta yu'un ya me xtil ta jtojol ta spisil ajc'ubal jo'on te Ajwalilone.

Bible in Tzeltal Bachajón

⁴ Ya me schahpanlan te tsumbil c'ahc' ta yawilic te ayic ta scajtajib c'ahc' pasbil ta puro oro, scuenta yu'un ya xtihl spisil ora ta stojol Jehová.

Levítico 24:4 Referans Kwoze

Éxodo 31:8

te mesa soc te bitic ya xtuun yu'une, te yawil c'ajc' te pasbil ta oro ta spisil soc te bitic ya xtuun yu'une, te scajtijib ta chiq'uel pom,

Éxodo 39:37

te scajtijib c'ajq'uetic te lequil oro pasbil soc te ch'in c'ajq'uetic yu'un, ja' te ya yich'ic cajanel ta scajtijib, soc spisil te bitic ya xtuun yu'une; te aceite te ya xtuun yu'un te c'ajq'uetic;

Apocalipsis 11:4

Te cheb testigoetique, ja' te cheb oliva-te' soc te cha'ch'ix yawil c'ajc' te tec'ajtic ta stojol te Cajwaltic te ja' Dios yu'un te balumilale.

Apocalipsis 2:5

Juluc me ta awo'tan te banti ch'ayemate. Sujt'esa me awo'tan yu'un. Pasa me xan te bit'il nix ay awat'el ta neelal toe. Teme ma xapase, ya me xtalon ta ora ta atojol, ya me jloq'uesbat te xtuchtijib c'ajc' awu'un ta ba ay te yawile, teme ma ba ya asujt'es awo'tane.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

Hebreos 9:2

Ta yutil te nailpac' temploe, Ch'ul Awilal sbiil te sba tsalale, ta banti ay te scajtijib c'ajq'uetique soc ay mesa tey a ta bay pachal ta stojol Dios te waje.

Jeremías 52:19

Te comandante yu'un te jcanantaywanejetic, ja' nix la yich' bael te bitic pasbil ta oro soc ta plata, jich bit'il te spojquil c'abal, te yawil ac'al, te muc'ul tazaetic, te scajtijib c'ajq'uetic, te muc'ul cucharaetic soc te vasoetic ta swenta te majt'anil vino.

1 Crónicas 28:15

Soc la yac'bey ta swenta spasel chajbalchajp scajtijib c'ajq'uetic soc te yawil yaceiteil te c'ajq'uetique, chican te jayeb yalal ya xtuun yu'un te jujune.

1 Reyes 7:49

te stuchtajib c'ajq'uetic pasbil ta puro oro te ayic ta elawal yu'un te Mero Ch'ul Awilale, jo'eb ta wa'el soc jo'eb ta q'uexen, soc sloc'ombail nichimetic; yawil aceite yu'un c'ajc'; tenazaetic pasbil ta oro;

Números 4:9

Ta yoxebal ya me stsaquic jlijc' morada pac', ya smuquic bael a te scajtijib c'ajq'uetic, te ch'in c'ajq'uetic, te tenazaetic, te ch'in platilloetic, soc spisil te yawil aceite te ya xtuun yu'une.

Números 3:31

Te mach'atic pajal sbiilic ja' ay ta swentaic scanantayel te scajonil trato, te mesa, te scajtijib c'ajq'uetic, te cheb scajtijib majt'aniletic soc te bitic ch'ultesbil te ya xtuun ta yorail yich'el ta muc' Dios, te pac' te ya smac ta olilal te ch'ul awilal, soc spisil te sbiluquil te ayic ta tuuntesele.

Levítico 24:3

Ja' me ya x'och ta swenta xchajbanel te Aarón, swenta yu'un ta sjunal ajc'ubal ya xtil ta jtojol jo'on te Ajwalilone. Ma me xcom ni junuc ajc'ubal ta tilel ta Nailpac' te banti ya quich' c'oponel, ta spat yu'un te pac' t'imil ta stojol te cajón yu'un trato. Te jmandal stalel me ya xjil, ya me xc'ax ta stojol me'il-tatiletic soc ya me xc'ax ta stojol alnich'anetic.

Números 8:2

—Albeya te Aarón, te c'alal ya stiles te c'ajq'uetic, ac'a me yac' taluc xojobil ta yelaw te scajtijibe —xi' te Cajwaltique.

2 Crónicas 29:7

La smacbeyic yochibal te mero templo, la stup'beyic te c'ajq'uetique, soc la yijq'uitayic ta chiq'uel pom ta stojol te Dios yu'un Israel.