Levítico 23:8 - Bible in Tzeltal de Oxchuc y Tenejapa

⁸ Ta spisil te juqueb c'aale ya me achic'bonic jmajt'an jo'on te Ajwalilone. Ta sts'acajel te juqueb c'aal ya me apasic te yan ch'ul tsobleje. Ma me xju' ya apas awat'elic, biluc at'elil”, uta me —xi' te Cajwaltique.

Bible in Tzeltal Bachajón

⁸ Huqueb c'ahc'al yac awa'beyic chic'bil mahtanil te Jehová. Ta shuquebal c'ahc'al ay ch'ul tsoblej, ma me xapas awa'telic a, xchi.

Levítico 23:8 Referans Kwoze

Éxodo 12:16

Jich yu'un ta sba c'aalil soc ta sjuquebal c'aal, xchebal me c'aal ch'ul tsoblej awu'unic a. Ma me ayuc at'el a, ja' nax me teme ay chajbanel ya sc'an jtebuc te we'elile.

Levítico 23:7

Te sbabial c'aal ya me yich' pasel ch'ul tsoblej; ma me xapas awat'elic, biluc at'elil te tulan ta pasele.

Levítico 23:9

Te Cajwaltic la sc'opon te Moisés, jich la yalbey:

Deuteronomio 16:8

Waqueb me c'aal ya awe'ic waj te ma ba yich'oj levadura. Ta sjuquebal c'aal ya me apasic muc'ul tsoblej swenta yich'el ta muc' te Cajwaltic te Dios cu'untique. Ja' in c'aal to, ma me ayuc at'el ya apasic a.

Ezequiel 45:23

Te juqueb c'aal ya xjalaj te q'uine, te jujun c'aal ya me yac' juqueb toroetic soc juqueb chijetic te ma'yuc bila boloben ta sbaq'uetalic, swenta chic'bil majt'anil scojt'ol ta stojol te Cajwaltique. Soc xan, ta jujun c'aal ya me yac' jcojt' tentsun swenta milbil majt'anil yu'un mulil.

Éxodo 13:6

Juqueb me c'aal ya awe'ic waj te ma ba yich'oj levadura. Jich yu'un te sjuquebal c'aale ya me apasic q'uin a ta swenta yich'jibal ta muc' te Cajwaltique.

Números 28:18

Te sbabial c'aal yu'un te q'uine ya me yich' pasel te ch'ul tsobleje. Ja' me te c'aal te ma'yuc at'el ya apasic a.

Números 28:25

Ta sjuquebal c'aal ja' nix me jich ay ch'ul tsoblej awu'unic, ja' te c'aal te ma'yuc at'el ya apasic a.

Números 28:26

“Te q'uin yu'un te sbabial sit awalts'unubil, c'alal ya awac'bonic te sbabial sit ya yich' set'el awu'unique, ja' me te q'uin yu'un te Semanaetique. Ay me ch'ul tsoblej awu'unic a, ma me ayuc at'el ya apasic.