Levítico 23:43 - Bible in Tzeltal de Oxchuc y Tenejapa

⁴³ swenta yu'un spisil me te patil alnich'anetic awu'unic ya me sna'ic te la cac' nainicuc ta nailwamaletic te israeletic te c'alal bi ora la quic' loq'uel tel ta Egipto. Jo'on te Ajwalilon te Dioson awu'unique”, uta me —xi' te Cajwaltique.

Bible in Tzeltal Bachajón

⁴³ scuenta yu'un ya sna'ic a te ats'umbalic te la jcac' ta nahinel ta yaxnahetic te snich'nab Israel te c'alal la jloq'ues tal ta sq'uinal Egipto. Ho'on, Jehovahon, te Dioson awu'unique, xchi.

Levítico 23:43 Referans Kwoze

Éxodo 13:14

Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae,

Levítico 23:34

—C'opona te israeletic, jich xawalbey: “Ta yo'lajunebal c'aal te sjuquebal u, ya me yich' pasel te q'uin swenta Nailwamaletic, ya me xjalaj juqueb c'aal te q'uine, ja' me swenta quich'el ta muc' jo'on te Ajwalilone.

Éxodo 12:41

Te c'alal nax a ts'aquej te lajuneb xcha'winic xcha'bajc' (430) ja'wile, jich a loq'uic spisil ta Egipto te swinictac te Cajwaltique.

Éxodo 12:51

Ja' me jich c'aalil a te loq'uesot ta Egipto yu'un Cajwaltic ta stsojbol te israeletique.