Levítico 23:41 - Bible in Tzeltal de Oxchuc y Tenejapa

⁴¹ Ta jujun ja'wil ta sjuquebal u, ya me apasic q'uin. Te q'uin ya apasique, juqueb me c'aal, swenta me quich'jibal ta muc'. Te jmandal ma me xlaj sc'oplal, ya me xc'ax ta stojol me'il-tatiletic soc ta stojol patil alnich'anetic.

Bible in Tzeltal Bachajón

⁴¹ Ta jujun ha'bil ya me apasic q'uin ta stojol Jehová huqueb c'ahc'al. Ha mandaril te ma xlaj sc'oblal ta cajalcaj ats'umbalic. Ya me apasic ta shuquebal u.

Levítico 23:41 Referans Kwoze

Números 29:12

“Ta yo'lajunebal c'aal ta sjuquebal u, ay me ch'ul tsoblej awu'unic, ma me ayuc at'el ya apasic a. Juqueb me c'aal ya apasic bael te q'uin swenta quich'el ta muc' jo'on te Ajwalilone.

Nehemías 8:18

Te q'uin la spasic ta swenta te Diose, jalaj juqueb c'aal. C'alal to ta xjajch'ibal soc c'alal ta slajibal te q'uine, te Esdras jujun c'aal la yawtaybey yaiyic te sc'op Dios ts'ibubil ta slibroil te mandaliletic yu'un te Diose. Ta swaxaquebal c'aal la yich' pasel tsoblej te mero bayal yutsil sc'oplale, jich nix bit'il costumbre jajch'em ta pasele.

Levítico 23:40

Ta sbabial c'aal ya me awich'ic tel te sc'abc'ab mero t'ujbil te'etic, yabenal xanetic, yabenal mero t'ujbil muc'ul te'etic soc sauce-te'etic ta ti'ti'ja'etic. Juqueb c'aal binuc nax me awo'tanic ta jtojol jo'on te Ajwalilon te Dioson awu'unique.

Levítico 23:42

Ta xc'axel te juqueb c'aale, ta apisilic ja'ex te sts'umbalex Israel, ya me xnainex ta anailwamalic ta chajbalchajp,

Levítico 23:14

Ja' to bi c'aalil te ya awich'ic bael te majt'anil ya awac'bonic ta jtojol jo'on te Ajwalilone, ma me xju' ya awe'ic waj, soc ma me xju' ya ac'uxic bila ch'ilbil, ni te bila stseele. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc te ya xnainexe.