Levítico 23:40 - Bible in Tzeltal de Oxchuc y Tenejapa

⁴⁰ Ta sbabial c'aal ya me awich'ic tel te sc'abc'ab mero t'ujbil te'etic, yabenal xanetic, yabenal mero t'ujbil muc'ul te'etic soc sauce-te'etic ta ti'ti'ja'etic. Juqueb c'aal binuc nax me awo'tanic ta jtojol jo'on te Ajwalilon te Dioson awu'unique.

Bible in Tzeltal Bachajón

⁴⁰ Ta sba c'ahc'al yac awich'ic tal te sit yu'un te mero lequil te'etic, soc ya'binal xahn, sc'ab te'etic te bayel ya'binal soc sauce-te'etic ay ta ti'ti'ha'etic; huqueb c'ahc'al buen tse'eluc me awo'tanic ta stojol Jehová te Dioson awu'unique.

Levítico 23:40 Referans Kwoze

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.

Filipenses 4:4

Soc ya calbeyex: Ayuc me bayal sbujts' awo'tanic spisil ora ta stojol te Cajwaltique. Soc ya calbeyex xan: Ayuc me sbujts' awo'tanic.

Romanos 5:11

Soc ma jipuc nax a. Ja' toyol co'tantic ta stojol Dios ta swenta te Cajwaltic Jesucristoe, te melel ja' ta swenta te junajix co'tan jbatic soc te Diose.

San Juan 16:22

Ja' nanix jich te ja'exe, ayex ta mel-o'tan ta ora to. Ja'uc me to, ya me quilbeyex xan asitic soc ya me xbujts'naj ta lec awo'tanic yu'un. Te sbujts' awo'tanique ma xju' ta pojel.

San Juan 12:13

Jich yu'un la sbojtilayic tel yabenal palmera. Jich loc' staic ta be te Jesuse. Jich la yalic ta aw: —¡Jelawen yutsil! ¡Bin nax yutsil te mach'a talem ta swenta te Cajwaltique! ¡Bin nax yutsil te Muc' Ajwalil yu'un te Israele! —xiic ta aw.

San Mateo 21:8

Ta spisil te ants-winiquetic la slim sc'u'ic ta be, soc ay la sbojic tel sc'ab te' te la slimic ta bee.

Isaías 35:10

te mach'atic scoltayej loq'uel tel te Cajwaltique. Ya me x'ochic bael ta Sión ta c'ayoj soc sbujts' yo'tanic; spisil me ora bin nax yo'tanic ya xcuxinic tey a. Ya me staic sbujts' q'uinal yaiyic soc smuc'ul yo'tanic, ya me xch'ay ta jc'axel te mel-o'tan soc te bila c'ux ya yaiyique.

1 Pedro 1:8

Te ja'exe c'ux ta awo'tanic te Jesucristoe, manchuc teme ma ba awilojbeyic sit. Soc manchuc teme ma ba ya awilic ta asitic ta ora to, ja'uc me to, jun nax awo'tan ach'uunejic. Jich jelawen nax yutsil sbujts' awo'tanic ya awaiyic yu'un ta c'axem to xan te ma xju' ta alel sc'oplale.

Filipenses 3:3

Yan te jo'otique quich'ojtic te mero circuncisione. Melel ta swenta nax te Espíritu te yacotic ta abatinel yu'un te Diose. Jich bayal sbujts' co'tantic ta swenta te Cristo Jesuse; ma ba ja' ya smuc'ulin co'tantic te bila ya yich' pasel ta jbaq'uetaltique.

Isaías 66:10

Binuc nax me awo'tanic soc Jerusalén, nojuc me yutsil awo'tanic yu'un, ta apisilic ja'ex te c'ux ya awaiyique; jun nax me ya awac' abaic yu'un te yutsil awo'tanic ta apisilic, ja'ex te ay oq'uemex yu'une.

Salmos 92:12

Te mach'atic lec yat'elic ya xnichinic c'oem jichuc palma, soc ya xch'iic jich te bit'il cedroetic ta Líbano.

Levítico 23:39

“Ta yo'lajunebal c'aal sjajch'el te sjuquebal u, te c'alal la atsobiquix a te sit awawal-ats'unubic, ya me apasic juqueb c'aal q'uin swenta quich'jibal ta muc' jo'on te Ajwalilone. Soc ya me acux awo'tanic ta sbabial c'aal soc nix ta swaxaquebal c'aal.

Levítico 23:41

Ta jujun ja'wil ta sjuquebal u, ya me apasic q'uin. Te q'uin ya apasique, juqueb me c'aal, swenta me quich'jibal ta muc'. Te jmandal ma me xlaj sc'oplal, ya me xc'ax ta stojol me'il-tatiletic soc ta stojol patil alnich'anetic.

Deuteronomio 12:7

Ya me xwe'ex tey a ta stojol te Cajwaltic te Dios cu'untique. Bin nax me awo'tanic soc mach'atic ay awu'unic yu'un te sit te awat'elique, ja' te banti la yac'beyex bendición te Cajwaltic te Dios cu'untique.

Salmos 137:2

Te arpaetic cu'untic joc'ajtic ta sauce-te'etic.

Isaías 44:4

Jich me ya xmuc'ubic te bit'il awalts'unubil te bueno ya yich' malel ta ja', jich bit'il sauce-te'etic ta ti'muc'ja'.

Deuteronomio 12:12

Ya me apasbeyic q'uin ta stojol te Cajwaltic te Dios cu'untique. Ya me atsob abaic soc awal-anich'nabic soc abatetic awu'unic, soc nix te levitaetic nainemic ta banti ayexe, melel ma'yuc ac'bot yich' sq'uinalic ta awolilic stuquelic.