Levítico 23:37 - Bible in Tzeltal de Oxchuc y Tenejapa

³⁷ “Ja'ic me te sc'aalelal te bayal sc'oplal te ya yich' pasel q'uinetic ta jtojol jo'on te Ajwalilone. Ya me sc'an ya yich' alel te ja'ic te ch'ul tsoblejetic awu'unic, ja' me ta yorail a te ya awac'bonic chic'bil jmajt'an jo'on te Ajwalilone, soc majt'anil te scojt'ol ya yich' chiq'uel, majt'anil harina, majt'anil vino, chican te bila pasel ya sc'an te jujun sc'aalelal te q'uinetique.

Bible in Tzeltal Bachajón

³⁷ Ha te q'uinetic yu'un Jehová ini te yac apuquic ta halel te ha ch'ul tsoblejetic awu'unic yu'un yac awa'beyic chic'bil mahtanil te Jehová, ha te scohtol chic'bil mahtanil, mahtanil harina, milbil mahtanil soc malbil mahtaniletic, te jujuchahp ta mero yorahil;

Levítico 23:37 Referans Kwoze

Levítico 23:2

—Albeya te israeletic te bila ya calbate: “Ja' in to, ja' sc'aalelal te bayal sc'oplal ta jtojol jo'on te Ajwalilone, ja' me te ch'ul tsoblejetic sbiil ya xc'ot awu'unique.

Levítico 23:4

“Ja' in ajtal to bayal sc'oplal yu'un ya yich' pasel a te ch'ul tsoblejetic swenta quich'jibal ta muc' jo'on te Ajwalilon, ja'ic in to:

Eclesiastés 3:1

Ta balumilal spisil ay yorail ta pasel. Ay yorail ta jujun te bila ya xc'ot ta pasele:

Levítico 23:38

Yan me a te majt'aniletic yu'un sc'aalelal swenta cux-o'tan ta swenta quich'jibal ta muq'ue, soc nix te yantic majt'aniletic ta swenta spasemal awo'tanic ya awac'bonic, te majt'aniletic chapal ya awac'bonic, o te majt'aniletic ta swenta yutsil awo'tanic ya awac'bonique.

Levítico 23:44

Jich la yalbey te israeletic te Moisés, jich la yac'bey sna'ic te bitic c'aalil te tsabil te bayal sc'oplal ta stojol Cajwaltique.