Levítico 23:30 - Bible in Tzeltal de Oxchuc y Tenejapa

³⁰ Teme ay mach'a ya spas yat'el, mach'auc a te jich ya spase, ya me jlajin, jich me ya cac' ch'ayuc ta sitil yu'un slumal.

Bible in Tzeltal Bachajón

³⁰ Soc mach'ayuc a te ya spas biluc a'telil a, ho'on ya jin loq'uel ta yohlil te slumale.

Levítico 23:30 Referans Kwoze

Levítico 20:3

Ya me jcontroin te winique, ya me jloq'ues ta yolil te slumale, melel la yac' te ma ba lec c'ot te ch'ul awilal cu'une, soc la yac' jinuc sc'oplal jch'ul-biil yu'un te la yac'bey jtul snich'an te Moloc.

1 Corintios 3:17

Teme ay mach'a ya sjin te templo yu'un te Diose, ya me yich' jinel yu'un uuc te Diose. Melel te templo yu'un te Diose, ja'ex abi, te ch'ultesbilexe.

Sofonías 2:5

¡Ya me awil awocolic ants-winiquetic te talemex ta Creta te nainemex ta sti'il mar! Dios ya yalbeyex ac'oplalic ta scontroinbelex: —Canaán, slumalat filisteoetic, ya me jlajinat soc ma'yuc mach'a ya quijq'uitaybat.

Ezequiel 14:9

“Teme ay j'alwanej te ma meleluc te c'op ya yale, yu'un me jo'on Ajwalilon te la jlo'lay te j'alwanej abi. Jo'on me ya jtoy jc'ab ta yaq'uel castigo, soc ya me jloq'ues ta lum Israel cu'un.

Jeremías 15:7

La jpuc bael te ants-winiquetic jich bit'il taquin ac; la jloq'ues tel ta lumetic te ay ta slumalique. Ma'yuc snich'nab la quijq'uitaybey te lum cu'une, la jlajin ta spisilic. Melel ma la yijq'uitayic te bol cuxlejal yu'unique.

Génesis 17:14

Yan te mach'a ma xyich' circuncisión, ya me yich' loq'uesel ta stojol alumal, yu'un ya xc'axintaybon te trato cu'une —xi'.

Levítico 23:29

Te mach'a ma ba ya scom swe'el ta Sc'aalelal Perdón, mach'auc a te ma ba ya xch'uun spasel, ya me yich' loq'uesel ta stojol te slumale.

Levítico 23:31

“Ma me ayuc bila at'elil xapasic a jiche. Te jmandal ma me ayuc bi ora ya xlaj sc'oplal, ya me xc'ax ta stojol me'il-tatiletic soc ta stojol patil alnich'anetic ta bayuc te ya xnainexe.