Levítico 23:24 - Bible in Tzeltal de Oxchuc y Tenejapa

²⁴ —C'opona te israeletic, jich xawalbey yaiyic: “Ta sbabial c'aal sjajch'el te sjuquebal u, ya me apasic q'uin swenta cux-o'tan. Ay me ch'ul tsoblej soc ya yich' oq'uesinel oq'uesetic. Jich me ya quich' na'el a.

Bible in Tzeltal Bachajón

²⁴ Halbeya te snich'nab Israel: Ta sba c'ahc'alil ta shuquebal u ay me sc'ahc'alel cux-o'tan awu'unic, ha ch'ul tsoblej awu'unic te c'alal ya x'oc' xulubiletic.

Levítico 23:24 Referans Kwoze

1 Corintios 15:52

Te c'alal ya x'oc' ta slajibal buelta te oq'uese, ya xc'atp'ujotic ta ora nax, jich bit'il ya smuts' sba mujts'eluc te jsitique. Te c'alal ya x'oq'uesinot te oq'uese, spisil te animaetique ya me xcha'cuxic tel. Xujt' ma xju' te ya xlajic xan yan buelta. In te jo'otique, ya xc'atp'ujotic ta jpisiltic.

1 Tesalonicenses 4:16

Melel ya me xchicnaj tulan aw ta mandal, soc te sc'op te jwolwanej ch'ul abate, soc te sc'op oq'ues yu'un Dios, te c'alal ya xcoj tel ta ch'ulchan te Cajwaltique. Jich te mach'atic xch'uunejic Cristo te lajique, neel ya xcha'cuxic tel.

Levítico 25:9

Ta slajunebal c'aal sjajch'el te sjuquebal u, te ja' te Sc'aalelal Perdón, ya me yich' oq'uesinel oq'ues ta spamal te lumq'uinale.

Salmos 98:6

C'ajinanic soc yutsil awo'tanic ta stojol Cajwaltic te ja' Muc' Ajwalile; c'ajinanic soc te bitic ya xc'opojic te ya yich'ic oq'uesinele.

2 Crónicas 5:13

Ta spisilic jun nax la yac' sbaic ta yoq'uesinel te oq'uesetique, soc ta c'ayoj ta yalel yutsil sc'oplal soc ta yalel wocol ta stojol te Cajwaltique. Yacalic ta yoq'uesinel te oq'uesetic, soc yacalic ta stijel te platilloetic soc te yantic at'ejibaletic yu'un música te c'alal yacalic ta c'ayoj a: “Albeyaic yutsil sc'oplalte Cajwaltic, melel mero lec yo'tan,melel te xc'uxul yo'tanesbajt'el q'uinal ay”, xiic ta c'ayoj. Te c'alal jich yacal ta pasel a, noj ta tocal te templo yu'un te Cajwaltique.

Isaías 27:13

Te bi c'aalil ya cale, ya me yich' oq'uesinel te muc'ul oq'ues. Te mach'atic ch'ayemic ta bay Asiria, jich nix te ayic ta Egipto, ya me xtal squejan sbaic ta stojol te Cajwaltic ta Jerusalén, ta bay ch'ul wits.

Esdras 3:6

C'alal ta sbabial c'aal sjajch'el a te sjuquebal u, jajch' xchic'beyic smajt'an te Cajwaltique, manchuc teme ma to ba jajch'em ta cha'pasel xan a te templo yu'un te Cajwaltique.

1 Crónicas 15:28

Spisil Israel jich la yich'ic bael te scajonil trato yu'un te Cajwaltique. Ayic ta aw soc sbujts' yo'tanic soc ta sc'op te xulub chij, ta sc'op oq'ues, platilloetic, salterioetic soc ta sc'op te arpaetique.

Levítico 23:23

Te Cajwaltic la sc'opon te Moisés, jich la yalbey:

Nehemías 8:2

Ta sbabial c'aal sjajch'el a te sjuquebal u, te sacerdote Esdras la yich' bael ta tsoblej te libro yu'un te mandaliletique. La stsob sbaic antsetic winiquetic, ta spisilic te jayebic ya sna'iquix q'uinale.

Salmos 89:15

Cajwal cu'un, bayal yutsil te lum te bin nax yo'tan ya sna' yalel yutsil ac'oplal, soc te chican q'uinal ya xbeen yu'un te saquil q'uinal awu'une.