Levítico 23:22 - Bible in Tzeltal de Oxchuc y Tenejapa

²² “Te c'alal ya sta yorail ta tsobel sit trigo soc te cebada, ma me jc'axeluc spisil ya atsob asta mero slajibal te bila ya xloc' ta aq'uinale, soc ma me xacha'le xan teme ay to chexajtic ya xjil te sit te trigo soc cebada. Ijq'uitaya jilel, yu'un ja' ya xtuun yu'unic te me'baetic soc te jyanlumetique. Jo'on te Ajwalilon te Dioson awu'unique.” Jich me ya xc'o awal ta stojolic —xi' te Cajwaltique.

Bible in Tzeltal Bachajón

²² Te c'alal yac awa'iyic c'ajoj ta aq'uinalic, ma xac'aj c'alal ta mero sti'il, soc ma xatamic te banti hileme; ihquitaya hilel yu'un te pobre soc te jyanlum. Ho'on, Jehovahon, te Dioson awu'unique, xchi.

Levítico 23:22 Referans Kwoze

Isaías 58:10

teme ya awac' aba ta abatinel yu'un te mach'a ay swi'nale, soc teme ya acoltay te mach'atic ay swocole, te luz awu'une, ya xojobaj ta ijc' q'uinal, te awaxinale, ya xc'atp'uj ta saquil q'uinal swenta olil c'aal.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

Salmos 112:9

Ya smajt'antes te me'baetic; spisil ora ay te sc'uxul yo'tane. Jamal me sit-yelaw; ma me ayuc q'uexlal ta stojol.

Levítico 23:23

Te Cajwaltic la sc'opon te Moisés, jich la yalbey:

Rut 2:2

Te Rut la yalbey te Noemí: —Ac'awon bael te banti yacalic ta set'el cebada. Ya xba quil teme ay mach'a ya xc'uxtayone, teme ya yac'bon jtam ta bay yacal ta jilel yu'un te mach'atic ya set'ic loq'uel te cebadae —xi'. —Baan jiche —xi' te yalib-me'ele.