Levítico 23:21 - Bible in Tzeltal de Oxchuc y Tenejapa

²¹ “Ja' nix ta yorail a, ya me apasic ch'ul tsoblej, ma me ayuc bila at'elil ya xju' ya apasic. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc ayuquex ta nainel.

Bible in Tzeltal Bachajón

²¹ Ha nix ta sc'ahc'alel a ya me apasic ch'ul tsoblej, ma me xapas awa'telic a. Ha mandaril te ma xlaj sc'oblal ta cajalcaj ats'umbalic ta bayuc te ya xnahinex.

Levítico 23:21 Referans Kwoze

Levítico 23:2

—Albeya te israeletic te bila ya calbate: “Ja' in to, ja' sc'aalelal te bayal sc'oplal ta jtojol jo'on te Ajwalilone, ja' me te ch'ul tsoblejetic sbiil ya xc'ot awu'unique.

Números 18:23

Te levitaetic ja'ic nax me stuquelic ya yat'elinic abatinel ta Nailpac' te bay ya quich' c'oponele, soc ja'ic nix ay ta swentaic te bitic mulil te ya staique. Ja' me mandalil cu'un sbajt'el q'uinal te ya xc'ax ta stojol me'il-tatiletic soc alnich'anetic. Te levitaetic ma me ayuc sq'uinalic ta Israel.

Levítico 23:14

Ja' to bi c'aalil te ya awich'ic bael te majt'anil ya awac'bonic ta jtojol jo'on te Ajwalilone, ma me xju' ya awe'ic waj, soc ma me xju' ya ac'uxic bila ch'ilbil, ni te bila stseele. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc te ya xnainexe.

Levítico 23:4

“Ja' in ajtal to bayal sc'oplal yu'un ya yich' pasel a te ch'ul tsoblejetic swenta quich'jibal ta muc' jo'on te Ajwalilon, ja'ic in to:

Génesis 17:7

Soc jc'axel ya jpas trato ta atojol ja'at soc jayeb ats'umbal ta patil. Swenta sbajt'el q'uinal te trato cu'un: te jo'on Dioson awu'un, soc Dioson yu'un jayeb ats'umbal ta patil.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Deuteronomio 16:11

Ya me apasic q'uin ta stojol te Cajwaltic Dios cu'untique, tey me te banti stsaoj yu'un yawil te sbiile. Soc ja' me ya ajoinic te awal-anich'nabic, awabatic, acriadaic, levitaetic, jyanlumetique, me'ba alaletic soc me'ba antsetic te nainemic ta alumalique.

Levítico 23:7

Te sbabial c'aal ya me yich' pasel ch'ul tsoblej; ma me xapas awat'elic, biluc at'elil te tulan ta pasele.

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

Levítico 23:20

Te sacerdote ya me stoyilaybon ta jtojol te majt'anil chambalametic jo'on te Ajwalilone. Ja' me ya sjoin te waj swenta sba sit awalts'unubil te cheb chijetique. Ch'ultesbilic me ta jtojol jo'on te Ajwalilon, ja' me yu'un te sacerdote.

Levítico 23:25

Ya me xju' ya achiq'uic majt'anil swenta quich'el ta muc' jo'on te Ajwalilone, ma me ayuc bila at'elil ya apasic a”, uta me —xi'.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Levítico 23:31

“Ma me ayuc bila at'elil xapasic a jiche. Te jmandal ma me ayuc bi ora ya xlaj sc'oplal, ya me xc'ax ta stojol me'il-tatiletic soc ta stojol patil alnich'anetic ta bayuc te ya xnainexe.