Levítico 23:17 - Bible in Tzeltal de Oxchuc y Tenejapa

¹⁷ Ya me awich'ic tel te bitic ay awu'unic ta anaic, ja' me te cheb wajetic te yich'oj pasel ta mero lequil harina, yich'oj tac'ajtesel soc levadura te panetic, chaneb kilo yalal juju-jpejch', swenta toyilayel majt'anil sba sit awawal-ats'unub ta jtojol jo'on te Ajwalilone.

Bible in Tzeltal Bachajón

¹⁷ Ta banti anahic yac awich'ic tal cha'pehch pan pasbil ta cheb ta slajunebal efa lequil harina, ta'ajtesbil soc levadura, scuenta mahtanil sba sit ta stojol Jehová.

Levítico 23:17 Referans Kwoze

Levítico 23:10

—Albeya te israeletic te bila ya calbate: “Te c'alal ya x'ochex bael ta q'uinal te ya cac'beyexe, te c'alal ya aset'ic te bila sbabial ya xloc' sit, ya me awac'beyic ta stojol sacerdote te sba tomol ya xloc' ta set'el awu'unique.

Números 28:26

“Te q'uin yu'un te sbabial sit awalts'unubil, c'alal ya awac'bonic te sbabial sit ya yich' set'el awu'unique, ja' me te q'uin yu'un te Semanaetique. Ay me ch'ul tsoblej awu'unic a, ma me ayuc at'el ya apasic.

Levítico 7:13

Ja' nix ya sjoin te pimil waj yich'oj levadura te milbil majt'anil swenta yalel wocol ta jtojole, soc swenta lamal-o'tanile.

Éxodo 34:26

“Ja' me x'awich'ic bael ta templo ta jtojol jo'on Ajwalilon te Dioson awu'unic, ta bay mero lequic sba sit awawal-ats'unubic. “Ma me xapay alal tentsun ta ya'lel xchu' te sme'e —xi' te Cajwaltique.

Éxodo 34:22

“Pasa q'uin yu'un Semanaetic, ja' sq'uinul te sba sit trigo, soc pasa yan q'uin yu'un te c'ajoj te ay ta slajibal ja'wile.

Éxodo 23:19

“Te bay mero lec sba sit te awawal-ats'unubic, ya me awich'ic tel ta templo cu'un te Ajwalilon te Dioson awu'unique. “Ma me xapay alal tentsun ta ya'lel xchu' te sme'e.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

1 Corintios 15:20

Ja'uc me to, smelelil te cha'cux tel ta bay animaetic te Cristoe. Ja' sbabial cha'cux tel yu'un te mach'atic wayemique.

Romanos 8:23

Soc ma stuqueluc nax te yac ta woclajele. Jichotic uuc yacotic ta woclajel manchuc teme quic'ojtiquix te Espiritue, te ja' sbabial seña te jayeb bi ya yac'botic ta spisil te Diose. Jich bayal ayotic ta ajc'an jpisiltic te bit'il yacotic ta smaliyel te bi ora yal-snich'an Dios ya xc'ootique. Tey me ya xcolotic soc a te jbaq'uetaltique.

San Mateo 13:33

Ay yan seña-c'op te la yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te levadura te la scap ta wots'el soc oxp'is harina te antse, ja' to te pujc' yip ta sc'olol —xi' te Jesuse.

Números 15:17

Te Cajwaltic la sc'opon te Moisés, jich la yalbey:

Levítico 2:12

Ya xju' ya awac'bonic jmajt'anin levadura soc chab swenta sba sit awawal-ats'unubic, pero ma me xachiq'uic ta scajtijib jmajt'an swenta bujts'an yic' ta jtojol jo'on te Ajwalilone.

Éxodo 23:16

“Ya me apasbon xan jq'uin ta swenta te c'ajoje, ja' te sba sit te awalts'unubile. Ja' ni me jich ya apasbon jq'uin ta swenta te c'ajoj ta slajibal te ja'wil te c'alal loq'uix spisil a te bitic ats'unoje.

Éxodo 22:29

“Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

Levítico 23:18

Ya me sjoin ta iq'uel bael juqueb chijetic swenta jun ya'wilalic, te ma'yuc bila boloben ta sbaq'uetalic, jcojt' toro soc cheb tat chij, swenta majt'anil te scojt'ol ya yich' chiq'uel, swenta quich'el ta muc' jo'on te Ajwalilon, chic'bil majt'anil te bujts'an yic' ta jtojole. Ja' nix sjoy te majt'anil swenta harina soc vino.

Nehemías 10:37

Soc ja' nix jich la jna'tic te ya quich'tic bael ta stsobjibal biluquetic ta templo yu'un Dios cu'untic te sbabial harina, vino, aceite, soc te sba sit spisil te te'etique, swenta jpatantic te ja' yu'un te sacerdoteetique. Soc la jna'tic xan te ya quich'beytic bael levitaetic te jun ta slajunebal te bitic ya xloc' cu'untique, melel ja'ic nix a te ya stsobic te jun ta slajunebal ta spisil te bitic ya xloc' ta jq'uinaltique.

Números 18:12

Soc ya cac'bat te sbabial sit yawal-sts'unub israeletic te ya yich'bonic tel jujun ja'wil: ja' te lequil aceite, te lequil vino soc te lequil trigo.

Números 18:13

Ja' te sbabial sit awalts'unubil ya xloc' ta tsobel te ya xtal yac'bonic, ja' me awu'un te ja'ate. Mach'auc ay awu'un te lec sc'oplale, ya me swe'elinic.