Levítico 23:14 - Bible in Tzeltal de Oxchuc y Tenejapa

¹⁴ Ja' to bi c'aalil te ya awich'ic bael te majt'anil ya awac'bonic ta jtojol jo'on te Ajwalilone, ma me xju' ya awe'ic waj, soc ma me xju' ya ac'uxic bila ch'ilbil, ni te bila stseele. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc te ya xnainexe.

Bible in Tzeltal Bachajón

¹⁴ Ma me xawe'ic pan, ch'ilbil sit o yach'il sit ha to ta c'ahc'alil ini, ha to teme awac'ojix a te mahtanil yu'un te Dios awu'une. Ha mandaril te ma xlaj sc'oblal ta cajalcaj ats'umbalic ta bayuc te ya xnahinexe.

Levítico 23:14 Referans Kwoze

Éxodo 34:26

“Ja' me x'awich'ic bael ta templo ta jtojol jo'on Ajwalilon te Dioson awu'unic, ta bay mero lequic sba sit awawal-ats'unubic. “Ma me xapay alal tentsun ta ya'lel xchu' te sme'e —xi' te Cajwaltique.

Nehemías 9:14

La awac'bey snopic te ya scanantaybat te ch'ul c'aal yu'un cux-o'tane. La apas ta mandal, soc la awac'bey mero melel nopjibaletic, mandaliletic soc p'ijubtesel ta swenta te awabat Moisés.

Deuteronomio 16:12

Na'aic me te ja' nix jich mozoex c'axex ta Egipto. Ja' yu'un pasaic me bael spisil ora te mandaliletic in to.

Levítico 10:11

soc ya me xju' awu'unic ya awac' ta nopel yu'un te israeletic te mandaliletic la cac'beyex ta swenta Moisés —xi' sc'oplal yu'un te Cajwaltique.

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

Salmos 19:8

Te mandaliletic yu'un Cajwaltic toj ay stuquelic, melel ya yac'botic yutsil co'tantic. Te smandal Cajwaltic ma'yuc bila capal soc, ya xchicnaj yutsilal ta jsit-quelawtic.

Levítico 2:14

“Teme ya awac'bon jmajt'anin jo'on te Ajwalilon te sbabial sit te atrigo o te acebada, ya me abacubtes ta c'ajc' te juju-jchex ta xyaxal to, soc ya me yich' chewel te juju-jp'ij sit te yach'il to, te sbabial set'bile.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Levítico 23:31

“Ma me ayuc bila at'elil xapasic a jiche. Te jmandal ma me ayuc bi ora ya xlaj sc'oplal, ya me xc'ax ta stojol me'il-tatiletic soc ta stojol patil alnich'anetic ta bayuc te ya xnainexe.

Levítico 23:41

Ta jujun ja'wil ta sjuquebal u, ya me apasic q'uin. Te q'uin ya apasique, juqueb me c'aal, swenta me quich'jibal ta muc'. Te jmandal ma me xlaj sc'oplal, ya me xc'ax ta stojol me'il-tatiletic soc ta stojol patil alnich'anetic.