Levítico 22:8 - Bible in Tzeltal de Oxchuc y Tenejapa

⁸ Ma me xju' ya sti'bey sbaq'uetal lajem chambalam, o chambalam te yich'oj milel yu'un jti'awal ja'mal chambalame, ma me lecuc sc'oplal ya xc'ot yu'un. Jo'on Ajwalilon.

Bible in Tzeltal Bachajón

⁸ Ma me swe' te bin chamen o te yich'oj ixtalanel yu'un ha'mal chambahlam, como ha bohloben sc'oblal ya xc'oht yu'un. Ho'on, Jehovahon.

Levítico 22:8 Referans Kwoze

Levítico 17:15

“Mach'auc israelil, o jyanlumil, teme ya sti'bey sbaq'uetal lajem chambalam, o teme ya sti'bey sbaq'uetal te ixlanbil yu'un yan jti'awal ja'mal chambalame, ya me sc'an te ya sac' te sc'u'-spac', soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal. Patil lecubtesbil me sc'oplal ya xjil.

Éxodo 22:31

“Te ja'exe ch'ultesbiluquex me ta jtojol. Ma me xati'beyic sbaq'uetal lajem chambalam te milbil yu'un jti'awal ja'mal chambalam ta yol q'uinal. Ac'beyaic me sti' te ts'i'etique.

Ezequiel 44:31

Te sacerdoteetic ma me xju' ya swe'ic mutetic o yantic chambalametic te stuquel nax lajemique, o teme yich'oj milel ta jti'awal chambalame.

Deuteronomio 14:21

“Ma me xati'ic te chambalam ya xlaj ta stuquel nax, melel te ja'exe, ch'ultesbilex yu'un te Cajwaltic te Dios cu'untique. Ya me xju' ya awac'bey te jyanlumetic nainemic ta alumalique, ya me xju' ya sti'ic stuquel. Soc ya xju' ya achonbeyic te jyanlumetic c'axel nax ayique. “Ma me xapayic ta ya'lel xchu' sme' te ch'in tentsune.

Levítico 7:24

Te xepuil chambalametic te lajeme soc te ixlanbil yu'un jti'awal ja'mal chambalame, ya me xju' ya xtuun ta swenta yan, pero ma me xju' ya awe'ic.

Ezequiel 4:14

La jac'bey te jo'one: —Pero Cajwal, te jayebix c'aal te cuxulon ta q'uinale, ma'yuc bi ora jpicoj te bila amene. Soc ma'yuc bi ora jti'ojbey sbaq'uetal chambalam te stuquel nax lajeme, o ja' te chambalam yich'oj milel yu'un yantic jti'awal chambalame. Jc'axel ma'yuc bi ora jpasoj caiy prueba sbaq'uetal chambalam te bolobene —xoon ta stojol.

Éxodo 22:30

Te sba yalatac te awacaxic soc te achijique, te c'alal ya x'ayinic, juqueb me c'aal ya sjoin te sme'ique. Teme la staix waxaqueb c'aale, ya me awac'bonic.