Levítico 22:3 - Bible in Tzeltal de Oxchuc y Tenejapa

³ “Albeya yaiyic, yo'tic soc ta patil bael, ya me yich' loq'uesel ta jtojol mach'auc a te patil alnich'an yu'un Aarón, teme ma ba lec sc'oplal a te ya xtal yac'bon ta jtojol te bila ch'ultesbil ya yac'bonic ta jtojol te israeletique. Jo'on Ajwalilon.

Bible in Tzeltal Bachajón

³ Halbeya ya'iyic te mach'ayuc winiquil ta spisil ats'umbal ta cajalcaj awu'unic, teme bohloben sc'oblal a ya xnohpoj tal ta stojol te bin ch'ultesbil ya ya'bonic te snich'nab Israel, ya me yich' loq'uesel ta jtojol. Ho'on, Jehovahon.

Levítico 22:3 Referans Kwoze

2 Tesalonicenses 1:9

Ya me xc'ax swocolic ta castigo ta ch'ayel sbajt'el q'uinal. Ya me yich'ic ch'ojel loq'uel ta stojol te Cajwaltique soc ta bay yutsilal yu'el te Cajwaltique.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

Salmos 51:11

Ma me xapijt'eson soc ma me xach'ayon ta awo'tan; ma me xapojbon loq'uel te ch'ul espíritu awu'une.

Salmos 16:11

Ya awac'bon quil sbelal te cuxlejale. Ay mero muc' yutsil q'uinal ya caiy, ay yutsil sbajt'el q'uinal ta atojol.

Números 19:13

Melel teme ay mach'a ya spicbey sbaq'uetal anima, te ma ba ya slecubtes sba sc'oplal, ya sboltesbey sc'oplal te ch'ul awilal yu'un te Cajwaltique. Ja' yu'un ya me yich' ch'ayel loq'uel ta yolil Israel. Te bit'il ma ba tsijts'anbil ta ja' swenta lecubtesel, ja' swentail te ma lecuc sc'oplale.

Levítico 22:2

—Albeya te Aarón soc snich'nab, te ya me sc'an ya stsajtay sba ta lec yu'un te bitic ch'ultesbil ya yac'bonic te israeletic, swenta yu'un ma me sboltesbonic sc'oplal te jch'ul-biile. Jo'on Ajwalilon.

Esdras 8:28

Patil jich la calbey: —Te ja'exe ch'ultesbilex yu'un te Cajwaltique. Ja' nix jich te biluquetique. Te plata soc te oro ya me xtuun yu'un Cajwaltic, ja' te Dios yu'un jme'-jtatique.

Éxodo 30:33

Teme ay mach'a ya xchajban aceite te pajal soque, soc teme mach'auc nax ya smalbey ta sjole, jc'axel me ya yich' loq'uesel ta yolil te lume —xi' te Cajwaltique.