Soc ma me xatsacbeyic teme ay jyanlum tal yac'beyex chambalam, te jich ay te bit'il la calixe. Teme ya xtal yac' chambalam te ja' jwe'el jo'on te Diosone, pero teme ay bila boloben ta sbaq'uetal te chambalame, ma me stsacbot stuquel”, uta me xi'.
“Te c'alal ya xtojc' jcojt' wacax, chij, o tentsun, juqueb me c'aal ya sjoin sme', pero ta swaxaquebal c'aal stojq'uel, ya me xju' ya yich'ix chiq'uel swenta milbil jmajt'an.