Levítico 22:21 - Bible in Tzeltal de Oxchuc y Tenejapa

²¹ “Mach'auc a teme ya yac'bon milbil majt'anil swenta lamal-o'tanil, o teme yu'un jich ya yac' c'otuc ta pasel te bila chapal yu'un, o teme majt'anil swenta nax spasemal yo'tan, ya me sc'an te toro ya yac', o chij, pero ja' me te ma'yuc bila boloben ta sbaq'uetal, melel teme ay bila boloben ta sbaq'uetal te chambalame, ma me stsacbot stuquel.

Bible in Tzeltal Bachajón

²¹ Ha nix hich, teme ay mach'a ya ya'be milbil mahtanil scuenta lamal q'uinal te Jehová scuenta sc'ohtesel ta pasel te bin schapoj, o mahtanil scuenta nax sc'anojel yo'tan, teme wacax, tuminchij o tentsun, scuenta yu'un ya x'ich'bot ta cuenta a ma me ayuc bin jihnem yu'un te bin ya yaq'ue.

Levítico 22:21 Referans Kwoze

Números 15:8

Teme ja' te ya yich' milel toro ta swenta chiq'uel ta scojt'ol, teme ja' te milbil majt'anil ta swenta lamal-o'tanil, o teme ja' te ts'acaj te bila jc'axel achapoj,

Números 15:3

biluc ora te ya awac'bonic jcojt' toro o jcojt' chij swenta chiq'uel te quich'jibal ta muc', jich bit'il milbil majt'anil o teme scojt'ol ya yich' chiq'uel te buen bujts'an te yiq'ue, chican teme ja' ya awac' a c'alal ya sts'aquej te ay bila jc'axel achapoje o teme majt'anil te mero spasemal awo'tan ya awaq'ue, o teme ja' te ay ya yich' pasel ta yorail te q'uine,

Levítico 3:6

“Teme ay mach'a ya yic'bon tel ta jtojol jcojt'uc xchij o stentsun swenta yu'un ya yac'bon ta milbil jmajt'an ta swenta te lamal-o'tanile, ya me sc'an te ja' ya yac'bon jmajt'anin te state, o te sme'e, pero ya sc'an te ma'yuc bila boloben ta sbaq'uetal.

Levítico 3:1

“Teme ay mach'a ya yic' tel xwacax, chican teme stat o sme', swenta yu'un ya yac'bon ta milbil jmajt'an jo'on te Ajwalilon ta swenta lamal-o'tanil, ya me sc'an te ma'yuc bila boloben ta sbaq'uetal te chambalam ya yac'bon jmajt'anine.

Proverbios 7:14

“Te jo'one wojey cha'jey la jchap te ya cac' milbil majt'anil swenta lamal-o'tanil, nax to nax c'ot ta pasel cu'un te bila jchapoje.

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

Génesis 28:20

Jich la yal ta jamal te Jacob: “Teme yu'un ya sjoinon te Diose, soc teme ya scanantayon ta bay ya xboon, soc teme ya yac'bon jwe'el, jc'u'-jpac',

Éxodo 35:29

Spisil te israeletic, winiquetic soc antsetic, la yich'beyic tel smajt'an Dios yu'unic ta swenta spasemal yo'tanic, ja' te jayeb mach'atic te tijbot yo'tanic yu'un te ya yaiyic coltaywanej ta at'el, yu'un jich ya yich' pasel spisil te bila albil mandal yu'un Cajwaltic te Moisese.

Levítico 22:22

Ma me xawac'bonic jmajt'anin te chambalametic te ma'sit, te ay yejch'en, coxo, ay xch'ojquil, ay salul, o te ay xchinule, ma me xawac'bon ta chic'bil jmajt'an ta scajtijib.