Levítico 22:20 - Bible in Tzeltal de Oxchuc y Tenejapa

²⁰ pero ma me ja'uc te chambalam te ay bila boloben ta sbaq'uetal, melel ma me stsacbot stuquel.

Bible in Tzeltal Bachajón

²⁰ Ma me xawac' te ay bin jihnem yu'un, como ma ba ya x'ich'botat ta cuenta.

Levítico 22:20 Referans Kwoze

Deuteronomio 17:1

“Ma me xawac'beyic ta milbil smajt'an Cajwaltic Dios te toro soc chij te ay bila boloben ta sbaq'uetale, melel mero ma smulan ta jc'axel te Cajwaltique.

Malaquías 1:8

te ma'yuc bila amen ta ac'opic a te ya awac'bonic ma'sit chambalametic, coxoetic, soc te ay xchamelic. Baan, ilawilic, ich'beya bael te ajwalil awu'unic, ya me awilic teme bin nax yo'tan ya stsacbat smajt'anine —xi' te Cajwaltique.

Deuteronomio 15:21

Yan teme ay bila boloben te sbaq'uetale, teme coxo o teme ma'sit, o teme ay yan bila spasoje, ma me xawac'bey ta milbil smajt'an Cajwaltic stuquel.

1 Pedro 1:19

Ja' tojbil acolelic a te xch'ul xch'ich'el te Cristoe te milbil smajt'an Dios c'ot, jich bit'il alal chij te ma'yuc bila boloben soc ts'ilajem ta sbaq'uetale.

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

Levítico 22:25

Soc ma me xatsacbeyic teme ay jyanlum tal yac'beyex chambalam, te jich ay te bit'il la calixe. Teme ya xtal yac' chambalam te ja' jwe'el jo'on te Diosone, pero teme ay bila boloben ta sbaq'uetal te chambalame, ma me stsacbot stuquel”, uta me xi'.

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Levítico 3:1

“Teme ay mach'a ya yic' tel xwacax, chican teme stat o sme', swenta yu'un ya yac'bon ta milbil jmajt'an jo'on te Ajwalilon ta swenta lamal-o'tanil, ya me sc'an te ma'yuc bila boloben ta sbaq'uetal te chambalam ya yac'bon jmajt'anine.

Levítico 3:6

“Teme ay mach'a ya yic'bon tel ta jtojol jcojt'uc xchij o stentsun swenta yu'un ya yac'bon ta milbil jmajt'an ta swenta te lamal-o'tanile, ya me sc'an te ja' ya yac'bon jmajt'anin te state, o te sme'e, pero ya sc'an te ma'yuc bila boloben ta sbaq'uetal.

Números 19:2

—Jo'on Ajwalilon, ya cal mandal. Albeya te israeletic, ac'a yiq'uic tel jcojt'uc me' wacax te tsaj stsotsil te ma'yuc bay cajanbil yugo-te' ta snuq'ue.

Números 29:8

Te majt'anil te scojt'ol ya yich' chiq'uel te bujts'an yic' ta jtojol jo'on te Ajwalilone, ya me awaq'uic jcojt' toro, jcojt' tat chij, soc juqueb alal tat chijetic, te ma'yuc bila boloben ta sbaq'uetal.

Ezequiel 45:18

“Jo'on Ajwalilon te jich ya cale: Ta sba c'aalil te sbabial u, ya me awaq'uic swenta milbil majt'anil jcojt' toro, ja' me te ma'yuc bila boloben ta sbaq'uetal. Te majt'anile, ja' me yu'un te ya yich' lecubtesel te templo ta scaj te mulile.

Levítico 22:24

Soc ma me xju' ya awac'bonic jmajt'anin chambalametic te ejch'enajem te stonil sbaq'uetal, teme yich'oj majel, teme yich'oj nitel, o teme yich'oj set'ele. Ma me jichuc xapasulayic ta alum-aq'uinalic.