Levítico 22:2 - Bible in Tzeltal de Oxchuc y Tenejapa

² —Albeya te Aarón soc snich'nab, te ya me sc'an ya stsajtay sba ta lec yu'un te bitic ch'ultesbil ya yac'bonic te israeletic, swenta yu'un ma me sboltesbonic sc'oplal te jch'ul-biile. Jo'on Ajwalilon.

Bible in Tzeltal Bachajón

² Halbeya te Aarón soc te snich'nab te ya me stsahtay sbahic ta lec yu'un te bintic ch'ultesbil te ya ya'bonic te snich'nab Israel, ma me sbohlobtesbonic sc'oblal te jch'ul bihile. Ho'on, Jehovahon.

Levítico 22:2 Referans Kwoze

Deuteronomio 15:19

“Spisil te stat te sba yal awacax, soc te sba yal te achije ya xtojq'ue, ya me awac'bey yu'unin te Cajwaltic te Dios cu'untique. “Ma me xawac' at'ejuc te sba yal te wacaxetic awu'une, soc ma me xaloq'uesbeyic stsotsil te ch'in sba yal te chijetic awu'unique.

Levítico 18:21

“Ma me xawac'bey smajt'anin ta chiq'uel ni jtuluc anich'an te dios Moloc. Ma me xawac' bolobuc jc'oplal. Jo'on Ajwalilon.

Números 18:32

Teme loq'uemix awu'unic a ta bay mero lec te cu'une, te jich yipal ya xjil, ja' me awe'eliquix abi, jich ma ba ya ata amulic a. Jich lec sc'oplal ya xc'ot te ch'ul majt'anil ya yaq'uic te israeletic, soc jich ma ba ya awil awocolic ta milel’, xi' te Diose”, uta me —xi' te Cajwaltique.

Levítico 22:32

“Ma me xaboltesbon sc'oplal te jch'ul-biile, jich me ch'ul Dioson ta yolilic te israeletique. Jo'on Ajwalilon te la jch'ultesex te ja'exe,

Levítico 19:12

“Ma me ayuc bila jc'axel ya awal ta jamal ta lot te ya atabon ta alel jbiil, melel ya me aboltesbon te yutsil jc'oplal te jo'on Dioson awu'une.

Éxodo 28:38

Jich me ay ta sti'ba spisil ora te Aarón. Te Aarón ya me xcuchbey smulic te israeletic te bitic amen ya spasic ta swenta te bitic ch'ultesbile, soc te c'alal ya yaq'uic te majt'aniletique. Ja' me ya yac' ta na'el te lejch'el taq'uin te jun yo'tan ya stsac majt'aniletic te Cajwaltique.

Éxodo 13:12

ya me awac'beyic Cajwaltic te sbabial aquerem-nich'anique. Jich nix me te c'alal ya x'ayin yalatac te achambalamic, ja' me yu'un te Cajwaltique.

Levítico 21:6

ac'a me xch'ultes sbaic ta mero melel ta jtojol te Dioson yu'unique, ma me xyaq'uic bolobuc sc'oplal te jbiil, melel ja'ic te ya yaq'uic ta jtojol te majt'anil ya yich' chiq'uel, ja' te we'elil cu'un. Ja' yu'un ya me sc'an te spisil ora ch'ultesbil ya x'ainique.

Levítico 20:3

Ya me jcontroin te winique, ya me jloq'ues ta yolil te slumale, melel la yac' te ma ba lec c'ot te ch'ul awilal cu'une, soc la yac' jinuc sc'oplal jch'ul-biil yu'un te la yac'bey jtul snich'an te Moloc.

Levítico 15:31

Jich me ya awaq'uic lecubuc sc'oplal yu'un a te sbaq'uetalic te israeletique, swenta yu'un jich ma ba ya sboltesbonic sc'oplal te awilal ta banti nainemon ta yolilique, soc jich ma ba ya xlajic yu'un a.” Jich me ya xc'o awalic ta stojolic —xi' te Cajwaltique.

Levítico 22:1

Te Cajwaltic la sc'opon te Moisés, jich la yalbey:

Esdras 8:28

Patil jich la calbey: —Te ja'exe ch'ultesbilex yu'un te Cajwaltique. Ja' nix jich te biluquetique. Te plata soc te oro ya me xtuun yu'un Cajwaltic, ja' te Dios yu'un jme'-jtatique.

Isaías 52:11

Loc'aniquix, loc'aniquix bael ta Babilonia; ma me x'apiquic te bila ma lecuc sc'oplale, loc'aniquix bael ta Babilonia. Lecubenuquex me ta lec, ja'ex te ya awich'ic bael sbiluquil te templo yu'un te Cajwaltique.

Ezequiel 44:8

Ma ba ach'uunejic spasel te ch'ul mandaliletic cu'un te chapale, awac'ojbeyiquix ta sc'ab jyanlumetic’, xi' me te Cajwaltic”, uta me.