Levítico 21:9 - Bible in Tzeltal de Oxchuc y Tenejapa

⁹ “Teme ya sboltes sba, teme ya sc'atp'un sba ta jmulawil ants te yantsil-nich'an sacerdote, ya sboltesbey sc'oplal te state, ja' yu'un cuxul me a ac'a yich' chiq'uel.

Bible in Tzeltal Bachajón

⁹ Te yantsil-nich'an sacerdote teme ya sbohlobtes sba yu'un te ya xhahch yac' sba ta antsinel, ya sbohlobtesbe sc'oblal te state, ya me yich' chiq'uel.

Levítico 21:9 Referans Kwoze

Génesis 38:24

Oxeb u ta patil albot yaiy te Judá: —La staix smul te awalibe, ja' te Tamare. Yic'ojix yal —xi' sc'oplal. La yal te Judá: —Ic'a tel, ac'a yich' chiq'uel ta c'ajc' —xi'.

Levítico 19:29

“Ma me xawac' ta boltesel te awantsil-nich'ane, ma me xawac' c'atp'ujuc ta antsinel. Ma me ilaybiluc sba ya xc'ot awu'un te lume, ma me xanojes a te bitic ma lecuque.

Tito 1:6

Te mach'a ya xju' ya yich' yat'el ta ancianoile, ja' me te mach'a ma'yuc bi quechel ta swentae, soc te jtul nax ants nujbinem ta q'uinal soque, soc te xch'uunejic Dios uuc te snich'nabe, soc te ma'yuc banti jchijil-joletic soc jch'ay-mandaletic xi' sc'oplal te snich'nabe.

Malaquías 2:3

Soc la to yal xan: —Ya me jpojbeyex te awat'elic, soc ya me jtujq'uiybeyex ta asitic te stsa' chambalametic te ya awiq'uic tel ta milele. Pajal ya xbaex ta ch'ojel soc te stsa' chambalametique.

Isaías 33:14

Ta lum Sión ya me xiw te jmulawiletique; te mach'atic ma tojuc yo'tanic, ya me xnoj xiwel ta yo'tanic. Soc jich me ya yalic: “¿Mach'a ya xju' ya xcuxin tey a te jo'otique ta bay c'ajc' te jinawanej, te yac ta tilel sbajt'el q'uinale?” xiic me.

1 Samuel 2:34

Tey me ya ana' a te bila ya xc'ot ta pasel ta swenta anich'nab, ja' te Ofni soc Finees: ta xchebalic ya me xlajic ta jun nax c'aal.

1 Samuel 2:17

Ja' yu'un te smulic te winiquetic, mero tulan sc'oplal ta stojol Cajwaltic, melel mero ma'yuc swentail ta yo'tanic te majt'aniletic yu'une.

Josué 7:25

Te Josué la yalbey: —¿Bi yu'un te la awich'botic tel woclajel ta jtojoltic? Ta ora yo'tic te Cajwaltic ja' me ya yac' c'otuc ta awenta te woclajel te la awich'botic tele —xi'. C'alal laj yo'tan ta yalel, spisil te israeletic la smilic ta ch'ojel ta ton te Acán soc te mach'atic ay yu'une. Ta patil la xchiq'uic,

Josué 7:15

Te mach'a yich'oj te bila sc'oplal ya yich' jinel ta jc'axele, ya me yich' chiq'uel ta sjunal sna soc spisil te sbiluque, ta scaj te la spas te bila ma lecuc ta yolil Israel. Ma la xch'uunic te bi la cal ta atojolique —xi' te Cajwaltique.

Levítico 20:14

“Teme ay winic ya yic' yinamin jtul ants, teme ya yic' xchebal soc te sme'e, mero mulil, ja' yu'un ta yoxebalic cuxajtic a ac'a yich'ic chiq'uel. Jich ma'yuc mach'a ya spas ta awolilic a te bila ma lecuc ya spasique.

Éxodo 31:14

Te bi c'aalil swenta cux-o'tan, ch'ultesbil me cu'un ta atojolic, ya me awich'ic ta muc'. Te mach'a ma xyich' ta muc', ya me x'albot te ya xc'ot lajel ta swenta. Te mach'a ya x'at'ej a te bi c'aalil swenta cux-o'tan, jc'axel me ya yich' loq'uesel ta yolil te lume.

Deuteronomio 22:21

ac'a me sloq'uesic bael ta sna te state. Te winiquetic yu'un te slumale ya me smilic ta ch'ojel ta ton, swenta bit'il la spas bila mero amen ta pasel ta yolil Israel, soc la sboltesbey sc'oplal te mach'atic ay yu'un te state. Jich me ya xlaj te bila amen ta awolilique.