Levítico 21:6 - Bible in Tzeltal de Oxchuc y Tenejapa

⁶ ac'a me xch'ultes sbaic ta mero melel ta jtojol te Dioson yu'unique, ma me xyaq'uic bolobuc sc'oplal te jbiil, melel ja'ic te ya yaq'uic ta jtojol te majt'anil ya yich' chiq'uel, ja' te we'elil cu'un. Ja' yu'un ya me sc'an te spisil ora ch'ultesbil ya x'ainique.

Bible in Tzeltal Bachajón

⁶ Ch'uhltesbilic me ta stojol te Dios yu'unic, ma me xyac' bohlobuc sc'oblal te sbihil te Dios yu'unic, como ha ya yaq'uic te chic'bil mahtaniletic ta stojol Jehová, ha te we'elil yu'un te Dios yu'unique. Ha yu'un ya sc'an te ch'ultesbilique.

Levítico 21:6 Referans Kwoze

Levítico 18:21

“Ma me xawac'bey smajt'anin ta chiq'uel ni jtuluc anich'an te dios Moloc. Ma me xawac' bolobuc jc'oplal. Jo'on Ajwalilon.

Levítico 3:11

Jich te sacerdote ya me xchic' ta sba scajtijib spisil, swenta majt'anil we'elil te ya yich' chiq'uel ta swenta quich'el ta muc' jo'on te Ajwalilone.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Ezequiel 44:7

Ja'ex ya aboltesic te templo cu'une, melel ya awaq'uic ochel jyanlumetic tey a. Ja'ic te ma ba yich'ojic te marca yu'un te trato cu'une, ma'yuc ta yo'tanic ni ta sbaq'uetalic yich'ojic. Ya sjinbeyic sc'oplal, melel ya awac'bonic jwe'elin te xepuil soc te xch'ich'el te milbil majt'anile. Jich ya ajinbonic a te trato cu'une, ta scaj te mero ilaybil sba awat'elique.

Isaías 52:11

Loc'aniquix, loc'aniquix bael ta Babilonia; ma me x'apiquic te bila ma lecuc sc'oplale, loc'aniquix bael ta Babilonia. Lecubenuquex me ta lec, ja'ex te ya awich'ic bael sbiluquil te templo yu'un te Cajwaltique.

Esdras 8:28

Patil jich la calbey: —Te ja'exe ch'ultesbilex yu'un te Cajwaltique. Ja' nix jich te biluquetique. Te plata soc te oro ya me xtuun yu'un Cajwaltic, ja' te Dios yu'un jme'-jtatique.

Levítico 21:8

Ma me xawac' scap sbaic soc yantic, melel ja'ic me te ya yaq'uic waj ta jtojol. Ch'ultesbilic me ta atojol, melel jo'on Ajwalilon, ch'ul Dioson, soc jo'on te ya jch'ultesexe.

Levítico 19:12

“Ma me ayuc bila jc'axel ya awal ta jamal ta lot te ya atabon ta alel jbiil, melel ya me aboltesbon te yutsil jc'oplal te jo'on Dioson awu'une.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Éxodo 29:44

Ch'ultesbil me cu'un te Nailpac' te bay ya quich' c'oponel, soc te scajtijib ta chiq'uel milbil jmajt'ane. Ch'ultesbil me cu'un Aarón soc snich'nab te ya cabatin ta sacerdoteile.

Éxodo 28:36

“Pasa lejch'el taq'uin ta puro oro. Ya me ats'ibuy tey a in c'op to, jich me ya yich' pasel te bit'il sello: “JA' YU'UN TE CAJWALTIQUE”, xi' me.

Éxodo 19:22

Te sacerdoteetique ya xju' ya xnoptsajic tel ta jtojol, ya me sc'an neel ya slecubtes sbaic, teme repente tan ya xbajt'ic cu'un —xi' te Cajwaltique.

Levítico 21:17

—Albeya te Aarón te yo'tic soc ta patil bael, ma me xju' ya yac'bey te majt'anil waj ta jtojol ni jtuluc te patil alnich'an yu'un teme ay banti ma lecuc te sbaq'uetale,

Levítico 21:21

Ma me ayuc jtuluc te patil alnich'an yu'un sacerdote Aarón te ya xju' ya yac'bon ta jtojol te majt'aniletic yu'un ya yich'ic chiq'uel teme ay banti ma lecuc te sbaq'uetale. Ja' yu'un, ma xju' ya yac'bon majt'anil waj ta jtojol te Dioson yu'une.

Levítico 20:3

Ya me jcontroin te winique, ya me jloq'ues ta yolil te slumale, melel la yac' te ma ba lec c'ot te ch'ul awilal cu'une, soc la yac' jinuc sc'oplal jch'ul-biil yu'un te la yac'bey jtul snich'an te Moloc.

Levítico 21:23

pero ma xju' ya x'och bael ta spat te pac' t'imile, soc ma xju' ya xnoptsaj bael ta stojol te scajtijib ta chiq'uel majt'anil, melel ay banti ma lecuc sbaq'uetal; swenta yu'un jich ma sboltesbon sc'oplal a te ch'ul awilal cu'une. Melel jo'on te Ajwalilon te ch'ultesbilic cu'une —xi'.

Números 16:5

jich la yalbey te Coré soc te mach'atic sjoinej: —Pajel ta sab te Cajwaltic ya me yac' ta na'el te mach'a ay ta swenta soc mach'a ch'ultesbil yu'un te ya xju' ya xchic'bey te majt'aniletique. Ja' nax me ya xju' ya xchic'bey majt'anil te mach'a ya stsa stuquele.

Números 28:2

—Pasa ta mandal te israeletique: “Ma me scom sbaic ta yaq'uel ta mero yorail te we'elil soc te milbil majt'aniletic, te ya yich' chiq'uel ta jujun q'uin, ja' te majt'aniletic te bujts'an yic' ta jtojole.