Levítico 21:12 - Bible in Tzeltal de Oxchuc y Tenejapa

¹² Ma me xju' ya xloc' ta ch'ul awilal cu'un, soc ma me xyac' pejc'ajuc yutsil sc'oplal te ch'ul awilal, melel ja' c'oem ta sjol te aceite swenta ch'ultesel cu'un. Jo'on Ajwalilon.

Bible in Tzeltal Bachajón

¹² Ma me xloc' ta ch'ul awilal yu'un soc ma me xyac' bohlobuc sc'oblal te ch'ul awilal yu'un te Dios yu'une, como yich'oj malel ta aceite scuenta ch'ultesel yu'un te Dios yu'une. Ho'on, Jehovahon.

Levítico 21:12 Referans Kwoze

Levítico 10:7

Soc te ja'exe ma me xc'ubex bael ta yochibal te Nailpac' te banti ya yich' c'oponel te Cajwaltique, swenta yu'un ma ba ya xlajex a, melel awich'ojiquix ch'ultesel ta swenta te aceite yu'un te Cajwaltique —xi' sc'oplalic yu'un te Moisese. Mero jich nix la spasic a te bit'il albotic yu'un te Moisese.

Éxodo 28:36

“Pasa lejch'el taq'uin ta puro oro. Ya me ats'ibuy tey a in c'op to, jich me ya yich' pasel te bit'il sello: “JA' YU'UN TE CAJWALTIQUE”, xi' me.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Levítico 8:30

Te Moisés la yich' ch'in jtebuc aceite swenta ch'ultesel, soc te ch'ich' ay ta sba te scajtijib ta chiq'uel smajt'an te Diose, la stsijts'anbey ta sba te Aarón soc te snich'nab, soc nix ta sba te sc'u'ic swenta sacerdoteil ta spisilic. Jich la spasbey ta stojol ta spisilic te Aarón soc snich'nab soc sc'u'ic yu'un sacerdoteil ta swenta xch'ulteselic.

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

Levítico 21:13

“Ja' me ya sc'an te ja' ya yic' yinamin te ach'ix ma'yuc tabil ta winique.

Números 6:6

Te jayeb c'aal chapal yu'une, ma me xju' ya xnoptsaj ta stojol te mach'a lajeme,