Levítico 21:10 - Bible in Tzeltal de Oxchuc y Tenejapa

¹⁰ “Te muc'ul sacerdote la yich'ix tulan yat'el te ya xju' ya slap te ch'ul c'u'ile, ta swenta te ch'ulteswanej aceite la yich' aq'uel ta sjole. Ja' yu'un tesbiluc me te sjole, soc ma me xch'i' sc'u' swenta seña mel-o'tan yu'un ay mach'a lajeme.

Bible in Tzeltal Bachajón

¹⁰ Te muc'ul sacerdote te ay ta yohlil te yermanotac, te malot ta aceite yu'un ch'ultesel soc te yich'oj ch'ultesel yu'un ya xhu' ya slap te ch'ul c'u'ule, ma me sloq'ues smuhquil sjol soc ma me sch'i' sc'u',

Levítico 21:10 Referans Kwoze

Levítico 16:32

Te sacerdote ya yich' tsaele, ja' te mach'a ya yich' aq'uel tulan yat'el yu'un ja' ya yich'bey yat'el ta sacerdoteil te state, ya me spas te bit'il ya xwejt' perdón yu'un a te amulique; ya me slap te c'u'il ch'ultesbil te pasbil ta lino.

San Mateo 26:65

Te muc' sacerdote la xch'i' sc'u' yu'un te bila la yal te Jesuse. Jich la yal: —La stoybac'optayix te Diose. ¿Bistuc xan yan testigoetic cu'untic? Ta ora to la awaiybeyiquix stojol te stoyba c'ope.

Números 35:25

Te lum ya me xc'opoj yu'un te mach'a ma ba snopoj ta yo'tan te la yaiy milawe, ma me xyaq'uic te ya sujt'esbey spacol te yermano te mach'a lajeme. Yan te mach'a la yaiy milaw, ya me yich' ticunel sujt'el ta bay lum yu'un anjibal, tey nix ta bay sleoje. Tey me ya xjil a ja' to me c'alal ya xlaj te muc' sacerdote te ochemix ta ch'ul at'ele.

Levítico 8:12

Te Moisés la smalbey ta sjol Aarón te aceite yu'un ch'ultesele, swenta yu'un jich ch'ultesbil yu'un Dios ta sacerdoteil a.

Salmos 133:2

Pajal c'oem soc buen t'ujbil perfume te ya x'oquin ta sjol sacerdoteetic, ya xco tel ta oc ta yisimic c'alal ta snuc' sc'u'ic.

Ester 6:12

Te c'alal laj yo'tan ta aq'uel ta beentesel te Mardoqueo, cha'bajt' xan ta naclej ta yochibal spalacio te muc' ajwalile. Te Amán ora bajt' ta sna, ay bael ta mel-o'tan soc smacoj yelaw.

2 Samuel 15:30

Te David mo bael ta Wits Olivailtic. T'axal yacan, ma'yuc step, yac ta oq'uel, soc smacoj sjol seña xc'uxul wocol. Spisil te mach'atic joinbil yu'une, smacoj sjolic uuc, soc yacalic ta oq'uel ta moel.

Levítico 13:45

“Te mach'a yich'oj te c'a'el-chamele, ya me sc'an te ch'i'em te sc'u'-spac' ya slape, t'anal stuquel te sjole, soc olil macal te yelawe. Ya me x'awun: “¡Ma lecucon! ¡Ma lecucon!” xi' me.

Génesis 37:34

Jich yu'un te Jacob la xch'i' sc'u' yu'un, la slap xch'ixal pac' yu'un mel-o'tan. Bayal c'aal la yoq'uetay te snich'ane.

Job 1:20

Te Job la stejc'an sba, bayal xc'uxul mel-o'tan la yaiy. La xch'i' sc'u' yu'un, la sjox te stsotsil sjole, la squejan sba ta lum, la sc'opon Dios.

Éxodo 29:7

Tsaca te aceite ta swenta ch'ultesel, malbeya ta sjol Aarón, jich me ya yich' ch'ultesel ta sacerdoteil.

Ezequiel 24:17

Muquen xamel awo'tan yu'un. Ma me xapasbey seña mel-o'tan, jich te bit'il ya yich' pasel ta stojol te mach'a ya xlaje. Ma me xaloq'ues sbejch'il ajol, soc ma me xaloq'ues axanab. Ma me xamac awelaw swenta seña mel-o'tan, soc ma me xawe' te bi ya yich' we'el swenta mel-o'tane —xi' te Cajwaltique.

Levítico 4:3

“Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Números 6:7

manchuc me ay ya xc'ot ta pasel ta stojol stat, teme ja' te sme', sbanquil, xwix, teme yijts'in, swenta yu'un lec sc'oplal ya xjil, melel tulan me sc'oplal te ya scanantay sba ta abatinel cu'un jo'on te Ajwalilone.